ALPINISTICA Cima della Neve e Carega del 18/06/2009

Co la rumba del gieri per la nasita del nevodo, l'era doveroso trovar en modo de smaltir... e allor sa gh'è de meio de en bel girét en montagna?! I soci del paes i eva zà organizzà el giro del Carega, e co le previsiom meteo speciali, no podo tirarme endrio: gh'è da nar! Telefonà quindi engual not al capo per tastar el terrem per na giornada de ferie improvvisata (tanto, no avendo ancor fat el piano ferie, no ghe spiass miga se ghe roségo zò en dì!), stappo n'altra birra (cfr. relazion Bozen del gieri) e me organizzo per partir dal piazzal de centro paess alle 7. Sveglia alle 6... testa pesante, e ... el vecio che subit mete su en par de caffè (eh... l'ha fat en po' massa rumba anca elo stanot); quindi, trate en tel zaino 2 ciòpe congelae, na borraccia e na busta de Speck, me envio (con drio anca na bòza a testa de Forst per el Prost de vetta, zà che l rifugio l'è serà): eh eh... ancoi guida el Togni e co l'occasiom fém anca el TestDrive della so nova GrandePunto a metano: vedém se la và su, cargada con noi 4, su per le pontère de Ala en val dei Ronchi! Na pizzetta veloce en panificio tolta dal'Herman per sugar el stoméc dala birra dela not e per le 8 e 1/4 sem a Ronchi de Ala en località Motori, a trar su i zaini sula schéna e enviarne su per el sentér 109 vers Cima Levante... I dà la salita al Carega a 5ore e 20... vedém se sem pù bravi! Costeggià da sinistra la montagna e passà sora na vecia cava, el sentér el se emponta su per el bosc... e che ert! Tutti en religioso silenzio per la fadiga: anca el Dalai Togni, ancoi vestì da monaco buddista. L'Herman el stà en le retrovie, perché se l parte, no riusìm pù a fermarlo, el Kenny el sèra la coa, e l Kepo... Kepofila! N'ora e vinti de fadiga e saltém sulla dorsale che ne separa dala Val de Gat, quindi dopo na ciuciàda alle borraccie sentai su en par de banchete (con cosa l'averai portae su a 1700metri?), ne enviem vers destra fim ai 1900 della capanna Sinèl. Da qi se traversa prai e arrivai a circa 2050m, entrém en la conca che porta alla bocchetta della Neve... diaolopò! L'è ancor carga de nef! E senza picche nè ramponi, el travers su nef giazada no se pol propri farlo. Studiém la situaziom en quart d'ora, quindi... trovato! Ne calém en font alla valletta, e da lì empontandola dritta tra dò canai carghi de nef, rampegando su per la direttissima arrivém su cima della Neve: Berg Heil! Anca perchè a vardar via el carega, ne speta altri 4 bei tochi de nevai... e sinceramente, no penso se poda riusir a scaverzarghe entorno. E allor entant magném na ciopa, polsem vinti minuti e... sul Carega, se vede via en par de taliani: allor de sicur, na volta là doveresém riusir a smontar en val, anca perchè el Kenny nol vol saerghém de smontar en disarrampicata dalla stessa via de salita per sta zima. Gh'è da provarla: ne calém tra mughe sul sentér, e i primi 2 nevai i saltém for agevolmente da sinistra, po', endo che l sentér el fa le do zete carghe de nef... gh'è da provar: do sassi en man da empiantarli a mo de picca e en ten blitz sem su. E adess ne spetta l'ultim travers prima del rifugio: el pù lonc, ma per fortuna, col calt del sol, la nef qi l'è pù morbida e se riese a pasarlo for agevolmente. Diretti enzima e Berg Heil! Adess finalmente podém magnar for tutt e beverne la boza de birra che tutti ne sem portai dal fondoval! Fém quattro ciacere con uno saltà su dal Veneto che l ne diss che noi trentini sém tutti matti a guidar su per le strade de montagna: ma d'altronde, quando saém che l'unico trentim che l'ha conossù l'era el Saverio... eh eh.... come darghe tort??! En par de telefonae veloci a diriger i lavori en azienda zò per Trént e l'è prest le una e meza: gh'è da nar! Desmontem en tel nevaio "sciando" co le scarpe, zo per el versante veronese, quindi, dopo na bella ora e vinti de discesa arrivém finalmente al passo Pertica, endo che essendo davèrt no podém zerto rinunciar a na bona radler media! Da qi, ritornem en Trentim sfruttando l famos sentér dei contrabbandieri (quando fim pochi ani fa sel dopreva per vender le nose merci ai taliani (eh eh... el bon Muller Thurgau!) aggirando la dogana de Borghett.). L'è lonc eterno! El prim toc el ne sbara en val, fim ai 900 metri, po' se risale de 50, po' calem a 800m, po' guadagném altri 50, po' zò fim ai 700, e quindi, finalmente su ai 870 del parcheggio! L'è fatta! Gran bel giro e... soprattutto lonc! Na slavazada al muss, e saltai en macchina per le 5 e 3/4 sém de volta a Trembelem: sarà anca zobia, dì de allenamento, ma sto colp, dragonboat el salto!




Parcheggià la macchina sora Ala - Ronchi e subit... gh'è da nar!


...el sentér el se emponta subìt...n'ora a testa bassa e...


...eccone sulla dorsale alle banchette!


..adess passà la capanna Sinél, continuém en vista della bocchetta della neve..


Dalai Togni e Herman, all'uscita del prim vajo dal versante vallarsèr... diaolopò el sentér davanti a noi l'è bloccà dalla nef..


Dai Kepo!!! Dovém trovar na soluziòm!


..e così calai 70 metri sotto el sentér riusìm a saltar for la prima lengua de nef...ma davanti l'è ancor pèzo!!!


..e allor ne tocca empontarla dritta fim enzima...


..alla gresta: ancor dò passi e ....


Berg Heil! Cima della Neve.


Smontai sull'altro versante, davanti i nevai i è ancor pù grandi...


..ma la néf l'è bella cotta dal sol: tegn bém anca le scarpe da ginnastica!


Berg Heil! ...und PROST!


E adess basta molarla zò per i nevai che smonta en tel veronés...


..quindi passà el passo Pertica, se perde quota e... l'è looongaaaa!!


Dai che ormai ghe sém! Guadém el rì e ne manca demò i ultimi zento metri de salita per tornar alla machina.



Ste pagine l'e' stae cargade volte da visitatori dal 3 de agost 2005