SCIALPINISTICA Hocheck del 06/03/2011
El m'eva scritt al gieri en messaggio per veder de nar a far qualcos coi assotti ancoi: se pensevo me bastessa la gita de ieri me sbaglievo de brutto, e l Stefan nol vol miga nar a far gitarelle da 800metri.... sto colp el me tira el còl, ma, gh'è da nar!
De solito l'e partenze le è antelucane, ma co le temperature invernali ghe lasso decider al Stefan che l propone propri n'orario da sbaraccar la sera: ore 9 a Brixen! Vem le 9 e 3/4 che per ultimi ne enviém su per la val de Fleres co le pèl, el ritmo l'è comunque veloce e bem prest vedém che no sem tant drio le altre comitive... nem a torle! L'hocheck el conosso bem come zima, ma coi so 1500m de dislivel e l'esposiziom a nord l'è sempre na garanzia! Arrivém enfont alla valletta en te na mezoretta, quindi, lassà el canal per l'Accla a destra, scominziém a mpontar le zete su per i versanti a sinistra, giust en par de pause: e mi me sento bem còt... darghe la colpa ala sciada de ieri matina o ale bòze de ieri sera? Metri su metri e passém anca qualche gruppet de skialp, quindi, entrai en tel catino sotto la gresta, el traversém tutt puntando al passòt, e saltandoghe su con quattro zete arrivem al Berg Heil! Diaolopo' che veloci! L'è demò mezdì e mèz, e qi gh'è ancor i skialp partidi bonorivi stamatina che ciapa el sol! Na bona magnada, na bela polsada e via che podem molarla! El Kepo sempre con calma, el Stefan, beh, el smonta de 200metri al minuto.. diaolokan no ghe stago miga drio! per fortuna ogni tant l se ferma a spetarme! La nef l'è a tratti polver a tratti pressada, ma la sciada la se lassa apprezzar! ...e soprattutto ancor de pù l mitico taglier e birra media che ne spèta adess en val alla canonega de Stein!
En font ala val lassém a destra el bivio per l'Accla e mpontem el canal a sinistra... |
|
|
che el se mponta per 800metri fim ai panettoni sotto la zima... |
...che l'è en rento en bèl toc: 40 minuti, altri 300metri e... |
|
|
Berg Heil! ...e vista l'ora tarda (che comunque col fret la va benom), l'è da dir MahlZeit! |
Ste pagine l'e' stae cargade volte da visitatori dal 3 de agost 2005