FERRATA Bocchette centrali e Sosat del 13-14/08/2005
El Togni e el Patrick i m'eva proposto na sbaraccada de do di' en Brenta per el sabo e la domenega de feragost: el rifugio Alimonta l'era za' prenota'...come rifiutar? Cosi' ho sentu anca l'Andrea (el Marisa) e 'l Stefano che anca a lori l'idea no la ghe spiaseva. Ne sem trovai cosi' a Roveredo sabo de matina e dopo na bona colaziom al bar sem partidi ala volta de Vallesinella. L'idea, per el sabo l'era de salir al Tuckett e da li' via sentiero SOSAT raggiunger l'Alimonta. Tra na roba e l'altra avem parcheggia' le macchine che l'era quasi mezdi'. El parcheggio l'era piem e a feragost no podevem zerto immaginar de eser i soli! Taca a caminar a en bom pas (mi, conosendo la compagnia, de boze de cabernet sto colp n'evo portae doe: carga' come 'na bestia!) e vers le una e meza erem za' al rifugio Tuckett....proprio mentre che tacheva a diluviar. Li' tra 'na birra e en brule' avem conosu' la "muratrice": cameriera del rifugio co le spalle da murador che ghe meteva zo i dei en tel brule' (al Stefano). Vers le tree, smess de piover sem ripartidi per far el sentiero SOSAT. Peca' che apena pasai sotto la bocca de Tuckett ha taca' a diluviar: avem cosi' fat su en riparo de emergenza per spetar che el se calmesa, ma quando ha taca'a tonezar sem tornai a stappar 'na boza dalla muratrice. Erem ormai rassegnai a passar la not al Tucket quando vers le zinque s'e' davert fora: no gh'e' temp! Gh'e' da nar! e via... tra sol e nebbia alla fim sem riusidi a far el sentiero SOSAT: nient de che come difficolta', e anca se l'era bagna' e 'l Patrick l'era ala so prima ferrata vers le 7 erem za' sotto el rifugio Alimonta. Giust el temp de assegnarne la suite (le camere dell'Alimonta le e' propri bele) Monte Bianco e zo a zenar come i vedei! E brindar! A birre fin a chiusura. La matina sveglia ale 7 e ale 8 e 20 erem za' en marcia: 'sto colp nevem a far le bocchette centrali con arrivo alla bocca del Brenta.'Na serenada da foc, ma de zent ghe n'era propri poca (en val el temp el feva schifo da do di'!): meio! En circa do ore de ferrata e scalette erem za' vers la bocca del brenta, pronti per scender al Brentei a magnar en bocom a mezdi'. Da sora el Brentei se entreva nella nebbia e el panorama l'e' na' a farse ciavar, ma a veder el temp en val (pioveva), la soddisfaziom de en bel giro l'e' restada! Ale 2 sem arivadi ala macchina a Vallesinella e propri ale 2 ha scominzia' a piover e diluviar: la n'e' nada de lusso anca 'sto colp!
| El sabo, in vista del rifugio Tuckett: ancor 5 minuti e vem zo en diluvio! | |
|
El Stefano e 'l Patrick sotto el riparo de emergenza fat dopo esser pasai soto la bocca de Tucket: ma al prim tom avem gira' i tacchi e sem tornai de bala al rifugio! | Lungo el sentiero SOSAT. | |
|
Pasem anca davanti alla zima Tosa, col so bel canalone Neri: l'an che ven l'e' za' en programma! | Che giornada la matina! Qi l'e' ;a partenza dal rifugio alimonta. L'attacco delle bocchette centrali l'e' a destra dela forcella al centro dela foto, giust sora el nevaio. | |
|
La matina ala partenza dal sempre pu' ristruttara' rifugio Alimonta (i e' drio a sgrandarlo ancora!) | El Stefano e l’Andrea lungo le bocchette centrali: le nuvole, per fortuna le e'ancor basse! | |
|
El Campanil Basso: se l'aggira da sinistra. |
