(SCI)ALPINISTICA traversata Flimspitze/Pulpito di Flimm del 22/09/2012
La giornada l’è bela, a cà no se pol star, e viste le ottime temperature neanca massa bassi: gh’è da nar! Partim da Roveredo per le 6 e ½ e dopo la colaziom su per Bozen ne fiondem en Ultental fin su sora Santa Gertud al Lago de Fontana Bianca.
Partim da lì per le 8 e ¾ e ciapà el sentér 12-120 cavalchem n’ora en pian su per l’Altavia della val d’Ultimo en direziom PilsbergAlm fin alla Taufer Alm, endò che ncrosém nà mandria de cavre e béchi su per el senter: diaolopo’ se i spuzza! Alla Taufer Alm mollém el senter e ne enfilém su dritti per el vallom: prai, sassi e ancor sassi! Essendo for dal senter, e seguendo a ocio la scialpinistica (en realtà noi saltém su dala destra dela zima) scavezém su per i lastroni, e dopo n’ora e mèza de agonia a “n pass envanti e doi endrio” arrivém al passo con a destra Zima Tovo. Da lì girando a sinistra saltém drio sul doss fim al grant omin de vetta: Flimspitz!! berg Heil! L’è demò l’1, giust en temp per nà bona ciòpa co la sorpressa… En tutta la salita, ovviamente no avem encrosà nessuni, ma adess la discesa la fem bem per la val de Tovo, endò almanco gh’è el sentér segnalà…
Scavezém via sulla dorsale sotto cima Tovo e arrivai en forcella se cala sul fianc destro del vallom fin a raggiunger el bivio de salita co l’orecchia de Lepre. Se se sbassa ancora fim alla prima malga e, zento metri sotto gh’è l’altavia che se stacca a sinistra dalla forestale. Na mezzora a passo svelto e sém de nof alla Taufer Alm, e quindi ancor n’altra ora per tornar alla locanda de Wissbrunn, al parcheggio. E vist che ormai l’è tardi (quasi le 6) per n bom taglier, nà Heffe media nol ne la cava nessuni!
Sora la Taufer Alm... se lassa le nubi basse en val.. |
|
|
...e su per prai e pree... |
..bis zum Gipfel: Berg Heil! |
|
Ste pagine l'e' stae cargade volte da visitatori dal 3 de agost 2005