TRAVERSATA EUROREGIONE IN MTB EIN TIROL!
Kufstein-Borghetto del 21-23/08/2011

21/8
Tornà a casa ieri sera dalla traversada dei pirenei no g'ho neanca el temp de postar zò i zaini che alle 5 sona zà la sveglia: gh'è da ripartir! Sto colp avém pianificà con me cosim Cristian e me fradèl Manuel (che i è riusidi a torse 3 dì liberi dale famiglie) la mitica traversada dell'Euroregione, partendo dal confin con la Germania (frontiera di Kufstein) arrivando a quello con l'Italia di Borghetto. Vist che l trasporto bici (per nar a Kufstein en treno) tant pubblicizzà dall'Öbb l'è col limite de 2 bici a treno 'na farsa, ne organizzém coi treni regionali de trenitalia: che sarà anche peggio! Preparà le sacche da bike, son lì che vago en garage per montarle sul portapacchi e... diaolopò! m'ero desmentegà de averlo smontàààà! Ormai l'è tardi, trago tutt en tel zaino e me presento sull'uss alle 7 e 1/2 precise. Partim en bike en zità e taiando controman tuti i sensi unici en te n'atimo sém en staziom de Roveredo a far i biglietti per l Brennero (per Kufstein i farem a Innsbruck)...el treno delle 8.34 l'arriva puntuale: sarém lì con altri 10 ciclisti todeschi che torna a casa, ma el controllor el ne diss che el treno l'è pieno e co le bici non si sale!!! ma come? e il biglietto? taliani di Merda!!! insomma, alla fin buttiam su comunque le bici sui vagoni, ma il ferroviere si rifiuta di far partir il treno finché non saranno scaricate! E intanto che noi scarichiamo le nostre, i altri tedeschi le caricano in fondo e il controllore, intanto che rincorre loro, noi le rimettiamo a bordo e.. insomma alla fine... dopo mezzora di insulti (e con 30 minuti di ritardo) il treno riparte lasciandoci giù tutti!! Cosa fare adesso?? Saltan tutte le coincidenze, e il prossimo treno è tra 2 ore! Idea! Anticipiamo i ciclisti tedeschi andando a Mori!! E così in 10 minuti siam già al binario due ad aspettar le 10 e 1/2, ma quando arrivano anche qui due ciclisti dal Garda, decidiam di anticipar tutti scendendo fino a Serravalle: e così ne aprofittiamo per prenderci anche un paio di buone birrette che ci faranno compagnia nel viaggio. Arriva il treno e.. preso! ...e, col vagone bici più grande ci stanno anche tutti i ciclisti di Roveredo. El problema l'è che a Bolzan con sto treno ne tocca cambiar e se ripete la scena de stamattina: arriva el controllor che se mette davanti al vagom e el diss: "noch fünfzehn Fahrrad, vierzehn ... stop! potete prentere prossimo Bahn tra una ora!" Bastardo! Il successivo non era manco un regionale!! E così ci fermiamo a magnar e bever birra a Bolzan e prima dele 13 no se parte! Massa bella la scena che, quando arriva el treno, avém ormai emparà endò se ferma el vagom bike e l centrem alla grande... e quando el controllor el daverze la porta, el Cristian el ghe posta la bike sulle porte e l g'arriva col copertom sul muss dela ferroviera! Finalmente a bordo e arrivai al Brennero che l'è prest le 3, saltém en coincidenza immediata sul treno austriaco (e qi sui regionali l'è n'altro mondo!) che ne porta a Innsbruck e da qi altra coincidenza (giust 10 minuti per far i biglietti... cosa che no evem fat a smontar dal Brennero) vers Rosenheim e per le 5 e 1/4 arrivém finalmente a Kufstein. Sarà 35 gradi, ma subit partim lanciai a zercar el confim tedesco per la foto di inizio tour: pecà che restando alla destra idrografica dell'Inn costeggiém el confim senza mai traversarlo e dopo nà desina de km en velocità me n'ascorzo bem dela cazada: basteva traversar el prim pont!! E allor torném de volta a Kufstein e dopo nà pausa ciòpa de speck e birraccia media al bicigrill, riusìm finalmente a far la foto de confim e ne enviém lanciai per la supersegnalada ciclabile "Innradweg"... Passa davanti el Manuel e el tegn en ritmo da foc: en te n'attimo raggiungém el bivio per Kitzbühel e traversém for Wörgl a na media de 33-35Km/h! Passo davanti mi e calo n'attimo el ritmo sui 30Km/h e dopo nà pausa per mpienir le borraccie a Kundl e rimpinguar energie co na barretta, ripartìm lanciai. Entant ne raggiunge en todésc che fasendome da levro el me conta el giro che l'è drio a far elo su vers la Zillertal: me giro n'attimo e... i ho staccadi de n bèl tòc! Partendo così de cacciada, al Cristian ghe s'è enfiamà el legament lateral e l'ha dovèst calar el ritmo. L'è ormai le 8 passae e l'idea de setàr a pedalar fin mezzanot per arrivar a Innsbruck, me par bem na cazada: endò trovente po' da magnar e dormir? E l'idea de fermarne a zercar qualcos entorno a Wiesing l'è staa ottima: l'è ormai nòt che me fago coraggio a domandar en ten quattrostelle de Jenbach quant che i ne tol per nà nòt... 35€ en suite con colaziom!!! Diaolopo', che figada!!! ...e se molém direte le bici en canéva senza lavarne, riusìm anca a farne far la zena dal cogo: ormai l'è le dese men en quart... coi austriaci che è usai a zenar ale 5 e 1/2, l'è en miracol aver trovà!! Alle 10 e 1/2, dopo nà bona magnada ne trém en te la bellissima suit e dopo nà doccia al volo trém su la sveglia per le 7 (anca doman i prevede 38gradi, l'è mejo partir bonora!) e n ten blitz dormin tuti... anzi no! diaolopo', el me camelback pien de acqua l'ha mizà tuti i vestiti del zaino! diaolopo', me toca prima distender su tutte le careghe del poggiolo/giardin dela suit tute le me robe.. e entant.. farò a men de cambiarme!


