TURISTICA Toscana del 15-16/08/2005
Me fradel el m'eva ciama' ieri sera per veder se gh'evo voia de nar zo a trovar i me parenti toscani: l'e' vintitre' ani che no i vedo! Saria na' zo en treno (che per feragost l'e' anca quasi gratis) e saria torna' su con lu' el di' dopo, vist che el torneva dale ferie. Me basteva eser de volta per le 6 dopodisnar: g'ho i alenamenti de DragonBoat! Se pol far! Gh'e' da nar! E cosi' me som envia' en treno ale 6 de matina da Roveredo e ale 11 ero za' a Lucca. El Manuel (me fradel) e la Georgia (la so dona) i era za' li' en staziom che i me speteva. I m'ha porta' a Maggiano, en do che i era ospitai dai nosi cosini: mi me som porta' drio el me materassim e sacco a pelo per dormir ai pei del let che gh'eva me fradel. Li' ho encontra' me cosina Carla e me zia Lia (la zia me la ricordevo bem, ma adess l'e' propri veciota...): dopo en goz de crema de limoncin (me som fat dar la ricetta!!!!) dela Carla sem quindi nai a Chiatri al ristorante da Mariano (me cosim) a magnar e bever come i vedei. E che bem! Tut roba fata en casa! Anca el salame della lori cinta senese! Anca el posto en collina l'e' na favola, co la vista sulla Darsena, Versilia, Cinque Terre e en lontananza se vede addirittura el Monviso! Dopo en riposim per parar zo' el disnar, vist che i parenti no se i troveva sem nai a far en giro a Lido de Camaiore (Versilia) a veder se con quel che me ricordevo dale me vacanze che fevo da bocia (fra i 3 e i 6 anni ero sempre qi a far le ferie) riusivo ancora a orientarme:no. Sem quindi tornai a saludar el zio Mario e la zia Anna e fat n'ora de ciacerada (sperando che i poda tornar a farne visita en Trentim come 8 anni fa). E po' la mitica zia Marina che la na tegnu' li na bona ora a contarne le storie e le commedie che i ne conteva da boci (che revival da foc!). L'era tardi! E cosi' via de corsa a Chiatri al ristorante a zenar col riso ai porcini, cinghiale, e le varie specialita' toscane e bever...fim mezanot. La mattina dopo, alla casa de Maggiano sem finalemente riusidi a veder e far quatro cicacere col Mariano e la Grazia (cosini che n'ha ospitai, ma che i e' sempre ciapai a laorar al ristorante) prima che i tornesa a laorar: lori i e' omonimi dei me genitori e so fiol l'e' anca me omonimo (ma questo no l'ho vist...l'e' sempre en volta...pu' zinghem de mi!). Anca lori ('l Mariano e so fiol) i g'ha la passiom (come i cosini trentini) del fronte dela prima guerra mondiale e i conose (dai libri) l'Adamello a memoria! E cosi' dopo averli envidai a far na pestolada sul ghiacciaio e averghe lasa' li' 4 boze del nos vim (che evo porta' zo da farghe tastar) ne sem enviai vers casa.
| Beh, qi en Trentim sarem preoccupadi per la Pi.Ru.Bi., ma zo la' per no far costuiir l'autostrada gh'e' fin a 4 o 5 cartelloni su ogni casa!!! | |
|
mi e me fradel co la zia Anna e 'l zio Mario | me fradel e la Geo con la mitica zia Marina. | |
|
la vista da Chiatri: la Darsena e in lontananza a destra, Lerici | mi e la Geo all’agritur del Mariano: ma a chi ela drio a farghe la lengua? A quel mona de me fradel che è drio a scatar la foto: i se vol propri bem quei doi! | |
