SCIALPINISTICA Cornetto di Folgaria del 21/02/2010
Meteo fantastico, fiocada da foc... gh'è da nar! Ma endove col rischio 4? Estra ancoi som da sol, pero... Eh eh... el Cornett de Folgaria l'è nà garanzia: anca se vago su da sol de sicur ghe sarà su qualcheduni a tirarme for dale straze!
E così, levà per le 8, cargà i assotti en macchina, me fiondo en val a far colaziom e per le 9 dopo mezora de coa a starghe drio ai camper e pulman dei 'taliani che vem su, finalmente arrivo al parcheggio del Cheizel de Costa. Ancoi l'è la prima vera scialpinistica fuoripista che fago dall'operaziom: dovrìa bem star tranquil n'altro mess... ma ho spetà anca massa: tanto sciar l'è come caminar, basta star all'ocio a no rugolar. Per far le robe per bem fago la salita coi doppiapunta (che i pesa el doppi dei Hagan da gara, ma i galleggia na favola) e me togo drio anca el tutor de neoprene da trar su en te le discese. El parcheggio l'è zà piem per tre quarti... zò i assotti e via! Sul toc de pista che va su en tel bosc all'ex rifugio en passo 3, quindi giust for dal bosc (en quart d'ora), l'è massa calt: maneghe corte e via a testa bassa: soliti 20 minuti per passar el doppio, girar a sinistra e traversar el bosc, quindi su ancor fim al skilift, e via a destra fim ala nova cross de vetta: Berg Heil! E qi entant che cavo le pél e me preparo alla prima discesa fuoripista dell'an me riconoss en par de putèi taliani: ne aprofitto per far 4 ciacere e i me diss che ancoi oltreconfim (diaolopo'... no ho miga capì se i era de Asiago, Bassan o ndove) ancoi gh'era nà nebbia che se la taieva con en cortel. Zò le pèl e... via! El prim toc de discesa, dura pressada dal vent, l'è na pista, po' buona sulla discesa fim alla forestale bassa e tornà sui praoni, scio fim all'ex rifugio tegnindome al solif: avendo zà laorà en poc el sol, el permette de far qualche bel scodinzolo. Tornà all'ex rifugio vardo l'oroloi: l'è demò le 10 e 1/2... besogn ripelàr, no gh'è santi! Entant encroso anca en vecio colega/tutina che parlando de laoro el me compagna fim enzima al doppio tirandome el col per bem, quindi arrivà al travers en tel bosc, el lasso nar al so ritmo e la ciapo pù dolza: skilift e cross... De nof Berg Heil! E qi beco anca el Ciano: eh eh... ancoi sem propri tanti qi, ma d'altronde, la scelta l'è staa azzecada! Zò de nof e sto colp la parte bassa della discesa fim al rifugio la nef la pesa assà, pò enveze, essendo en tel bosc all'ombra, se torna sul battù e n te n'attimo som drio a cargar i assòtti en la Polo: bel, bel, bel!
Se la mponta dritta su per la vecia pista rossa "Cima 3" |
|
|
Alé Kepo! Su de bona lena che te g'hai da recuperar l'allenamento!!! |
Taià for el bosc se scavéza via vers la zima e... |
|
|
Berg Heil! (e qi ero en compagnia dei do 'taliani trovai en vetta... ma dai... se le origini le e' trentine, en pista gh'è posto per tutti!) |
La cross de vetta subit sotto la gresta, e drio el passo Borcola se vede zo' l'Italia e l nebiom |
|
|
Col sol che gh'è qi, eveze, l cose la grosta a puntino e se riese a far anca na bona sciada! |
..e allor.. no se pol no ripellar e tornar a far n'altro giro! gh'è da nar! |
|
Ste pagine l'e' stae cargade volte da visitatori dal 3 de agost 2005