MTB Riesenferner Rund (A) del 06/10/2012

Prima che fiòca bass no se pol perder sto giro top: gh’è da nar! No ghe dem massa peso alle relaziom su internet che i lo da eccezzionalmente difficile (per la longhezza, non per la tecnica), anca perché se vardessem l’allenamento che g’avem sulle gambe (l’è pù de n mes che no postem el cul sula sella), ghe sarìa propri de che preocuparse! 5 e ½ cargae le bici sul portabici dela golf e via per Brunico, dove alle 7 e ½ taca la vestiziom: l’è demò 14 gradi, ma coi primi 20 Km de pianura g’avém el temp de scaldarne. Su de bala per la ciclabile vers Campo Tures/Sand in Taufers. Nà prima pausa al bar delle cascate endò che i g’ha mess i prezzi alle mazzetambur che cresse en mèz al bosc: della serie, zò le man dai fonghi che sennò te le bettém via! Da qi se ciapa la provinciale che sale a Riva de Tures/Rein in Taufers erta per 800m de dislivel fim al 17% e scavalcà la galleria da sora saltando zò dalla muraia prima del pont sfruttando nà scaletta sconta fin all’ultim, arrivém al park de fine strada dove nà tappa de mezzora e nà stecca de cioccolata la se ghe vol tuta prima de riprender la salita su sterrato: altri 700m! La strada l’è ottima e pedalabile ma longa! Per mezdì e mèz finalmente arrivém al passo Gola/Klammjoch de confin, e dopo na bona pausa e quatro ciacere con en putèl che con 1700m de dislivel (noi 1500m.. fim adess) l’è vegnù dirèt su da Lienz. Ne fiondém quindi per la bellissima sterrata de 18Km che la ne fa smontar dall’Arvental en Defreggental fin a Erlsbach endò che su strada asfaltada tacherìa la salita per el Staller Sattel/Passo Stalle. Dopo 20 minuti en zerca de nà locanda davèrta per magnar qualcos (diaolopò i è tuti en ferie!) ne rassegnem e finì le scorte de cioccolata ne enviém su per i ultimi 8 Km de salita e 500m de dislivel che ne porta con mooolta calma al passo Stalle: el passo l’è davèrt vers l’Italia i primi 15 minuti dall’ora piena, e allor g’avem finalmente el temp de fermarne a trar zò nà ciopéta de speck e nà birraccia media. Discesa a manetta zò vers Anterselva/Antholz fim en Pusteria e con altri 10Km de Pusteria tra ciclabile e deviaziom su statale arrivém all’auto per le 6: desfai… ma che giro da foc!!! E allor adess besogn nar a brindarghe sora! E dove se non a Chiusa? Eheh.. ancoi gh’è anca el festom del Törggelen en piazza e noi, en Torgkellet no ne fém zerto mancar en par de bone birraccie con en bon Tiroler Teller! Tra nà monada e l’altra arrivém a Roveredo per le 10 la sera: scavezi… doman se pòlsa de sicur!




Pausa a Riva de Tures: diaolopo'... neanca a metà e zà monzui!


...e se continua sulla sterrata su per la val de Gola...


Fim al Klammjoch: Finalmente en Heimat!!! Berg Heil Kepo!!!


Smontem quindi en Osttirol sulla sterrata en Arvental...quindi fin sull'asfaltata enfont alla Defreggental. E da Erlsbach ritaca i ultimi 500m de salita...


...fin sul passo Stalle, al confin... ma adess de Kilometri tra discesa e Pustertal ghe n'è ancor tanti!!



Ste pagine l'e' stae cargade volte da visitatori dal 3 de agost 2005