SCIALPINISTICA Vermoi Spitze del 30/11/2010

El meteo el dà bel e allor...se tol en dì de ferie e gh'è da nar! Oviamente co la massa nef che ha trat zò stì ultimi dì no podém zerto nar en bass trentim, col riscio de sfondar fim ala panza, e così l'idea della val de Pinalto, co la poca nef che l'ha trat zò en val Senales, par na bona idea. Ne trovém col Teo al Zuffal alle 6 e 1/2, alle 7 a Neumarkt col Yenkyy e passai a Bolzan a tor l'Andrea Smith, per le 8 e 1/2 parcheggiém la macchina poc prima dela stanga forestale che entra en la val, 100m sora el paess de Certosa. Ne enfilém rento per la forestale e dopo 20 minuti de bona lena, per via che i ha sbarrà la strada con na muraia de no so quanti metri cubi de laresi (e i gh'è lì all'opera co le motoseghe entrà la nef), no ne ascorzén che la forestale la fa en tornante, e scavalcando en par de steccati, setém a costeggiar el rì ed entrar en tel vallom. Riciapada la forestale, riciapém anca la traccia, ma la speranza de trovarla fatta, la va via via scarseggiando vist che man man che se se alza de quota, el vent l'ha laorà e...scoèrt via tutt. Ne alternem a tracciar per la lunghissima forestale, po' traversà nà piana e passà su dò tornanti, dopo 2 ore bone de bona lena, 700 metri de dislivell (metà gita) e guadà en rì, ecco che arrivém alla bellissima malga Pinalto: ma come diss i veci, "col bel no se magna"...e difati l'è serada! Ma col brulè del Kepo, e na pizzapan per um del Teo, alla fim, no ne sem praticamente ascorti e dopo 10 minuti de pausa, sorai e a stomec piem ripartim a tracciar. E qi per via dela luce diffusa (diaolopo'... sto colp l meteo l'ha sbaglià!) gh'è propri da tribolar a passar for i dossoni drio la malga. Girà a sinistra, ne compare tutt el vallom che ne porta su alla forcella e da lì alla zima, ma... che longa! Tra pianori e balze a zete, i tracciatori del dì è sicuramente stà l Yenkyy e l Teo, en dò ore dalla malga, così, arrivém su alla forcella e da qi, la perturbaziom en arrivo con fret e vent la se fa sentir alla grande! Quattro zete a sinistra e ecco che finalmente drio el scroz compare la cross de vetta! Berg Heil! Ehehe... 5 ore de fadiga e 1500 de dislivell. El fret el morde propri, e così ne fermem enzima demò dese minuti per copàr la thermos de Brulè e far dò foto. Quando no sentim pù le man dal frett, vol dir che l'è ora de nzolar i scarponi e trarse vers val. 100metri de diaolini e n po' sventada, quindi... polver! Bella e lizera! Quel che ne ciava sula discesa l'è demò la luce diffusa: e mi sfrutto bem le serpentine dei altri per capir le pendenze e limitar i rugoloni! En te n'attimo smontém el vallom e sto colp per evitar i dossoni drio la malga Pinalto (...el nome della val Pinalto l'è dàt dai pezi: fim ai 2500m de quota!) ne tegnim a destra e dopo en salto nel vuoto del Teo (eheh... luce diffusa e gradoni mimetici), traversém via el rì della malga su en pont de nef che me zede soto i pei...e pocio el scio sinistro. Neanca el temp de tirarlo su dall'acqua che l'e' tutt en zòcol: gh'è da raschiarghe via tutt el giàz e se pol ripartir. Do' buttae for per la piana, e sfruttando la traccia de salita ciapém velocità zò per l'eterna forestale, che, co la polver ai lati, l'aiuta non poc quando se vol diminuir la velocità de discesa: demò per no rugolar zò en tel rì de fianc! Passà for el sbarramento de laresi, la parte finale l'è battua a pista dalle jeep, quindi, su ideona del Smith, el seguìm co na deviaziom a sinistra zò per i prai (entant che l Yenkyy el va a tor la macchina per raggiungerne en paess) e con quattro belle firme a fondo erbos, arrivém en centro paess a Certosa: bel bel bel! E adess, che ormai l'è le 3 dopodisnar, en bom panét e birraccia della casa alla Forst de Meran nol ne li cava nessuni!




Entrém en la longhissima forestale sora el paess...


...e dopo 7-8 chilometri...


..finalmente arivém en vista del rifugio.


Dopo 'na meritada pausa, ne trém oltra: e per effetto whiteout-luce diffusa, all'inizio l'è propri dura..


...po', tòlt el vallom a sinistra, puntém al pass en fondo e...


...en mez a e vent e frett da paura... Berg Heil! E adess se pol molarla...


..e con quatro bele serpentine...


riusim a sciar fim zò en paess de Certosa!



Ste pagine l'e' stae cargade volte da visitatori dal 3 de agost 2005