Gemma, LOSSS!!! Trovada la ciclabile a Kufstein (se nota el castell alle spalle), gh'è da nar a far la foto a...


...el confin de Stato! Da qi en su taca la Germania... ma noi... restém en Heimat!


La suite de Jenbach, con enfim el giardim sul pontesel per trentazinque €uro a testa la ne lassa a boca davèrta.




22/8
Dopo nà bona colaziom, nem a raccattar le mtb en sala da ballo e per le 8 ne metem en marcia. L Cristian el parte pian pianèl per via del ginocio che l lo tormenta col legament nfiammà... nem a na media, tra na pausa e l'altra de 12km/h, e difatti, passà Schwaz, a Vomp el me diss de raccattarghe en treno: el proverà a veder se n discesa dal Brennero la narà meio: detto, fatto, trovo al volo nà staziom, e ntant che l porta la bici sul sottopassaggio e l salta sul treno riesso a farghe l bigliett per Innsbruck e passarghel rento dal finestrim! Adess en 25Km sarém a Innsbruck, l'unico problema l'è che nà volta a Hall in Tirol perdém de vista la ciclabile e g'avem da far le nosse a dribblar el traffico! Na volta arrivai a Innsbruck ost,po', la storia la deventa complicata! Mi Innsbruck la conosso come casa mia, ma per traversarla dopro sempre o autostrada o tangenziale, e lì en bici no se pol nar! Ensomma, tra nà monada e l'altra arriva ben le 11 avanti che raggiungem la stazion dei treni de Innsbruck e qi, ne approfittém per darghe drio i nossi zaini al Cristian: lezo el tabellom e... diaolopò... prossimo treno en 5 minuti, o el successivo regional en dò ore! Me fiondo al distributor automatico, ghe fago i biglietti al volo, corro al binario 7 e... l Cristian nol gh'è! diaolopo'... il treno ormai el parte! ...e difatti tornà alla hall della staziom l trovo lì che l ciacera con me fradèl, diaolopò!, ghe digo! "cossa fè qi?! Avete 70 secondi per portar le bici al binario 7!"... incredibile ma vero, anca sto colp ghe la fem! E così adess che ne speta la salita al passo del Brennero, decidém col Manuel de prima magnarne n bom toast formai e 2 birre medie... a testa! E a mezdì ne enviém su per la statale, sotto el ponte Europa. La velocità che tegnim per i 750m de dislivell de salita l'è sui 14-18Km/h, po' oltre el pont Europa, gh'è enfim en tòc piam, da endòve ghe tocca pedalar anca a quei che vem zò dal pass. Pausa acqua a Matrei, scorta borracce a Steinach e arrivai a Gries, quando manca i ultimi 5Km, el calt el se fa sentir e anca la salita! Me scampa n'ocio sotto l pilom e ghe disegnà su na bandiera con scritt sotto: "noch 125Km zum Bananas republik". Finalmente al Brennero! ..e adess, ricompattä el gruppo, en par me birre medie e ciòpa de speck, nol ne la cava nessuni! Ripartìm en discesa per la ciclabile che segue la vecia ferrovia e... fantastiche le