SCIALPINISTICA Castel Pagan del 14/11/2010

Fim le 8 la sera ero ancor disorganizzà, ma quando me ciama el Renrav e l me diss: "ale 7 ne trovém col Salvatore e l Francesco a me cà, vardém meteo al volo e... gh'è da nar!", metto subit le pèl a sugar e puntà la sveglia alle 5 1/2 trago zò dirèt i ossi. Per le 7 arrivo a Tassullo e ntant che vardém cartine e bevem en caffè, discutém de ndò nar per polver: el Renrav el vederia ispirà dalla val d'Ultimo, mi dalla val Sgualdrina en Tonale (demò perchè, en quota, forse passém sora alle nubi basse che gh'è ovunque), el Salvatore el riscieria l'alta val de Non... Saltém en macchina tutti e quattro che ancor no g'avém bem idea de ndò nar: zerchém demò de vardarne entorno per trovar qualche buss de serem: finim en val de Bresimo, e qi, la strada l'è ancor daverta e podém arrivar a parcheggiar ai 1800m della malga Bordolona bassa. A vardar i versanti sud i prai i è ancor verdi, a nord enveze gh'è tutt bel bianc! Le zime entorno le e' ennebiae, ma l'idea l'è de far la cima Zoccolo, magari en traversata. Partim direttamente sci ai pei dall'auto e seguì la strada che devia a destra tachém a ciapar quota su per i prai. La direziom l'è la valletta a sinistra della malga Bordolona alta. Entrém en tel vallom, traversém en rì, e ciapém quota su per dossoni. Qi me se ghe vol en cambio pelli per el zoccol che me se fa sotto le vecie pèl (le ha ciapà l'umit a partir dala machina): trao su quele da gara e le va benom. Arrivém sul dossom de quota 2100 (endò che erem vegnui st'inverno passà envenze che nar sul Lainert) e vegnim avvolti dalle nebbie... n'ocio alla cartina, e su super pulver continuem a entrar en tel vallom guadagnando quota. 200 metri sora costeggiém l'ert canal che smonta sul rì a destra dal Castel Pagan, ma noi dovém ormai puntar dritti alla gresta e da lì... vederem! Proseguim così su na dorsale, tegnindone distanziai, e con na serie de erte zete el Renrav el traccia fim sulla gresta: da qi, fim che sem finidi sulla destra della forcella, enveze che smontar per puntar a punta Zoccolo, continuem a guadagnar quota en direziom del Castel Pagan, che l'è po' l'ultima zima de zona che ghe manca ancor da far al Salvatore. Sem ormai a 100m dalla vetta e... se daverze le nebbie e... ecco el sol! L'è serem!!! Massa bel! Arrivém così al Berg Heil tutti gasai e, de sicur no g'avém pressia de tornar vers val: se magna, se beve e... enfim se dorme! Dopo 40 minuti de contemplaziom dele zime entorno, ecco che de colp se dirada le nebbie anca zò per la nossa valletta che avém doprà per salir: veloci!!! Adess che gh'è visibilità: gh'è da nar!!! Blocchém i scarponi, pèl en tel zaino e... zò dritti su super schnee (par quasi firn) sul pendio a sinistra dela gresta. Persi i primi 100 metri, enveze che taiar vers la forcella, el Renrav e l Salvo i vol provar la discesa direttissima en tel canalom: diaolopo'... staralo su el pendio?! L'è bel en pè (sui 35)... e visti arrivar enfont senza problemi la molém anca mi e l Francesco: che sciada!!! Nef propri bela!!! E na volta calai en la conca... la super pulver la ciapa el sopravvento: travers vers destra e torném al dossom de quota 2100m, quindi, tra i vari dossetti che ne ciava tra salti e nsaccae, sempre su superpulver la mollem vers la macchina. La parte bassa, g'avem bem en po' de timor vist che ghe sarà zò demò 10 schèi: ma probabilmente, con sotto na fodra de nef dura, la sciada l'è ottima fin la macchina e senza neanca toccar en sass!! Super... einfach super!! E per mezdì e mèz sém zà lì che saltém en macchina: e adess... lassém pur che ariva la perturbaziom! Per festeggiar la sciada, dal Renrav la moglie la ne fa trovar 2 strudel bei caldi, e tra birre, caffè, vardar foto e studiar cartine vèm bem le quattro prima che ne levente su. Po', col Renrav, vago en cantina a far scorta de pomi per el me vecio: ehehhe... l'era en pèz che l me vecio el me domandeva de portarghe a cà i pomi, vist che som sempre en volta per tuta la regiom, ma mai el se sarìa spetà el top dela gamma: original val de Non!




Lassada la forestale, ne enfilém su per le nebbie...


..en te la piana de fianc ala malga... e tegnindone sempre a sinistra (destra orografica)...


...studiem el modo per saltar sula gresta tra l Monte Zoccolo e l Castel Pagan...


..e na volta ciapada, girai a destra, scavezém via sora en canalom e...


... la LUCEEEE!!!! Ancor 4 zete e...


...massa bel arrivar enzima col sol, se se pensa al griss che gh'era zò sotto!!


Berh Heil!!! Ehehe... el Renrav el se fa ciapar dall'entusiasmo: torna endrio con quei assotti!!!


Ehehe.. Kepo... vara che temp!!! Bacia manina!!! E adess... spetem nà mezzoretta a polsar en vetta e...


...quando se daverze for n'attimo ... basta molarlaaaaaaaaaaa!


...mamma mia!! che mpè!!! No sò ancor spiegarme come l Salvo e l Renrav i ha fat a veder sto canalom (subit sotto la zima) entrà le nebbie entant che salivem!!! Massa bel!!! E che sciada!! En misto de pista e sotto pulverSchnee...bis Auto!!! Einfach Super!!



Ste pagine l'e' stae cargade volte da visitatori dal 3 de agost 2005