SCI ALPINO Ciampac (Val Giumela) del 25/12/2004
Dopo aver declina' l'invito a disnar co la famiglia dela putela de me fradel disendo che gh'evo da nar a far scialpinismo, e dopo m'e' salta' l'uscita per abuso alcolico del me socio (anca mi la not de Nadal no ho scherza' e tra en brule' e l'altro ho fat le 2 e meza de not), ho comunque punta' la sveglia ale 6 e meza de matina riprometendome de trovar qualcos da far (per giustificar la me assenza al disnar...). El temp no l'era dei meio, ma en giro a Pampeago el podeva starghe, se non che ariva' enzima ala val de Fiemme se entravedeva el gruppo del sella illumina' dal sol, e cosi' avanti! Avanti fim a Pozza de Fassa, a provar la nova Val Giumela e co la scusa a trovar i me cosini che i gestiss el Rifugio en te la conca del Ciampac (sora Alba de Canazei). Sulle piste erem propri quattro gatti, tant che ale 1 dopo disnar ero l'unico sciador en tuta la conca del Ciampac! Zerto che col nof colegamento dela Val Giumela vem fora propri en sciadom da foc! Da Pozza de Fassa a Alba de Canazei.... le gambe no le reze tanti andata e ritorno! Per disnar som cosi' sta' envida' dai cosini en tel rifugio e dopo n'altra meza sciada som torna' li' da lori en do' che ariveva anca me cosim da Corvara con la fiola da sette anni che, za' 3 anni fa l'e' nada a far la val del mezdi (gruppo Sella) en freeride!!! E cosi' ne sem trovai al taol tuti cosini scialpinisti col Silvano che el m'ha fat veder el so attacchim dynafit tarocca' da n'artesam della Valtellina che el pesa la meta' dell'originale (!!!!), el Giorgio (l'e' guida alpina a Corvara) che el m'ha envida' su dale so bande a far fuoripista co la Martina (la cosinota de 7 anni), la Giovanna che dopo la scialpinstica che l'ha fat al gieri de fianc a sella Bruneck l'era giusto riusida a finir el so nof vestito tipico ladino e el Patrick (che dopo aver mola' le gare de sci en te la finanza l'ha ciapa' en man la gestiom del rifugio). ...e tra na ciacera e en brule' e' ariva' l'ora che riciapesa la funivia per tornar vers la macchina (Val Giumela/Pozza). A tornar de volta po', per strada ho ciapa' na bela fiocada fin Trento Nord. Natale con i tuoi...tuti scialpinisti!
| Me cosina Giovanna a rifugio: varde' che bela col so nof vestito tipico ladim (che la s'e' fata)! | |
