ESCURSIONISTICA Monte Varagna - Altissimo del 23/10/2010

El temp en peggioramento, vist anca che me spèta dò dì de seggi, nol pol tegnirme a cà: gh'è da nar! E allor, all'aperitivo al bar per el compleam del Mazzu, me accordo co l'Albert per nar a far l'Altissimo en traversata: partìm da Festa e passando per malga Campei bassa, alta e monte Varagna, arrivém sull'Altissimo di Nago, quindi, puntando su S.Giacomo, ciaperém nà deviaziom a quota 1500 drio malga Campo che ne riporta alla malga Campei bassa e da qi alla macchina. Partenza da cà alle 8 e 1/2, quindi, tappa panificio e per le 9 e 1/4 ne enviém su per i senteri sora el paess de Festa. I primi 40 minuti l'è demò en tof drio l'altro... ert che toca la lengua enterra (soprattutto vist el pass veloce che tegnim) e n te n'attimo sem zà 400metri sora alla piana della diroccada malga Campei Bassa, da qi se vede zà la malga alta, 200 metri sora, che anca se la par lì, la cementada en pè l'è nà bela taiagambe. L'è le dese e n quart che sém zà lì: ehhe.. solito pass da 600metri/ora! Pausa H2O e cioccolata e via de nof a ciapar la dorsale che porta vers destra sul Varagna: e qi, som ben nel dubbio se continuar co le scarpe da trek o trar su i scarponi che ho tirà drio en tel zaino: gh'è sempre pù nef! Essendo pestolà, rieso però a continuar co le scarpe. Arrivai enzima al Varagna en ten tre quarti d'ora, entrem en le nebbie e anca en tel ventàz dela perturbaziom che è drio a rivar. Trago su guanti, beret e avanti a testa bassa co la nef che passa i quindese schèi, e n nebbiom che no tel tai neanca col cortèl: altri 30 minuti e passém davanti al rifugio praticamente senza vederlo per el nebbiom: en berg heil de vetta e tornai al rifugio per magnarne la ciopa al bivacc invernal, trovém el rifugio davèrt! Che lusso! L'è propri l'ora giusta e difatti gh'è zà na comitiva de 40 persone a taola... n bom brulè, n'orzett, na bira media e... po' el giro della casa l'è self service: i ne trà sul taol 4 vasi de grappe assortide e.... basta bever! Ma po' gh'è da tornar anca en val! e allor giust en bicieròt a testa e per le 1 torném for per smontar dalla dorsale che l'è la skialp de salita en inverno da S.Giacomo: beh, inverno... a dir el vera gh'è qualcheduni che l deve averla zà fatta la stimana passada viste le traccie de sci residue sulla nef! Sbasadi fim a malga Campo, traversém via drio e con en mezzacosta scavèzem via tra camozi (bel, bel, anca uno sul sentér a 10 metri!) en direziom malga Campei bassa e da qi, riciapà i tovi de salita, en velocità per le 3 sém zà en macchina.




Se sale per l'erta pontèra fin alla piana de malga Campei bassa...


..e en 15 minuti de cementada ancor pù erta finim a quella alta per la prima pausa...


...quindi ciapém la dorsale che parte drio la piana a destra...


..e en vinti minuti passém sul monte Varangna, quindi, sempre su dorsale a sinistra...


..arrivém al Berg Heil del monte Altissimo.


E adess... vist che l rifugio l'è davèrt (massa figo el tovagliolin su cui i serve!)... gh'è da nar...


...a magnar e bever en bom grappim!


Quindi, ne nviém zò per la dorsale che smonta su S.Giacomo, e a malga Campo, deviém a sinistra con en lonc mezzacosta..


..tra camozi che ne traversa via vizini..


...smontém su malga Campei bassa, e da qi a Festa.



Ste pagine l'e' stae cargade volte da visitatori dal 3 de agost 2005