SCIALPINISTICA Klein Gitsch - Fallmetzer del 19/12/2010

Ancoi l'obiettivo l'è scamparghe alle nuvole del bass Trentin, e anca magari trovar en po' de nova polver fatta vers la grest de confin en tei dì passai. El Yenkyy cala l'asso dalla manega e... gh'è da nar en val de Fundres! L'obiettivo l'è la traversata del Kleine Gitschberg e quindi la salita al Fallmetzer, la zime de drio. Arrivém al parcheggio de Maranza en Altfasstal vers le 8 e 1/2 e trate su le pèl, ne enviém rento per la forestale che smonta sora el paess e ghe fa praticamente el giro al Kleine Gitschberg. El fret el se fa sentir: sarém sui men quindese, sperente demò che ancoi le pèl del Kepo no le ghe tira l fichét (vist che al gieri no l'è propri riusì a trovarne en par de nove en negozio)... Dopo vinti minuti sula pista da fondo tra pianori e discesòte, ecco che saltém sul versante al sol e subit el sentér el se mpenna. ...e subit taca la preoccupaziom per le pellaccie: ancoi per fortuna quele del Kepo le par tegnirghe botta, l'è quele del Yenkyy enveze che le vol subit en supplemento de giri de scotch sule coe... Avanti, allor, su per traccia erta, a tòchi giazada, e en te nà mezora de salita saltém for dal bosc ala malga che con dò piste battue da bob/slittin le porta su vers la cross della prima zima. Ne fermem demò dò minuti a bever en goz e, diaolopo', contro tute le previsiom che le deva el brutt relegà a Sud, el zel el se scoerze anca qi, e a vardarse sule zime entorno, è zà drio a fiocar. Vinti minuti a testa bassa su per i prai, quindi su larga gresta e Berg Heil! Sém sul Kleine Gitschberg. Per continuar la traversata, adess, la molem zò sul versante nord, senza cavar le pél, e perdem en zentinar de metri, fim al passòt, delimità da n cancelét: ehhe...passà for el cancelet, scavezem via su n'ert canal valanghivo che per fortuna, el g'ha sotto la mulattiera estiva (sennò no sarìa stà massa tranquil a taiarlo for!), zinque minuti de travèrs e ne trovém en la valletta drio e Gitschberg, endò che podém scominziar a ciapar quota vers la gresta del Fallmetzer. Vinti minuti a testa bassa, e arrivai 100 metri sotto la dorsale, senza rampant (beh... vist le parti giazae dal vent, penso che sora i serviria bem) vegnim praticamente ciapai rento dal vent, le nuvole e la fiocada. Ne spariss la zima entrà le nebbie e allor, via le pèl e la molém vers la malga che smonta a sinistra del pass. La parte sotto en tel bosc, saltém da banda a banda del rì, alternando nef pressada con qualche toc de polver: ormai l'obiettivo per ancoi l'è zugarse el Jolly del piano B, e difatti molà i assotti en velocità zò per la forestale en dese minuti sém al GrossBergHuette a gustarne en bom piatto tipico. E tra Schlutzkrapfen, KnochKase, SpinatchKnödel, na birraccia, studiar cartine, e vardar che bela fiocada che è drio a far for dala finestra, el temp el vola e prima dele 2 e meza no sém alla macchina, a pensar alla prossima pellada!




Fém el giro al mont per la longa pista da sci da fondo, quindi la mpontém dritta su per el sentér...


fim alla MoeserHuette, quando finalmente la mola n'attimo e saltém for dal bosc...


...da qi continuém su per i praoni che ne porta al Berg Heil sul Klein Gitsch...


..quindi scavezà oltre la zima, ne sbasém al passòt per puntar al zimon davanti. Ma el temp, dopo na mezora el pegiora de brutt...


.. e allor molà i assotti vers val, puntém en sicurezza al piano B: quel l'è sempre 'na garanzia! Prost!



Ste pagine l'e' stae cargade volte da visitatori dal 3 de agost 2005