gallerie che le se empiza coi sensori de presenza! La molém veramente veloci zò per la val de Fleres e quando la spiana, al Cristian ghe fa subit mal el ginocio: e allor, vist che sém de strada, se ghe vol en consulto alla farmacia de Colle Isarco/Gossensass: el vém for con n'overdose de voltadol e na busta de giàz istantaneo, e... l consiglio dela farmacista de tornar a cà en treno: mai! La ciclabile, che doveva esser tuta en discesa la scomizia a deviar a destra e sinisra dela val e su e zò dai dossi... diaolopo'... ne fermen n'attimo a bever sotto nà rampa e propri entant che butto la bici enzima (gh'evo su el rapportom da discesa) ne passa dò putèle e le ne ride drio... diaolopo'... che la sfida abbia inizio: nem a torle! E allor, mi taco a ciacerarghela su en todesc e le me conta che le è partie al gieri da Rosenheim e le è drio a nar a Riva del Garda: praticamente el noss stess giro! le da propri l'impressiom de esser anca sportive, e difatti anca lore l'inverno le è scialpiniste! Ma la loro idea de arrivar a Bolzan stasera l'è en suicidio! Continuém su e zò per dossi fin a arrivar alle 7 a Bressanon: sarìa ben stà l noss obiettivo, ma col voltadol che g'ha fatt effetto, adess l Cristian l fa el levro del gruppo (oltre al mal de ginocio, l'overdose la g'ha fat passar anca l mal al cul per la sella, e adess... el vola!) e el ne propone de mollàr la ciclabile e far nà tirada fim Chiusa! E così, ne segue anca le putèle en velocità e ne alternem a taiar l'aria... 20 minuti e sém en centro a zercar en buss per dormir, e nt te n'attimo (convinte le putèle che Bolzan l'è lontam) trovo da dorir per tutti: sempre 35€ con colaziom a testa, ma l'hotel stò colp l'è nà bettolaccia! Poc mal: doccia al volo e, senza spetar le putèle (che sennò me toca far da interprete tuta la sera) ne trém diretti al famoso Torglkeller (eheh.... Chiusa la conosso bem), endò se magna en te le bott n bom tris de canederli, quindi, en te la birreria di fronte (endò che i fa lori la birra e...propri bona) bevem 2 litri e mèz a testa fim mezanòt e meza!


Ale 8 la matina, per evitar el calt, sém zà sui pedai


...e puntém a Schwaz, Hall in Tirol, Innsbruck...


...e l Brennero (ehhee... qi el Kepo ai péi del ponte Europa: el g'avrà ben l'abbonamento, ma sto colp co la bici, el fa volentera a men!)


Berg Heil! No capisso la pressia del Manuel e l Cristian de meter pè en te la Banana Republik! El Kepo i g'ha da tirarlo rento de peso ;-)


Co le bombe della farmacia de Colle Isarco/Gossensass, el Cristian el se mette a tirarne el còl su per le salite tra Vipiteno/Sterzing e Bressanom/Brixen..


...e la sera, 3 boni litri de birra a testa en la mitica birreria de Chiusa/Klausen, nol ne li cava nessuni!




