ALPINISTICA traversata Hohe Munde (A) del 19/09/2009

Quando se se fa ciapàr la man dai scarponi, e en girét de tré ore el deventa 'na traversata da dése...

L'idea de base l'era en bel 3000 en zona dell'Otles, ma vist el meteo non perfetto a sud dele alpi... quala scusa migliore per far la zima de casa? E quindi ale 5 e 1/2 me trovo col Stefano e ne enviem su per Innsbruck e proseguim oltre per na vintina de minuti (dopo la solita pausa colaziom e pieno de metano a Zirl) fim a Moos in Leutaschtal. La destinaziom de ancoi l'è l'Hohe Munde: en bel zimon che sovrasta l'Inntall per 2000 metri: e difatti anca en bom poggiolo per trarse col parapendio... Seguendo quindi le indicaziom per el rifugio, arivem en macchina enzima al paess endo' che parte la funivia dismessa dei veci impianti da sci, e ndo che parte el senter/forestale per el rifugio (600m sora). Trati su i scarponi per le 8 e 1/4 ne enviem su de bala e l'e' subit na pontera: beh... meio così, magnar dislivèl! passém en par de gruppi todeschi e en te n'attimo, raggiungém subit sotto el rifugio na coppietta tirolese che passém agevolmente...sém zà al rifugio en neanca n'ora... bene, bene: vist che en tutt ne speta si' e no 1600m, ormai en manca zà men de mili, e soprattutto... empontandola dritta come fa el sentér, par veramente na roba veloce. Quando digo che se la mponta dritta, entendo propri erta! e saltai for dai mughi, dopo na pausa cioccolato e sgnappetta, se gira sulla destra (vist che el vecio sentér che proseguiva sempre sul fianc parallelo all'Inntal l'è serà per riscio caduta sassi) e se la mponta dritta dal versante Nord/est, sto colp al cospetto del ZugSpitze (la pù alta zima de Germania) che el salta for propri enfont alla val... Altra pontèra e a 3 ore dala partenza sém zà al BergHeil per la zima est: ma la zima vera l'e' quela a ovest: gh'è da nar! E allor, fati giusto 5 minuti de pausa smontém 50 metri oltre la zima e en recuperém altri 150..e adess el BergHeil l'è propri quel de vetta! Arriva entant comitive de tedeschi e austriaci da tutti e do' i versanti: noi avém fatt el pu' fazile, ma continuando ancor oltra (en direziom ovest) gh'e' na bella ferrata che salta su diretta dalla val: diaolopo'... sarìa spetacolare per noi far el giro ad anèl, ma l'imbrago l'ho lassà a cà (eheh... coi traslochi che sòm drio a far en tel nof Kepo Hutte, la mattina a far el zaino nol salteva pù for!). Beh, dai... I nuvoloni i è ancor drio le alpi de Stubai: g'avém tutt el temp de provar, e se par difizile girar i tacchi e tornar dala stessa! E così sia! Ne enviém for per la gresta e co na serie de cordini ne calém en 'na gola che ne porta a en travèrs tutt attrezzà: la zent encontrada a saltar su, parlandone dela facilità del tòc attrezzà (i parla de 30 minuti tranquilli e che se fa anca senza imbrago) i ne fa ben sperar... Saltém su per en camin con en par de pioli, e de nof Bergheil! Qi sem sulla terza zima dell'Hohe Munde (ciamada Niedere Munde)... quela ovest. Da qi, per gresta de primo/secondo grado (max!), dovém smontar (ancor vers ovest) en direziòm della forcella. El prim tòc su roccia sòm sempre mi a esser cauto (el Stefano nol posta neanca zò le man), po' passo davanti e se pol molarla... Ma bei spediti arriva anca en gruppo de 3 alpinisti de vecio stamp de Telfs, e ne aprofittém (beh, dai, almen mi... vist che l todésc son mi a parlarlo!) per far quatro ciacere dele nose montagne trentine tirolesi (lori i è partidi stamattina da casa a pe'... quindi con en bel dislivell de oltre 2000m sule gambe). Arivai al passo, 400 metri soto la zima, i senteri i se divide: lori i ciapa a sinistra vers l'Inntal, noi vers destra vers la Gaistal. Finalmente se la smette de nar vers ovest: ancor en poc e finim a Erwald (el paess al confim co la Germania da endò che se parte per far el ZugSpitze da sud), ma la discesa l'è longa eterna: qi l'è propri el caso de molarla! E evità na strada (non segnada e sicuramente sbagliada) che ne envoglieva a tornar vers est (diaolopo' .. quanti Km che ne spetta!!!), smontém fim enfont alla Gaistal e traversà el rì, risalìm pochi metri per na meritata pausa Radler media (e Holunder) al prim Gasthof: l'è le 3 e 1/2... i beveraggi i e' finidi da n pèz! Ne fermém demò vinti minuti e po', via de balla en direziom est per ritraversar sotto tutte le zime fatte en giornada: n'ora comoda per traversar for tutta la val e diaolokan... per tornar alla macchina, finia la traversata, dovém ricosteggiàr la montagna vers destra... e senza sentéri segnalai! El Stefano ormai l'è sclerà e stuf de caminar, dela serie: "quando el sol el tramonta i aseni i se emponta", ma... gh'è da nar! E allor trovà na coppietta de veciòti lòcal, me fao spiegar per filo e per segno come tornar al parcheggio della vecia funivia (endo' gh'è la Polo). Beh: "secondo ponte a sinistra fino al capitèl, poi a destra, poi avanti fino al campo di tiro con l'arco, quindi a destra e finalmente gh'è el sentér co le indicaziom!"... come averonte fat a capìr en todèsc tutta stà roba? L'è nada bem! E per le 6 men dese sém alla macchina a cavar i scarponi. Pausa autogrill en vàl e stimaa la solita ora e 58 minuti per Trembelém, avviso me mama che se la g'ha voia de farme da zena (vist che arivo per le 8 e 1/4, e no g'ho passiom de metterme a spadellar canederli e lavar zò padèle..)... no me spiaseria nar a magnar en casa vecia...




