SCIALPINISTICA Cima Cece del 01/05/2005
Cima Cece? Ancora? Eh si'! Do stimane fa, l'evem fata en la nebbia e no evo vist nient. Premessa: al gieri apena torna' dall'Austria (senza disnar) me fradel el m'ha convint (obbliga'...) a far el travaso del vim, e apena empienu' le damigiane e' scominzia', con ManuGeo Gioppi Dema la degustaziom soto casa che e' continua' fin le doe la not (mi ale 11 ho abbandona'!). Co la scusa de la degustaziom ala fim ho salta' anca la zena! E Diaolo po', ale 4 gh'era za' la sveglia che soneva, e la testa che ancor la gireva.... 4 bicieri de acqua de resta per diluir 'l sangue, 'n pom, 'n cafe' e via! Alle 5 a Calliam erem mi el Mich e 'l Paolo. Ero tranquilo perche' 'l Paolo l'eva dit che 'l porteva drio anca la so morosa co le ciaspole e cosi' saria sta' 'na salita en tutta calma: no la gh'era!!! Ho subit capi' che me saria tira' 'l col. A nar su vers Predaz ha guida' el so pulmin el Paolo e cosi' mi ho podest dormin n'altra ora abondante.Alle 6 e meza sci ai pei da malga Valmaggiore e su. I sci se i meta dopo circa 10 minuti (quota 1720):la nef la s'e' ritirada parrecchio da quindes di' fa, e fim ai 2000 l'e' pappa anca de matina. Pu' en su enveze eva brina', tant che sora i 2200 per 'l grostom de giaz, ogni tant le pel le sliteva. Alora: se sale ala fin del bosc, se ariva ala piana (en do che s'e' forma' en laghet da fusiom), se ciapa 'l canaolom fim enzima, po' se gira en te 'n canal ancor pu' ert a sinistra e dopo aver risali' n'altro dosset s'ariva soto el Campanil de Cece. Qi dopo na barretta e mez litro de acqua avem traversa' la piana vers sinistra e imbocca' el ripido canalim che sale en gresta. Ancoi el canalim l'era pu' comot farlo senza sci (picca e ramponi no i serve! I ho lasai en macchina). Rimesi i sci fim a 50 metri dala zima, po se continua a pe' e ale 9 sem en vetta. Anca se 'l Paolo el diseva che 'l se sentiva strac, en realta' i m'ha speta' parecchio en la salita: quei doi i va' come i dannai! 'Na volta enzima, sem 'stai su n'ora a vardarne entorno e ale 10, quando el giaz dela nef el scominzieva a molar ne sem trati en zo. Scendendo ho conosu' anca do persone che le m'eva riconosu' dale me foto che gh'e' su internet! Fim ai 2200 la sciada l'e' sta ottima, po' se sprofondeva en te la pappa... gh'era da saltar a ogni curva. Avem trova' anca en bel canalim alternativo da far, tegnindose a destra dopo i dossi sotto el Campanil di Cece. Da qi, dopo 'na bela sciada sem bem finidi en te'n ert canal che el n'ha fat far na bela ravanda ma ala fim ne trovevem diretti alla piana sora el bosc. Qi gh'era ancor zent che saliva!!! Chissa' che nef che i avra' trova' a nar de volta! Alle 11 e meza erem za' ala macchina e zo vers ca'!
| Finalmente i sci ai pei vers i 1700 de quota.... ma qualche guado gh'e' da farlo! | |
|
El dente de Cece. Drio, Cima d'Asta. | La zima de Cece. | |
|
El canalim che salta en gresta.... i consiglia picca e ramponi!!! Ma l'e' na caminada!!! | I tre forti alpinisti en vetta! | |
|
El Paolo e 'l Mich che se mola zo per i bei pendii....Diaolo po'! Se ghe n'ho da 'mparar! | ...e infine la ravanda per vegnir zo dai canalini...sem vegnui zo tra le piante a sinistra! | |
