VIA FERRATA Bocchette centrali del 19/08/2010

La sveglia alle 4 1/4 per far le bocchette centrali en giornada l'è doverosa. Colaziom, zaino, e per le 5 sém zà lì che saltém sulla Polo. Per guadagnar temp, vist che no gh'è traffico no fago massa attenziom ai limiti e quindi per le 6 e 20 sém zà en Campiglio che entrém rento per la strada (che l'è a pagamento sol dopo le 6 e 1/2) che porta a Vallesinella. Dir che ha rinfrescà l'è dir poc: sarà sì e no 6 gradi! Ma trati scarponi sul zaino (anca ancoi la provo tutta co le scarpe da trek) e na picca de sicurezza (vist che la Bocca de Brenta 20 dì fa l'era ancor bela bianca) ne enviém de bala su per el sentér che porta al rifugio Casinei: per scaldarse e darghe contro all'acido lattico del gieri partim veramente de bala (diaolopo', i primi 10 minuti a momenti l'Antò l me tira el col), pò, passà en par de veci (che se anca i diss che ném veloci come le capette, pò i g'averém fra i pei tutt el dì) calém n'attimo, ma en vinti minuti sém zà al Casinei. Enfilai de balla sul sentér sora en direziom Brentei, sempre de passo spedì tegnim cont del temp zà recuperà sulla tabella de marcia (30 minuti de viàz auto + 30 fin al Casinei... eheheh... ancoi fem el record!). La roba pèzo per le gambe de legn dal gieri l'è far i scalini, ma passà for el prim tòc de scala santa sora che porta su al secont bivio col Tuckett (20 minuti sora el Casinei), ormai le gambe le s'è molae for per bem e se procede spedidi. Per le 8 sém zà al Brentèi: Zuper! 1 ora e vinti dal parcheggio! Fém giust 5 minuti de pausa per na telefonada al volo al boss en ditta (ovviamente giust per parlar de zime, miga de laoro!) e ripartim de balla en direziòm Bocca de Brenta. E qi gh'è n'appunto da far al gestor del Brentei: l'è molto sospetto el fatto che l consiglia de far le bocchette centrali en discesa partendo dall'Alimonta enveze che en salita dalla bocca de Brenta... la par quasi pensada per far sì che la zent che ha appena finì el giro, el prim rifugio che la trova sia propri el Brentei. De zerto, quei che pò troverem per ferrata en discesa, con tutte quele che i ghe diss drio, me sa che al gestor deve fisciarghe le recie dì e not! Passà su el nevaio arrivém alla bocca de Brenta per le 9 e 30 e qi na bona pausa de vinti minuti la ghe stà tutta. Po', quando sém lì per ripartir... diaolopo'... l'attaco endèlo? Azz.. zò de volta per 50 metri... evabbè... saltà dò sassi e ne enfilém subit rento en basso passaggio atrezzà, quindi, arrivai sula streta zengia ormai 80 metri de altezza sul vallom, finiss zà el cordim: diaolopo'! Quando la se strenza massa (passaggio su dò assotti con 150metri de nient sotto el cul), comunque, i cordini i torna bem! 20 minuti a cordini alternai, passém su dò scalette e eccone davanti el Campanil Basso, co la zent en cordata che ciama corda e se pesta adoss... ne calém sul versante opposto del campanil e ntant ne ciapa anca le nebbie.... risalì en canalòm de primo grado, encrosém dò coppie de veci ancor sgarrie dalla discesa de sto rampom: eheh... senza nessun cordin, i g'ha mess n'ora e mezza a smontar... beh, dai... en ten quart d'ora noi sem ben enzima! Girà via drio la cengia arriva adess la parte pù bella dele bochette el passaggio en te n'anfiteatro tutt su cengia (pecà per le nebbie.. diaolopò!) e dopo en par de colpi de testa col casco sem prest fora. El ritmo de progressiom, l'è ottimo, anca ancoi tant per cambiar, no n'ha passà nessuni, sol el vecio col fiol che evem ncrosà alla bocca de Brenta i ne tegn botta. Smontem en par de scalette, quindi, ancor longa traversata su cenge pù attrezzae, e su de nof a ciapar quota. Eh eh... a dir el vera ste bocchette me le ricordevo pù corte! Altra risalita su scalette, altra traversata de cengia e.. ehehhe... adess ghe sém dal bom! Scominzia la serie de 4 longhe scale che ne fa perder 50 metri e ne cala for dalla ferrata sul nevaio (resti de vedretta) sora l'Alimonta. E da qi, co la zent che per paura de slipegar va zò a pass de lumaca, tolta for la picca mi e i bacheti l'Antò, scominziém la gara en velocità che en ten dese minuti ne fionda en la piana e quindi al rifugio Alimonta. L'è prest le una e allor en bom piatt de pasta e na bona birraccia media nol ne la cava nessuni. Magnà con calma, vist che n po' de sol el se rifà vif tra le nuvole, e vist l'abbiocco per la levada bonoriva della mattina, ne trém sui lastroni davanti al rifugio per 'na polsada e... se se ndromenza propri de gusto per n'ora secca! Po', vegno sveglià for dala ronchezada da paura che è drio a far l'Antò, e che me digo, anca la zent sentada lì de fianc sulle banchete la gh'eva le recie strache a sentirlo! Diaolopo'... l'è prest le 3 e allor... besogn ripartir co la gara de corsa en montagna! 40 minuti per el Brentei, e quando incrosém de nof i dò veci tiramenae della mattina, riciapem ancor pù velocità e en altri 40 minuti sem al Casinei, quindi, tolta pù dolza en altri vinti sém a Valesinella a molar for i scarponi che no l'è ancor le 5. Beh, va, sem stai propri bravi... ehehe... se te vai a lezer le guide turistiche i te faria star qi tre dì, e noi en 7 ore e 55 de caminada avém fat tutt! Foto comprese!