Parcheggià la Polo al cospetto del nos prim obiettivo: l'Hohe Munde (Ost Gipfel)


Se ciapa subit quota sora la Leutaschtal


En neanca n'ora i primi 600m de dislivel i è magnai: zà en vista del Rauth Huette.


Ultime curve su per i mughi (400metri sora el rifugio)


E la mpontem dritta su per le roste


I paravalanghe sora Telfs (Inntal) i fa ben render cont dela pendenza.


Berg Heil, dala zima orientale: ma la zima vera l'è quela drio! ...e allor.. gh'è da nar!


Smontém 50 metri e n saltém su altri 100...


Questa l'è la zima principale: e difatti gh'è la GipfelKreuz! Berg Heil!


...ma la voia de traversata, la ne fa continuar oltra... ancor vers ovest!


E qi el Kepo el traversa for bass (200 metri sotto la zima) per sentér attrezzà...


Quindi con en par de pioli, se se rampega su per el camin coi cordini


E finalmente scavalchém anca el Niedere Munde (la zima occidentale), quindi adess puntém (sempre vers ovest al passo davanti a noi..


...endo che è restà i reperti Maya...


..o forse erelo i Unni? mmm... gh'è scritt Attila sora alla faccia... A parte le monae... sullo sfondo risalta el ZugSpitze, la zima pù alta dela Germania. E noi adess dovem molarne zò propri en tel fondoval sotto: la Gaistal


E finalmente da qi, traversà el rì, invertìm la rotta e torném vers est... vers la Polo!


Pausa radler alla Gaistalalm (ormai la gola l'è secca... e le borracce vode!!!)


E avanti per almen 10Km for dala val!


Co la piramide de Cheope, se segna la fim dela nosa gita culturale... e anca la fin dela GaisTal, ora scavezando vers destra, en ten tre quarti d'ora podém arivar alla macchina: che girom!



Ste pagine l'e' stae cargade volte da visitatori dal 3 de agost 2005