XII DRAGONFLASH Borgo Valsugana (fiume Brenta) del 10/09/2011

Dopo el bel risultato del palio dei draghi (che mi no ho fat per via dele ferie en Spagna), le preparaziom le punteva tutt sul sprint de Borgo, la tipica gara controcorrente sul fiume Brenta, longa 180m nel centro storico de Borgo Valsugana, e co la caratteristica onda de riflèss dala chiusa che se la te ciapa la te porta el temp dai 40 secondi ai 55secondi! Sto colp, tra assenze per matrimoni, ferie e malattie de defeziom ghe n'avém parecchie: vedem 'sa che vem for... per le 1 dopodisnar ne trovèm alla palestra drio la partenza a cambiarne e via de bala al campett gommà dela scola per el riscaldamento: ancoi, per permetter al Manuel, Simone e Mauro de darne nà man alla prima manche e po' svincolarli per nar ala festa de matrimoni, sém la prima squadra a partir! Ore 14, tutti a bordo, na prova per veder la partenza... pronti..via!!! 5 pagaiade longhe e lente, quindi su en progressiom, e la barca fin sotto al prim pont la ciapa na bella velocità: ancor avanti, ma arrivai al secont pont, la sentim che l'arriva: l'onda che ne ciapa e ne tira endrio! Tempo finale sui 48...diaolopò! Vedendo quindi for dall'acqua anca le altre squadre, restando primi dopo 4 corse, ne convinzem che magari no sem nai po' malaccio, magari l'è perchè el Brenta, pù en secca, el g'ha l'onda pù veloce: no l'era vera... Co la 5 squadra i tempi i torna tutti en campana e vegnim ben prest relegai enfont ala classifica. Per le 4 arriva po' l'ora dela quarta manche, e co la squadra sguarnia saltém en acqua senza massa pretese e...con poc risultato... beh va, la finale st'an no la veden, e allor, nient de meio che nar a beverse na bona birretta al bar entant che i finiss le manche, e po', dopo na bela magnada soto l tendom dela festa, per le 8 me envio vers Trembelem: sarìa massa riscios star lì a far rumba coi compagni de squadra: no ho miga portà drio el sac a pelo!!!




Tutti girai endrio a vardar se gh'è l'onda: nada... diaolopò... la n'è zà passada davanti e la n'ha ciavà!


Kepo...gh'è poc da rider!!! Te dopri meio la chitarra dela pagaia!!!


La mesta classifica: la se commenta da sola... e adess mejo scominziar subit a prepararne per bem alla Coppa Italia!



Ste pagine l'e' stae cargade volte da visitatori dal 3 de agost 2005