ESCURSIONISTICA Sottoguda (I) del 14/02/2010

Passà en sabo tranquil a laorar a cà de Trembelem, la domenega me lancia la proposta el Davide de far en girèt co la Laura oltreconfine, a veder i serrài de Sottoguda per el sentér che salta su dal bellunés vers Malga Ciapèla: sarà almen 500 metri de dislivèl, penso mi, e allor, dai, anca se l girét l'è propri cort, giust per la curiosità de veder 'sti famosi serrai: gh'è da nar! Ne trovém ale 8 al Zuffal Park de Trent, quindi co la vecia Polo, dopo na pausa colaziom a Vigo de Fassa, passém for Canazei, el passo Fedaia e per le 10 e 1/4 arrivém a Sottoguda. L'è en frét che me salta via le man, subit manopoloni de lana e via per la forestale che parte subit dal centro paess e la se enfila dentro sti serrài. I serrài l'è demò na profonda forra (de 40-100m) scavada dal torrente Pettorina ale pareti piena de cascate de giàz, e.... freddissima! Le ciaspole no le serve, e sarìa stà na bela idea aver tolt su i asotti, ma vist el pòc dislivel, ancoi se va a pè. Salta for subit na bela serie de cascate sulla sinistra, po' gh'è la cascata del sole a destra (l'unica che me digo ciapa en po' de sol en tuta la val), po' ancor na colata per scominziar a sinistra endò gh'è su almen 4 cordate a spicozzar. Quindi tra en cartel de divieto e l'altro (mah... qi i soldi i li spende a meter for cartei de divieto e impianti de videosorveglianza... for per i boschi!) passém en bel grottòm, e quindi la famosa cascata Excalibur. Avanti dritti per la forra e en dese minuti, affinacada dal bass la galleria doprada per vegnir zo' en macchina, saltém for a Malga Ciapèla: diaolopò che corta! L'è ancor le 11 e 40! Sarà stà si e no dosento metri de dislivèl! Bel, ma propri pochi! Sa far, en girèt en Marmolada? Meio de no, vist che alla funivia i ne domanda 22 Euro per ticket! E allor, torném de volta alla macchina e ne fiondém a magnar en bom piatt de Schlutzkrapfen sora Canazei...




Se se addentra en tei serrai co la strada che passa sora la testa (ocio al pont).


A sinistra se passa davanti a na grotta piena de colae de giaz: propri bela!


...e a destra se passa sotto la cascata del sole: l'unica che ciapà en po' de lustro en te 'sta val fredda!


Drio al Kepo, la cascada pù famosa: Excalibur: bela, ma col fret che l'è ancoi, ghe n'ho assà a tegnir en man i bacheti da trek!



Ste pagine l'e' stae cargade volte da visitatori dal 3 de agost 2005