SCIALPINISTICA Marmolada del 02/11/2012
El giret de riscaldamento co le pèl de ieri en Bondom el m’ha sol fat vegnir gola: ancoi gh’è l Ladro e l Gioppi en ferie… gh’è da nar! Zerto che l Gioppi co le ciaspole el la g’avrà dura! Partenza alle 6 da Roveredo Nord, e dopo la colaziom su per la Fassatal arrivém al passo Fedaia per le 8 e 5: diaolopo’, i eva mess bel ma partim sotto la nef e con en nebiom che no sel taia neanca col cortèl! Saltém via drio la seggiovia brusada la stimana passada partendo sci ai pei dall’auto. El Gioppi co le ciaspole el parte a razzo a morderne le coe: co la nef portante la ghe va de lusso! Arrivai alla piana dei 2600 ne enfilem su per el pendio a destra e zete su zete arrivém all’altezza dell’arrivo della seggiovia. El Ladro el me tira le recie quando el vede che seto a nar a pass costante senza neanca nà mezza pausa…. e allor trago zò do bagigi e arrivai all’intermedia che salta su da Malga Ciapela no se vede pù a n metro: whiteout da foc…. Meio beverghe sora en brulè e girarse? Vada per il brulè, ma… gh’è da nar! E difatti ultima mezzora a testa bassa e arrivai enzima ecco che se daverze for tutt e riva anca el sol! Berg Heil! Cremen en te n’attimo la thermos de brulè, e l Gioppi come sempre el tira for pan e tonno d’alta quota. Na bona mezzora de pausa e quindi se pol molarse en val: quanta zent!! Gh’e sarà n volta almen 100 persone! La sciada l’è ottima: polver n po’ pesante, ma grosta no sen vede! E quindi smontem velocemente sotto la piana a 2600 e fin qi l Gioppi el ne sta drio alla grande de corsa co le ciaspole.. finché a forza de correr l se ciapa en mèz strappo quando manca ormai 200 metri de discesa. Ultima scivolada veloce su pista giazada e sol l Ladro el riesse a ciapar l’unico sasso che s’è vist en tutta la pista. Saltai en macchina e smontai a Vill, prima del casel de Ora na bona pausa Bier und Speckbrot, l’è Pfilcht!
Salita tutta tra nef e nebbie... |
|
|
...ma en dirittura de arivo finalmente el se davèrze fora. |
Berg Heil!!! E tra Brulè e ciòpe col Tonno: Prost und Mahlzeit! |
|
|
La discesa con sta nef se se la gode propri! |
Ste pagine l'e' stae cargade volte da visitatori dal 3 de agost 2005