NORD & SCIALPINISTICA Presanella NORD del 28-29/05/2005
Dopo 'n sabo de mattina en giro en bici con me fradel (chissa' mai che adess che l'ha compra' la nova MTB 'l ghe ciapa gusto!), ne trovem ale 2 dopodisnar a Calliam con 'l Mich e l'Ivo: destinazion Stavel. Tolem su el Zafirom del Mich, e peca' che a Matarel, al distributor, 'l Mich envenze de vardar i colori dele pompe de benzina el vardeva 'l cul de 'na bela putela che feva 'l pieno ala so macchina... e peca' che le Zafira diesel, se alimentae a verde le se ferma dopo 500 metri...en mez ala statale... vabbe' dopo 'na trainada col gippom dell'Ivo al distributor e en par de ore de meccanico, ale 4 e 30 ripartim per Stavel. La strada, da Stavel, la continua en tel bosc fin circa quota 1800! L'e' sterada ma transitabile....beh co la me machina probabilmente avria toca' zo. Comunque ale 7 zaini, e sci en spalla e via vers el rif. Denza. N'erem mesi d'acordo de far la nord perche' vegniva l'Ivo a tirarne en cordata: d'altronde per mi (e anca per el Mich) l'era la prima nord. Quando pero' l'Ivo l'ha deciso de lasar l'imbrago en macchina per sparmiar peso.... m'e' vegnu' mal: a vardarla su dalla Val de Sol la Presanella, da nord la par verticale! E 'nzima par de veder anca giaz vif! Beh, almen 5 ciodi da giaz i gh'evem drio! Arrivai al Denza (quota 2298m.) en 50 minuti, l'avem trova' davert! Che lusso! E cosi' oltre ai panini che n'erem portai ne sem concessi anca 'na gulash-suppe e birra. Alle 10 a dormir e sveglia puntaa alle 3 e en quart. No ho dormi' bem... anzi! Masa preoccupa' per la salita... Comunque apena svegli, preparem i zaini e ale 4 sem za' drio a partir. I sci riusim a meterli subit da rifugio, anca se la nef la e' mola,mola,mola e a colpi se sprofonda anca de 40 schei... beh... a veder quei a pe' la ghe va pezo! Procedem coi sci vers sinistra, i crepacci i par ancor tuti bem serai: no gh'e' bisogn de ligarse. Man man che ne svizinem, cambia la prospettiva e dall'attacco de tutta sta' verticalita' e' resta' ben poc! L'e' le 6 quando come seconda cordata mi e 'l Mich, sci sul zaino, ne enviem su per el canalom (el sol el lo illumina za'!). L'Ivo el ne affianca sliga' e senza doprar la picca el fa la salita ramponi e bastonicini!!! La via l'e' na scalinada de nef pestolada, no la fa empressiom, e cosi' parto da kepocordata... scaletta, scaletta, e scominzia le scariche de nef e sassi... el casco el m'ha evita' almen tre brutte legnae... dopo n'ora a passo costante decido de arrivar alla sinistra de 'n sperone roccioso (50 metri sopra) per 'na pausa e 'l cambio col Mich vist che se avvicineva el toc pu' ert... ma dopo zinque minuti de pausa 'l me fa' continuar davanti: en effetti 'sti 55/60 gradi de pendenza, sulla nef no i fa sta' 'mpressiom! E cosi' avanti en conserva fim alla pontera sotto la zima dove pero' la nef la laseva 'l posto al giaz... e qi 'l Mich 'l me ciama e 'l me averte che ghe s'e' sgancia' en rampom! Diaolo po'! Empianto en ciodo, le picche e pensem sa far... Ariva l'Ivo coi bastoncini (!!!!) e 'l ne dis de continuar 'nvanti che manca pochi metri e sem fora. E cosi' 'l Mich el vem su senza en rampom, tegnindose en pel pu' a destra del pestola': en do che gh'era pu' nef fresca en superficie. L'e' le 8 quando arrivem alla cross de vetta. L'Ivo 'l cava le pel e 'l se fionda zo' per la Nord coi sci, mi e 'l Mich tornem zo per la normale via forcella Freshfield, passo Cercen. La sciada l'e' bela fin sotto 'l Cercen (2900m.) po' la nef la se appesantis parecchio e mi procedo con pu' calma (g'ho paura de ciapar n'altra stirada al legamento del ginocio che ho rovina' 20 di' fa...) fim al Denza. Ne fermen 'na mezz'ora al rifugio per 'na birretta e n'aprofitto per saludar i (me ex-)istruttori del corso de alpinismo che ancoi i e' li' a far coi novi allievi le manovre de giaz. Quindi zo de volta per 'l senter, e dopo 'na pausa birra e panim alla festa campestre a Commezzadura arivem a ca' vers le 3. La nord della Presanella l'ho sempre vista come 'na roba veramente temeraria da far! A veder le relaziom l'e' data AD+/D-: mai piu' avria pensa de farla en conserva e da kepocordata!(e ringrazio ancora 'l Mich che 'l m'ha tegnu' en cordata e davanti... lu 'l saria na' su anca sliga'!) E la prossima volta? Si OSA D+ !!!!
| Benzina verde en la macchina Diesel??? Ahi ahi ahi!!! ...e per fortuna no avem fat diesel en te la macchina a benzina, senno' (i dis) i era quai seri! | |
|
La Presanella vista la sera dal Denza: se vede del giaz nella parte alta del scivolo: la mattina dall'attacco se vedeva che le traccie le aggireva el giaz da destra. | Sempre la Presanella: qi en notturna. | |
|
man man che se se svizina ala parete, la Nord la fa men empressiom: per fortuna! (Qi la foto l'e' sta' fata al ritorno dala normale) | L'Ivo sale in vetta... sol coi bastoncini! Le picche? 'n tel zaino! | |
|
Kepo e Ivo 'n vetta. Sa ghe sara' sucess ala cross??? | Sempre la Presanella vista dal Denza, i macioni de giaz par che no i ghe sia pu'! En realta' l'e' 'l sol alt che 'l fa st'effetto! | |
|
'L senter che porta dal parcheggio al Denza l'e' propri divertente e tra passaggi sotto le cascate e cunicoi scavai en te la roccia... coi sci en spalla gh'e' da far de numeri! |
