ALPINISTICA Ortles del 16-17/07/2005
Evem za' programma' la stimana pasada, prima de la me partenza per la Germania (per laoro), che sto colp mi e l’Andrea (da tuti conosu’ come “el Marisa” e che gireva en la compagnia del paess ai tempi dei fiftyraduni en quel de Trembelem: 10 anni fa) erem d'accordo per la normale dell'Ortles: ma a prenotar el rifugio Payer, quando 'l gestor el n'ha dit "Nein, Wir haben frei betten nicht!" avem deciso de nar istess. E cosi' la mattina ale 9 e meza, som pasa' a tor el Matteo de Sesto S.G. (che 'sto colp l'ha dit che 'l vol provar a farla tuta da sliga'!) en staziom e ale 10 e meza ne sem enviai tuti vers Solda. El temp previst no l'era el massimo almen per 'l sabo, e infatti quando sem partidi a pe' per el senter che da Solda porta al Tabaretta pioveva. Erem dosento metri soto el rifugio Tabaretta, propri al bivio che porta all'attacco della nord (riconoscibile dalla moltitudine di targhe/lapidi...) quando en rumoraccio a dat el via al disgaggio de en canalom de roccia sotto el Payer: e l'ha alza' su en polverom che el ghe na' mes en pez a postarse zo! Dopo 'na pausa al Tabaretta (e anca qi no se smentiss el fatto che le rifugiste le e' tute bele putele) sem ripartidi ala volta del Payer. Ala fim en 2 ore e tre quarti evem coert la distanza dai 1830 de Solda ai 3030 del Payer (i tempi i deva 3:30.... ma i e' sempre larghi!). El rifugio l'era en formigher (piem de zent), ma fortuna vol che na tripla la s'era liberada! E cosi' dopo en par de bone birre, avem zena' (co la me solita boza de cabernet), e no sem nai a dormir prima de aver pers 4 raggi a briscola con en par de siori della busa (Arco). La sveglia l'e' puntada ale 3 e 45: en realta' for per la not se se sveglia per forza en par de volte a causa dei spifferi del ventaz che s'e' leva' for dal rifugio. Prepara' i zaini, fem colaziom ale 4 e 15 e quando manca poc ale 5, anca se l'e' ancor buio, ne enviem vers le roccette co le frontali. Arivai soto la "famosa" parete da 50 metri, mi e 'l Marisa ne lighem: en realta' la parete (ne sem acorti dopo) l'era 'na ferratina che se pasa for agilmente. Pu' utile e' sta' la corda su en traverso en placca esposto. Ale 7 sem sul giaz. Ma soto el bivacco Lombardi (quota 3300) gh'e' n'altro salt de rocia da pasar fora: decidem, a differenza de tute le altre cordae de pasarlo per 'l canal de giaz (sui 45 gradi) che aggira a destra le roccette. Dal bivacco en poi, roccia no gh'e' pu' da tocarne e cosi' de bona lena en sol n'ora e vinti arivem (pasando su bei ponti de nef) ala zima (ale 8 e 20). Gh'e' en vent fret che basta la meta' e la visibilita' no l'e' ottima, quindi, giust el temp de darghe n'ocio ale cordae che sale dalla HinterGrat e far en brindisi co la grappa che eva porta' drio 'l Marisa e zo' vers val! A parte en scivolom de 10 metri che fa l'Andrea per colpa del zoccol de nef che se fa soto i ramponi (e che rieso a trattener), e un mio affondo (sol co n'ha gamba!) in un crepaccio la discesa l'e' tranquilla fim al bivacco Lombardi. Qi, perdem na mezz'ora a spetar che se libera la doppia per scender, quindi via sulle roccette. Sto colp, sara' el strac o el di' (a vegnir en su l'evem fate che l'era ancor scur), ma el passaggio en placca el me fa la so brutta empressiom: per fortuna i ha mess su na corda fissa! Alle 11 e 30 sem al Payer a ordinar en bom minestrom co la birra. El Matteo l'era za' li' da n'ora che 'l ne speteva! Quindi dopo n'altra pausa de n'ora e meza al Tabaretta (e n'altra birra) ne enviem vers val... L'e' le 4 e meza quando saltem sulla macchina: ma l'e' ancor bonora per tornar a casa: la Forst e' di strada!
| La nord dell’Ortles: l’e’ tracciada, ma penso sia qualche bel di’ che nol la fa pu’ nessuni! L’e’ masa calt! | |
|
L’alba sulle roccette | L’Andrea en fila su per la paretina da 50 metri: ne erem ligai, ma sol dopo avem vist le cadene! | |
|
Per aggirar le roccette sotto el bivacco sem pasai sul scivolo ghiacciato a destra delle rocce sotto i seracchi. A scender enveze avem fat ‘na doppia dalle roccette. | In primo piano un ponte di neve ormai in disuso (mez crolla’!) e in lontanza la vetta (piena de zent che sale: noi erem ormai za’ de volta al bivacco). | |
