SCIALPINISTICA Marmolada del 18/11/2010

Vist che per sparmiar, i ne tegn a cà da laoro, e vista la perturbaziom appena passada e l'altra che arriva, besogn nar e correrghe drio al bel temp vers est. Sotto i 2000 ha piovèst, sora i 2600 gh'è rischio 3, e allor, gh'è da nar... su per le piste de Punta Rocca en Marmolada! Partim alle 7 dal Zuffal Park: ancoi sém el trio delle zime mancate (Davide,Kepo,Matteo)... d'altronde col Cervino mancà e l'ultima col dietrofront sul K2, no escludém de dover girar i (alza)tacchi anca ancoi! E ancor no avém capì chi che porta sfiga: forse el Davide... vederem! Partidi da Trent che piovesineva, dopo na bona colaziom su per Moena, arrivém al confin de stato de passo Fedaia per le 9 e 1/4, trém zò i assotti, sci ai pei dalla macchina e ne enviém su per la traccia: ehhe... gh'è zà qi 3 macchine de skialp! Fioca... gh'è nebbia... ma a vardar le nuovole, sora gh'è bone speranze de ciapar bel. Se segue la pista e soprattutto la traccia: sulla pontèra dela pista notém demò na piccola slavinota de fianc. Entant el Davide el passa davanti e l ciapa el largo; el Teo, ancor drio a smaltir le magnae fate la stimana pasada en Florida, el la tol pù dolza; el Kepo, vist che no l'è drio a gareggiar el sta al seguito anca perchè così el pol far qualche bela foto: ehehh... arrivai alla piana sotto el skilift se davèrze for el zel e... sereno!!! Super! Proseguim vers la testata dei skilift e continuém la salita en compagnia de n par de taliani da Cortina che è drio a nformarse sul cambiar o meno i Garmont Mega Ride/Lite en F1/F1 race ... e de zerto, tra mi e l Teo che i avém provai tuti, no i podeva trovar miglior venditor! Tra na ciacera e l'altra arrivém all'altezza della funivia che salta su da Malga Ciapèla: ancor 300 metri erti e l'è fatta. El Davide nol fa neanca na pausa e l ne tegn distaccai de n bel toc (eheh... così en vetta el pol fumarse en zigheret en pù!). Empontà quindi l'ultim ertom de 300m vers la zima, ecco che salta for le nebbie dalla parete Sud della Marmolada e arrivém al Berg Heil per mezdì, zà en tei nebbioni. Per no smentir l'usanza del trio, anca ancoi evitém la vetta fermandone (come tuti) all'arrivo della funivia. Sto colp el Kepo l'ha portà drio anca na bona chichera de brulè scèt! Mèz litro de rest, zò le pèl e ne trém en le nebbie (coi dò taliani che ne segue a vista). De nef ghe n'è anca massa, ma el problema principale l'è el Whiteout, no se capiss endo che se è... (ovviamente sém al sicur seguendo la traccia de salita... ma che fadiga!). La parte centrale del skilift, se alza n'attimo la visibilità e dò belle curve ne le godem bem, po' rientrai en te la nuvola en qualche modo smontém fim alla macchina. Fatta anca questa, e adess, lassa pur che vegna brutt temp! Na bona pausa birra e Bauertoast al barét de legn de Zian, e per le 2 e 1/2 sém zà sull'uss de ca...




Arrivém al parcheggio subit drio el confin talian... su le pèl e...


..via che gh'è da nar! Se va tutt bem doveresem centrar la finestra de bel temp tra le dò perturbaziom...


...e difatti... arrivai sui 2500...se davèrze for tutt! Che figada!


Entrém en tel vallom, e po' puntém alla funivia intermedia che salta su da malga Ciapela...


...ma le perturbaziom le viaza propri frasae ... e zà ariva le prime nebbie..


...ultimi 200 metri e anca questa l'è fatta!


Berg Heil alpinisti! Beh, dai... se ciava de sciar en te la nebbia: dopo la thermos de Brulè del Kepo, en zò rugola anca i sassi!!!



Ste pagine l'e' stae cargade volte da visitatori dal 3 de agost 2005