23/8
Sveglia alle 6 e 3/4 e alle 7 sém zà en sala da pranzo a far co le dò putèle la megacolaziom tirolese. Partìm dopo esserne tirai a um e aver preparà le bombe de sali minerai en te le borraccie, alle 8 en punto. Fim a Barbian decidém de tegnir la statale. Parto mi davanti come taia aria e dopo dese chilometri vedo bem de farme dar el cambio da me fradel: diaolopo', se calo sotto i 30Km/h, el sentir quei drio en scia che i fa nar i pedai a vot e ogni tant frena, mette n'ansia che te tira el col! Ciapà el cambio e saltai en ciclabile, en n'ora spaccada sém zà lì che traversém Bolzam! Massa bela la ciclabile qi en zità: pù che concentrarse a pedalar se se concentra a vardar i mili monumenti e bandierine esposte lonc el percorso. Passà for la zità, se se alterna tra mi, el Cristian e l Manuel a tirar las fila, ma passà via l bivio per la val Venosta (lassada a sinistra), ne passa davanti uno co l'aria propri da sbruffom, e allor... me fradèl el ghe se trà en scia e l ne regala l'andata diretta fim al bicigrill de Ora! Diaolopo' l'è demò le 10 e sém zà a Ora!! Adess vinti minuti de pausa per trar zò qualcos i se ghe vol tutti! Ma le putèle tedesche no tirele mai? Mai dire mai.. e difati le se caccia davanti a na media de 34-37Km/h! Aiuto! Piene le scatole a starghe drè en scia! E dalla sbregada che le fa, g'ho da far le mie per riciaparle e dirghe che gh'è bisogn de 30 secondi perchè el Cristian el g'ha bisogn de n'altra overdose de Voltadol (dopo quela de stamatina a colaziom con speck e cappuccino)! Ripartìm lanciai e passém for la stretta de Salorno en compagnia del gruppo de ciclisti de Mezcorona. L'è prest le ondese, e adess taca a farse sentir calt e strac... Passo davanti mi, ma sora i 24km/h la gamba no la va pù: con sto calt me vèm le allucinaziom: e la deviaziom che te far far la ciclabile a Trent nord, dalla discarica a Lavis e ritorno, sol per veder la foce del Fersina la me fa delirar: diaolopò! No arivém pùùùù! Finalmente a Trento zità zerchém en bar davèrt per trar zò qualcos: l'è mezdì in punto! Fago mi da interprete per le putèle: eheh, d'altronde no l'è da tuti riusir a tradur en todesc "macheroni coi sparzi"! Na bela magnada e bevua (en litro de birra a testa) e entant che el termometro del bar el segna 41 gradi, ale 1 ripartim. L'è n'agonia: tira la fila le putèle, ma no so come le faga! 40 minuti e la tappa saliminerali freschi e lemonsoda al bicigrill de Nomi l'è d'obbligo! Ancoi po' le putèle le ha trovà el tormentom dela giornada... eheh... quando le me parlla massa en fretta zerco sempre de ntuir sa che le diss e l pù delle volte me mmagino sia i chilometri zà masnai: ensomma, a ogni domanda nossa, ancoi le gh'eva sempre la risposta pronta! Zwanzig Kilometer! Arrivém en piazza a Sac che l'è en calt da delirar e le putèle sempre ai 35Km/h no vedo ormai l'ora le ciapa la so strada che a sta velocità no ghe la fago pù! Ne caccièm tutti sotto la fontanella a bagnarne dala testa ai pei e arrivai al pont de Ravazzom saludém le todesche e continuém adess ai 15Km/h en direziom sud... Diaolopò, Seraval, Ala... no i ariva pù!! D'altronde i 150Km sulle gambe de ancoi ( e 160 de ieri!) se i sente tutti! A Avio manca demò 8 Kilometri, ma n'altra pausa, anca per el mal de cul da sellim, ne toca farla... I ultimi 6 Kilometri ne i spartìm da tirar 2 a testa.... Ecco el confim!!! La ciclabile la finiss de botta ensema a tutta la segnaletica orrizzontale e verticale, finendo en te la stradèla de campagna che trà sulla provinciale: benvenuti en Italia! E' fatta!! La traversata del Tirolo da Kufstein a Borghett l'è compiuta! E ale 5 sém così alla staziòm dei treni a spetar el prim treno per Roveredo... el gh'è fra n'ora! E allora alla ricerca de n bar per nà birra: trovém serà, e allor pei en moja en la fontana e alle 6 e 3/4 saltém sul regional per Roveredo: 20 Euro de bigliett en 3?! Per fortuna ghe som mi che me ne ascorzo! La controllora l'era drio a farne pagar 12,5€ de supplement per le 3 bici enveze de 3€ (che se paga qi en Welschtirol): l'era convinta che Borghét el fussa en Italia!






...el dì dopo, coi 40 gradi de Trento/Trient l'è n'agonia, e allor, la pausa al bicigrill de Nomi l'è obligatoria! Quindi saludà le putèle a Roveredo Sud/Rofreit Süd, continuem con mooolta pù calma...


..fim al confim estremo del Tirol: Borghèt! E qi, endò che taca l'Italia, se ferma ciclabile, segnaletica verticale e orrizzontale!


'na sorada de pei en la fontana del paess e...


...mission compiuda, podém tornar vers nord: a casa, lontani dal confim!







Ste pagine l'e' stae cargade volte da visitatori dal 3 de agost 2005