Monte Rosa, Valsesia del 2005-07-02

HYDROSPEED & ALPINISTICA Monte Rosa, Valsesia del 02-03/07/2005

'Sto colp, al zobia me ciama el Matteo (da Sesto S.G.) e 'l me propone la cresta sella del Lyskamm (4527m.) abbianada a hydrospeed e falesia... Beh... gh'e' de mez el 4000....come dir de no? En realta' i altri da Milan i m'eva anca proposto el Bernina (Biancograt), ma besoign tor ferie el luni e 'sto colp, la giornada de ferie, no i me la da' neanca se pianzo en cines (causa trasferta...) e alora ripieghem sul Lyskamm (neanca po' tant vist che naresem pu' alti noi del Bernina!)... Al sabo de matina ale 5 som za' en pe' e via per Milan, quindi per Nocca Valsesia: i ne speta per le ondese per far hydrospeed! Dopo 'na mezora de spiegaziom su come se curva en tel torrente, e dopo averne dat mute, casco e hydrospeed i ne porta sul Sesia e... zo! Subit i ne diss che le prime rapide l'e' le pu' dure... e enfatti mi finisso soto (come tuti) e dopo na bela ravanada per tirarme su, l'istruttor (col Kayak) el me lancia la corda e 'l me recupera a riva.... Giust el temp de ciapar fia' che partim per le seconde rapide. Qi addirittura se podeva (a scoltar l'istruttor) fermarse soto la cascata a surfare... fatto sta' che 'l Matteo l'e' resta' 2 minuti a begar con i vortici della cascata che i lo tireva soto... e anca l'altro tipo (erem en trei a far hydrospeed) che scendeva con noi l'ha fat la stessa fim. Quando e' toca' el me turno me som bem varda' dal surfar e ho taia' drit! Dopo qualche centianaio de metri, po' per fortuna i n'ha fat saltar for dall'acqua per aggirar 'na rapida secondo lori masa pericolosa (sabo pasa', i ha dit, el gommon del rafting l'e' na' completamente soto acqua!). Ma anca a aggirarla pareva quasi de dover far 'na doppia: en realta' avem fat el taboga (scivolo de torrentismo). Tra 'na rapida e l'altra dopo n'altra ora sem arrivai all'arrivo... ma nesuni eva capi' come curvar con 'sto hydrospeed! Pero' no gh'e' temp! Ale 3 e meza sera la funivia da Alagna e alora via de corsa! En funivia con 24 Euro A/R se arriva a punta Indren, quota 3250. Da qi se risale el ghiacciaio (l'e' si traccia' che no avem neanca mess i ramponi) fim ale roccie sottostanti el rifugio gnifetti. Le roccie (200m. di disl) se le passa agevolmente tra canaponi e scalette. Quindi vers le 6 sem al rifugio. Ma che vent! E che fret! E pensar che dovem bivaccar all'averta senza tenda! Ala fim mi ho zedu' e g'ho domanda' al rifugista posto de emergenza en rifugio (vist che l'era piem). El Matteo l'ha dormi' fora.... ma de minima ha fat -9!!! Dopo 'na bona zena al rifugio strapiem (e anca en 'sto rifugio i g'ha la rifugista figa...con cui ho fat la solita figuraccia: g'ho domanda' l'eta' e g'ho dat 5 ani de pu'!), la me solita boza de ros (che no manco mai de portarme drio) e 'n grapim sem nai a dormir: la sveglia l'e' per le 3:30. Peca' che ale 1 me sveglio con en brut mal testa, nausea e stornisie: no!!! 'L mal de montagna! Ale 3:30, ancor stordi' vago for dal rifugio a dirhe al Matteo che la gresta co le stornisie no la fao, e anca a far qualcos de pu' fazile, a nar en su el mal de montagna nol pol che pegiorar. E alora restem al rifugio, e forse e' sta' anca en bem vist che for per la not la nausea la gh'e' vegnua anca a lu (che fusa sta' qualcoss che avem magna'?). E cosi' ale 8 ne sem reinviadi zo vers la funivia. E dopo aver fat en salt alla scuola de hydrospeed a domandar informaziom per le falesie dei dintorni, sem finidi a Fervento a far en par de vie: a dir la verita' mi ho fat sol en par de sicure.... E cosi' vers le 3 ne sem molai vers Milan e po' Trembelem (en tut 4 ore de machina).

L'istruttor sul Kayak. Drio, Kepo e Matteo i ariva...pian pian (n'atimo de calma tra le rapide!)

El Kepo el pasa' for tra le rapide... e qi l'e' ancor drio a ciapar velocita'!!!!

Le luci dele cordate che sale sul Rosa dal rifugio sottostante (Mantova). E in lontananza le luci dele zita' piemontesi.

El Lyskamm orientale dal rifugio Gnifetti. La cresta Sella (che avresem dovest far): l'e' quella frontale, illuminada lateralmente dal sol. Se deve salir sul ghiacciaio de destra, scender en la piana soto la zima e risalir a sinistra el cosiddetto "Naso del Lyskamm", quindi, se scende alla base delle roccette de primo e secondo grado che compone la cresta Sella e se la segue fim enzima. El ritorno l'avresem fat per la normale (gresta nevosa, piena de cornici).

Ste pagine l'e' stae cargade volte da visitatori dal 3 de agost 2005

L'istruttor sul Kayak. Drio, Kepo e Matteo i ariva...pian pian (n'atimo de calma tra le rapide!)
		El Kepo el pasa' for tra le rapide... e qi l'e' ancor drio a ciapar velocita'!!!!
Le luci dele cordate che sale sul Rosa dal rifugio sottostante (Mantova). E in lontananza le luci dele zita' piemontesi.
		El Lyskamm orientale dal rifugio Gnifetti. La cresta Sella (che avresem dovest far): l'e' quella frontale, illuminada lateralmente dal sol. Se deve salir sul ghiacciaio de destra, scender en la piana soto la zima e risalir a sinistra el cosiddetto "Naso del Lyskamm", quindi, se scende alla base delle roccette de primo e secondo grado che compone la cresta Sella e se la segue fim enzima. El ritorno l'avresem fat per la normale (gresta nevosa, piena de cornici).