Willkommen Thomas!!! Bozen del 17/06/2009

Eh... ormai l'era maùr... e tutte le date che evém piazzà en casa come scommessa le era ormai alle spalle (e l'era quasi meio, vist che chi vinzeva... pagheva la zena!): gh'è da nar... al mondo! E così entant che me tiro a um la matina alle 7 e 1/2 per nar a laorar, 'riva la telefonada a cà de me fradèl: l'è nat! Eh eh... zio kan.. anzi... zio Kepo!!! Eh eh... per no farme tort el parto i l'eva zà accordà da en pèz en pieno Südtirol, ma saendo le do false partenze del gieri (che i s'era girai a Neumarkt/Auer perchè no ghe pareva ancor temp), no me spetevo zerto de svegliarme zio! E adess allor s'è de rumba! Quindi, prima de tacar le 8 ore de sudor e sangue a laorar, arrivo demò a mandarghe l'SMS ai soci del paess: "Bozen ore 6:46. GUTEN MORGEN THOMAS! WILLKOMMEN!!! El pesa 3 kili e mèz e de lat no gh'èn manca ;-) ! alles gut mit mama papi e popo... spetém info per el Prost!" ....e de zerto de congratulaziom n'è arivae tante... ma no se pol star zerto a Trembelem co le man en man... gh'è da nar su a trovarlo! e quindi è bastà dò telefonae a cà e a me fradél e prest s'è organizzà: alle 5 me fradél el torna su dala so dona portando su i mei, mi quindi i raggiungo su dopogiornada e i riportero' a cà. No l'è che abbia mai frequentà l'ospedal de Bolzam, ma senza domandar nient a nessuni (né endo devo nar, né el reparto, né la stanza) en te n'atimo arrivo su ancor prima dei mei! Eh,eh! Ecco el nevodo! Ecco l'Erede! Bel, piccol, zà piém de cavei, e la mamma zà tutta bela rilassada e zà en pè a girar envanti e ndrio per i reparti! En te n'attimo arriva tutta la famiglia e i 4 nonni i se sbrega el Thomas for dale man... mi ghe sto ben alla larga: picol come che l'è vem paura de roterlo a torlo en braz! Stém lì a ciacere fin le 6, quindi, gh'è da decider el brindisi: zac e tac...stasera alle 9 e 20! Porto zò i mei a cà (col vecio che el me ziga en le recie tutt el viàz quando passo i 130Km/h co la me bona vecia Polo) e mando l'SMS de convocaziom al volo ai paesani. Giust el temp de spetar che torna a cà anca me fradèl, en boccom a strangolom per zena, e... via alla Rumba! Weissen, Forst e MüllerThrugau: basta bever! Se empieniss i taoli e man man, tra quei che va e quei che vem, le birre le va zò come la bruma al sol. Alla quarta birretta, i soci del paess i me diss che doman i va a camminar sul Carega: ma come? Senza de mi? Na... gh'è da nar! Almen g'ho la scusa de smaltir le birrette che trao zò stasera! E quindi tolt en man el cellulare, tiro zò el capo dalla bici e fisso al volo na giornada de ferie per doman! Birre su birre e tra soci del paess e cosìni, e el vecio el monopolizza la discussiom... e le birre: zerto che nessuni è da men! I soci che vem a camminar doman i taia la corda vers le ondese, ma entant ariva anca l Cristian, el Loris e el Ladro: e allor... ancor Prost! Quando l´è mezanòt, som carburà a manetta, ma se no vago a trar zò i ossi, doman mattina la vedo dura levàr a prepararme el zaino alle 6.... e allor, taio la corda! Gute Nacht zum alles! Bis nächste mal! Me fradèl enveze, l'è el festeggià e anca se la not passada no l'ha dormì nol pol zerto abbandonar prima! E l me vecio... de sicur, finchè se pol brindar nol se tira endrio, quindi la rumba l'è nada envanti fim alle 2!




El me vecio... tutt content con zà en bràz me nevodo! Eh eh... l'è en Sudtirolese DOC! Eh eh...Adess en patria, oltre per le firme per la cittadinanza al zio Kepo, ghe tocherà narghe anca per tor i pannolini ;) ehehe! Ogni scusa l'è bona: basta nar!


...e allor, tornai a Trembelem, gh'è da brindarghe sora!!


...ma brindar... TANT!


La mattina dopo... i morti sul taol... UHUH!!! Anzi .... vardé bem! E' vanzà 4 bozzette giuste giuste da trar en tel zaino e portar en montagna! (som drio a partir coi paesani per el Carega: cfr relazione successiva)



Ste pagine l'e' stae cargade volte da visitatori dal 3 de agost 2005