SCIALPINISTICA Costabella -M.Baldo(I) del 12/03/2010

Ancoi sfruttando na giornada de sciopero, e vist che la polver l'è arivada sol vers sud, organizzém na sciada oltreconfine: nem a risalir el versante sud dela cadena del Baldo... Ancoi sem mi, l´Andrea, el Davide, l´Albert e l´Alan (en so socio). Partidi alle 7 da Roveredo, dopo na pausa colaziom sotto Malcesine, ciapém l'erta stradèla che se mponta su per el Baldo e la ne porta sora al lac de Garda fim ai 1000 metri de quota del paess de Prada. Qi sem zà en terra straniera, ma el sciopero ancoi no i lo fa sol i trentini, e difatti no sem i soli al parcheggio... Ne enviem su na spolverada de 10 schéi, a ben vardar la pensem bem dura riusir a tornar fim qi coi assotti vista la poca nef: vederem! Se la mponta dritta dritta sotto la vecia seggiovia che zeta su zeta la taia su per el bosc. G'avém demò mili metri de dislivel, no servirìa tirarse el col, enveze l'andazo par propri quel: no gh'è temp gh'è da nar! Prima davanti l'Alberto, po' l Davide, se tegn sempre en pass spedì e n ten vinti minuti passém zà en campo aperto sui dossoni che punta al rifugio che se vede en alt. 2 minuti ne i tolém giust el temp de bagnarse el bèc, quindi, via de nof! Traversòm vers sinistra quindi dritti a puntar el prim rifugét de gresta, quindi vers sinistra ciapém la dorsalona che ne porta subit al Rifugio CAI (serà). El temp no l'è propri bel (ehhe... te paréva se a nar en Italia no trovevém nebia anca en montagna!), quindi giust n'altro gòz de acqua e via de bala! El rifugio l'è propri sotto la zima e difatti ancor 5 minuti de fadiga e.. berg Heil! Zò le pèl e, basta molarla! L toc de dorsale el fém tra polver e sventà, po', smontai sotto el rifugiét, super Pulver! Su fondo duro! Special propri! Stém ovviamente all'ocio a desmontar en la parte pù erta dato che 25 schei de polverom che posta sul giàz no i è mai massa stabili, ma po', persi quei 200metri e passai al sicur sotto le nebbie, l'è na serpentina drio l'altra. Propri bel! Tornai al bosc endò che salta su la seggiovia de partenza, vist che no par esserghe massa nef, tolém la forestale vers destra e... scelta azzeccattissima: arrivém en te n'attimo sci ai pei al parcheggio senza toccar sass! Alle 11 e 40, cargà i assotti en macchina resta el pensier del taglier alla locanda en paess: beh, dai quazò no i g'avrà el speck, ma... la radler chissà endò i l'ha trovada! E quindi na bona magnada de affettati misti e sém pronti per saltar en macchina e tornar en WelschTirol. Ah... le stelle della locanda (l'unica) trovada davèrta a Prada? mmm... 1 rosegada: d'altronde, ok per l taglier anca se car come l'oro, gnocca no se n'è vist e la radler... eh eh... quella la salva tutt: l'è la nossa!!! ...aus Österreich!




Se parte subit spediti sotto el vecio impianto su per el bosc...


..en vinti minuti a manetta se salta za´ for en campo aperto e se vede en lontananza sia el rifugio che la zima.


En goz de sali minerali de resta e...


...via be bala con en travers a taiar sotto el rifugio...


...e qi finalmente al rifugio ne tolem en par de minuti per bagnarne l´ugola...


...quindi ultimi 5 minuti per dorsalom e...


..Berg Heil! E adess... schivando le nebbie sotto... gh´e´ propri en polverom da leccarse i baffi! Gh´e´ da nar!



Ste pagine l'e' stae cargade volte da visitatori dal 3 de agost 2005