MTB Tonale-val di Pezzo(I)-Montozzo del 06/10/2011

Vist che con doman ariva el brutt temp e che con luni me toca tornar a tirar a um la spalla, ancoi no gh'è alternative: gh'è da nar! Giornada de solidarietà mi, e giornada de ferie el Stefan e per le 9 ne trovém al casèl de S.Michel. Cargae le MTB sula Golf ne trém rento per la val de Non e po' quela de sol fim al bivio con quela de Pejo, endò che, a Fucine molém zò l'auto e saltém sui pedai. Domili e dosénto metri de dislivèl en bike st'an no i avém mai fatti, ma a sentir la Francesca del Renrav, l'è propri en bel giro tranquil che merita: eheh, col senno di poi però g'ho idea che la Francesca a caval dela bike la me tira el còl de brutto... Magnà na ciòpa de Speck per far fonda, ne enviem su per el Tonale dala strada normale (se podrìa ben vegnir su per le stradèle che salta su tra i masi a sinistra, ma tra sali e scendi, tra che besògn zercarle, preferim la direttissima. N'ora e vinti a testa bassa, e a sorpassar camion che massa carghi i ghe ne mete doe per arivar al pass e per mezdì men vinti avém zà magnà i primi 900m de salita e arrivém al confin di 1874m del passo Tonale endò che ne fermen 10 minuti per en caffè e cargar le borraccie. Molade le bike en velocità sul versante 'talian, smontén fin al tornante a 180 a quota 1460m che gh'è 4Km prima de Ponte di Legno e taiem rento a destra per la forestale che entra en piano en la val del Pezzo, tra boschi, masi e masetti... dopo en quart d'ora arrivém al bivio che seguim a destra con indicaziom "case di Viso" e velocemente riguadagnem quota sulla forestale sterrata arrivando prest ai 1800m del paess en question: bel bel bel, tutt de case de prea! Passà el paess, vedem bem che la strada la se mpenna su per el fianco a destra e quindi, l'è ora de fermarse a magnar la seconda ciòpa de speck prima de tacar a salir i ultimi 800m che i porta al rifugio Buozzi e po' alla forcella del Montozzo! La salita no la mola n'attimo, gran tirada de còl! ... e, a parte n'attimo de pausa per en veloce cramp al Stefan, e per mi che tolendo na curva larga no arrivo a sganciar i pedai (diaolopò che legnada! batto fiss spalla gombét e ginocio... e che mondada!) sem sempre col cul sulla sella. L'ultim toc me par na via crucis, e finalmente arrivai al rifugio, la salita al Golgota (alias forcella del Montozzo), saendo che l'era demò en quart d'ora de buttonbike, la deventa quasi sopportabile.... BERG HEIL!!!! Ecco che adess podém rifiondarne en discesa sul versante tiroles, en val de Pejo, e dopo na bela piana smontada su comoda forestale vem el bel: diaolopò! en salt drio l'altro! El Stefan el mòla ancor en pel le gome tubeless e el ciapa velocità zò per i salti, ma mi, che a differenza sua no g'ho tubeless e no ho neanca fat i campionati europei de bike, butto... e quant che butto! Sarà anca la paura de arrivar en ospedal luni che vem pù scassà de quel che som zà, ma i tratti che pedalo i è ben pochi... Finalmente, arrivai al lago de Pian Palù, altri 150m de discesa e raggiungem a Fontanino di Pejo la strada asfaltada e molada en velocità, passém for tutta la val fim al parcheggio! E la birra? Eheh.. essendoghe i rifugi serai, ancoi, avem tegnù el bonus per el Franz Joseph bar de Malé, endove na bona Pustertaler media e ciòpa col Speck nol ne la cava nessuni. Eheh... propri tipica la locanda, ma me digo che dev'esser nà en confusiom anca el gestor a sentirne parlar mi e l Stefan (el Kepo sol en todesc co l'accento trentim e l Stefan sol en talian co l'accento sudtirolés!).




Se scarga le bici dala Golf a Fucine e se taca a pedalar su per el Tonale...


...endò che passà el confine smontém en Italia fin quasi Ponte di Legno, e da lì, se devia a destra...


...su per la val di Pezzo...


...e passà el caratteristico paesim co le case tute de prea, ne speta ancor 800 metri de tribolada en salita...


.. prima de raggiunger el passo del Montozzo: Berg Heil!!! E adess se rientra en Welschtirol...


...smontando veloci en Val de Pejo e da qi alla machina.



Ste pagine l'e' stae cargade volte da visitatori dal 3 de agost 2005