IX DRAGONSPRINT PINE' Lago delle Piazze (Pine') del 24/07/2005

E finalmente e’ arriva’ ‘l di’ dela gara! Sveglia ale 5 e ½ parto quindi en moto vers le 6 e ¼ da casa: ale 7 men ¼ ne trovem la nosa sqaudra e la squadra de Ca’ Rossa, sul Lago de Caldonzz (alla ca’ Rossa) a cargar le nose barche sul camion. Quindi tuti vers Pine’ a scargarle en font al Lago delle Piazze e portarle sulla spiaggia de en do che gh’e’ la manifestaziom. Gh’e’ 16 equipaggi iscritti, vem fat batterie da 4 barche ala volta. La somma dei tempi delle prime do manches la decide l’accesso alla finale (primo-quinto), finalina (sesto-decimo) o l’eliminaziom. La gara la se svolge sui 250 metri: partenza, piu’ en centiner de pagaiae al passo e sprint finale. La partenza l’era prevista per le 8 e ½ per la prima batteria de barche, po’ ritardada vers le 9 e meza. Noi sem la terza batteria e quando parte la prima, el Gianni (capitano) el ne comunica la formaziom, trem la barca en acqua e fora a scaldarse. L’andatura la par bona e cosi’ vers le 10 toca a noi… ne alineem ale boe, “Pronti”… “veloci! All’attacco!!!!”…i sbara…. e nem! Dopo le pagaie de partenza, dal casim dei altri tamburi pero’, no se capiss nient! E no sentim quando i ne ordina de nar al passo… rallentem cosi’ man man fim al ritmo del passo. Anca el sprint finale no se capiss quando tacarlo e cosi’ vem fora en mazèl… e infatti bem no nem… Smontem, discutem… e dopo n’ora toca ancora a noi. Sto colp zighera’ sia el Gianni drio che ‘l Mattia davanti (che stamattina ‘l s’è lamenta’ dell’acido lattico che ‘l g’ha entorno dalla ferrata Pisetta del gieri) sia il passo che lo sprint…. e infatti nem decisamente meio: tute le squadre le peggiora 2 o 3 secondi dalla prima manche, noi restem praticamente li’! Ne classifichem cosi’ decimi e accedem alla finalina sesto-decimo posto: beh d’altronde le prime tre squadre classificae le era fatte da mez equipaggio forest (cannottiere agoniste dela nazionale): sa podevem pretender? Ma ‘l problema l’è ‘l sprint: fin quando nem al passo sem davanti, po’ al sprint i ne ciava. Sa far? E alora i decide che l’entrata al sprint altro no sara’ che ‘n passaggio graduale dal passo al sprint. L’è le 1 men ¼ quando i ne ciama per le finali e ‘sto colp, ‘l Gianni el sostituiss la tamburina (Eva) per zigarne con pu’ cativeria e gestir meio el passaggio al sprint finale. Partim cosi’ per la finalina: ne tirem tuti el col e quando l’è za’ en pez che nem sento lo speaker dir che sem davanti!!! Po’ ariva el sprint e do barche le ne pasa: che sfiga! Beh, bravi istess! Smontem dala barca e dem el via ale discussiom e ale birre. Entant ariva a trovarme anca ‘l Max e la Monica: forse la ‘stimana che vem ‘l Max ‘l vem sul Gran Zebru’. Quindi me trao co la squadra soto i tendoni e magnem, bevem, polsem… Po’ ale 3 gh’è le premiaziom e ne aprofittem de saltar tuti sul palco a cantar l’inno della squadra! Entant ariva a trovarme anca ‘l Matteo de Pine’ (‘l tornera’ tra i alpinisti a fin stagiom) co la so nova Monster (Diaolo po’ se la va!): ne aprofitem per bever na candola al bar, con do so amiche, e veder el MotoGP. Vers le zinque e meza, el camion co le barche el riparte per Caldonaz e alora… gh’è da nar! Scarga, riportela al molo.. e vem le 7 e 30: giust en temp per sentir i soci del paess che i me ciama per nar fora a zena a Nago. Via de corsa e quando le le 11 som propri strac e me trago en su vers ca’…. sol che for dala porta trovo i cosini… ne sentem zo’ a far do ciacere, ma dopo en pez sento me fradèl che me da’ en butom: “ Kepo, svegliete e va a dormir, va!”. M’ero endromenza’ sula carega!







La squadra la completo prima della discesa in acqua
Ecco il Trento DragonHearth che scende in campo per scaldarse i brazi…
L’elenco dei componenti
…noi sem quei en la terza fila (de drio)…. ma questo l’è ‘l momento che se spua sangue dala fadiga!
La mamma del Mattia la sera prima la n’ha prepara’ el braz da meterghe en bocca al drago (fim ala gara pasada gh’era ‘na caraffa!)
I carabinieri i fa i rilievi per capir de chi che l’è el braz che s’è magna’el nos drago.
Ottavi su sedese…. ma si’! Ma come i n’ha scrit DragonHearth!!!!
E alla premiaziom ensieme a 6 boze de vim i ne da’anca el quadret del Dragon BOT!


Ste pagine l'e' stae cargade volte da visitatori dal 3 de agost 2005