Passém de bonora el rif. Casinei e ne eviém su a passo svelto ver el Brentei, con di fronte la Tosa e l bel canalone Neri...


...quindi, passà la ciesatta del Brentei, puntém alla bocca de Brenta (la forcella enfont al vallom)


Per saltar en forcella se passa for na conca de nef: senza tanti ramponi se la passa su en scarpe da ginnastica!


Berg Heil! E adess finalmente se pol trar su i imbraghi e tacar la ferrata! mmm... ma ... endela??


..e sarà meio trovarlo en fretta prima che ne ciapa le nebbie che è drio a vegnir su dala val (direziom rifugio Pedrotti)!


..eheh... per la massa voia de nar,evem saltà l'attacco che l'era 50 metri sotto la bocca de Brenta sulla sinistra (a salir)! ..e allor, smontai de nof sul nevaio, ne trèm vers le cadéne.


Subit ne enfilém sulla stretta cengia: e bassa!! Eh,eh... el caschett l'è consiglià non tant per i sassi che casca, ma per le testae che se darìa ale roccie!


En ten punto la cengia no la gh'è neanca, e allor se passa via su assotti postai sul nient...


...e finalmente eccol el Campanil Basso!!!


..che aggirém drio smontando per scalette...quindi, altro rampon non protetto e...


...continuém la longa traversata su cengia...


..fin al bellissimo anfiteatro... che passém for...


...a testa bassa..


...altra scaletta, cengia, rampa, cengia, scaletta e...


...e eccone a smontar dai 50 metri per le quattro scale finali, diretti sul nevaio sotto...


..e en velocità, en ten blitz, sém al rifugio alimonta per na bona bevua... magnada...


..e polsada! Ahahaha... Kepo!!! Leva!!! Dai che gh'è da nar en val!!



Ste pagine l'e' stae cargade volte da visitatori dal 3 de agost 2005