DAVIDE&LAURA ALL'ALTAR Riva del Garda, Cavedine, Comano del 20/09/2008
En cantier come sempre gh'è da laorar, ma per na volta som giustificà! Ancoi se sposa el Davide e la Laura.... gh'è da nar! El problema pù gross sarà riusir a tornar a cà a fine festa, vist che som en macchina e de zerto a brindisi no me tegnirò endrio... ma per fortuna, par che i mei i sia enfim disposti a vegnir a raccattar mi e macchina, se no finisso massa tardi!
Me tiro en ghingherli come non mai e per le 9 e meza, raccattà anca l'Andrea sem a Riva del Garda a cà del Davide a far l saluto prima che l vaga sul'altar. Gh'è zà el spos tirà a lustro da matrimoni, i soi, e i parenti del Süd e NordTirol... eh eh... ancoi me sento a cà! Se parla todesc! Entant ariva anca el Fabio, la Claudia el Daniel e fat n'aperitivo (analcolico entant... che gh'è da guidar!) e tacà su i fiocchi sule macchine, l'è prest ora de trarse vers Cavedine, endo che ale 11 gh'è la messa (e anca la sposa). Parte così el carosel de macchine (che bel... tute targae BZ o IL -Innsbruck Land- e la mia... co lo stemma talian che g'ho cavà da n pèz... lasandoghe semplicemente.... Tirol) e per evitar de perderse per strada, se va piam, se passa col ross e... se se perde istess! Alle 11 men en quart sem fermi per strada col spos che se zerca de rintracciar i parenti dispersi zo per la val dei Laghi. Manca dese e finalmente ghe sem! Ma la sposa ela zà lì??? No, no, l'era en scherz! L'era sol en paesan vestì col vel! Ma ale 11 la sposa la ariva per davera... che figurim!! Ne trém rento en ciesa per la funziom e tuta la messa la va benom: e d'altronde.... al gieri i e' stai chi fim le 11 de sera a far le prove generali! For da messa, trat el riso, oltre a averghe emballà el macchinom, i g'ha disegnà el percorso da sci che i do sposi i g'ha da far prima da saltar en macchina: ma en doi ligai ai pei sui stessi sci i g'ha da tribolar en bel poc... sopratuto la sposa coi tacchi! Saltai en macchina ormai ale 1, la prosima destinaziom l'è le Terme de Coman endo che gh'è l disnar. Strombazzando l carosel el fa for mezi paesoti dela val e per n'attimo no capisso pù endo che sem drio a nar. Fate le galerie sora le Sarche, al piazzalom sula destra, ne fermen per l'ultima sega... e quando so zia austriaca la me domanda sa vol dir e che senso g'ha, eh, eh.... no me ricordevo pù che basteva dir "letze Wichse"... ma m'è saltà en ment direttamente el verbo con cui la se conclude e... la s'è messa a rider... la deve aver capì! Arivai al Grand Hotel Terme (diaolopo'! Che reggia! En quattro stelle superior!) l'è le 2 passae e sem famai come i luzi... subit banchét al'averta come aperitivo! Po', dopo aver fat content el fotografo (l'è propri sbalinà, ma propri giust... tra mili cazae el riese sempre a far far le pose che l vol elo!) l'è ora de sentarse zò e i soi del Davide sul'us i ne fa veder la mappa: eh eh.... i ha fat la piantina della sala e ogni taol l'è rimappà col fior a centro taola (sol mi evo capì che dovevo zercar el color rosa-fucsia... cioè na tovaia de color rosa che trà al fucsia e non la rosa centrotaola de color fucsia!!! Eh,eh... infatti vedendo tute le tovaie bianche m'ero vist spiazzà!). Som al taol co l'Andrea e i cosini del Davide da Brixen e le so done... ensoma ancoi el taliam no gh'è propri da parlarlo! Daverzem el papiro che gh'è postà sul piatt e salta for el menù: che magnada che ne speta!!! tre primi, tre secondi, tre dolzi e.... tre boni gozi de vim a testa, ovviamente! E no perdém temp a farghe veder el font ale boze, ovviamente invertendo i bicieri (grandi per el vim, picoi per l'acqua). Anca de posate entorno al piatt ghe n'è na val... e cosi' tra na porziom e l'altra, mparando l'ordine con cui se le dopra, e anca come besogn lasarle sul piatt quando se ha finì (diaolopo', gh'è en linguaggio anca per questo!!!!) emparo anca en bel po' de galateo.... che zerto mal no me fa vist che a taola tra "Prost", magnar co le man o i pironi scambiai e cortèl tegnù a pugnàl, de solit (non ancoi!), som propri terra-terra! Dopo en par de brindisi anca coi sposi, la Claudia, el Fabio, el Daniel, nem for coi cosini de taolada a ciapar en fià de aria... le portate le arriva una drio l'altra e... mi rieso demò a saltar sol l secont de pés. I sposi entant i è for per el parco a far foto e qi le portate, dopo el sorbett le riparte!
Provo cosi' a domandar ai soci del paess dela Laura na man per cantarghe na canzom ai sposi che ho trat zo' la not pasada dopo en par de sgnapete (sul'aria de "Wenn nicht Jetzt, Wann dann", che l'è po' la canzom de sottofondo alla videointro de sto sito)... el problema l'è che esendo todesca no i la conoss... e co le strofe en dialét e l ritornèl en todesc no l'è na monada! Beh, l'Andrea (che po' e' vegnu' for che l g'ha anca el patentim de todesc!) el la sa benom, po', anca se subit no i me lo diss, anca i cosini de Brixen, ma de zerto no i sa l dialett....come far alora? E alor el Fabio el lancia l'idea de veder se l pol cantarla el fradel del spos (l'è en cantante e l sa anca l todesc!) sol che senza sparti' no se pol mparar al volo na canzom... ma na volta fata scoltar la canzom a elo e la so manager, vist che i me diss che l'è propri bela, i me convinze a cantarla da sol! Tornà i sposi dale foto, l'è la volta dei zughi e tra interviste doppie, indovinei ai amizi/parenti su chi meio conoss i sposi, e ai sposi per veder se i se conoss demo' lori... l pomeriggio el vola! Dolce, torta, caffè e... l'è prest le 7. Me ciama i mei da Trembelem per veder se serve che i vegna a torme en macchina: pero', vist che la sera l'è ancor longa... se no bevo altro, l'è en delitto farghe far 100Km en macchina.... e cosi' quando ariva i amari ghe paso anca la me dose de limoncino all'Andrea e ne aprotfitto per trar zò subit en litro de acqua! Ne spostém quindi en la sala discobar endo che taca la musica e a balar... e po' musica live e la sera la vola propri... e vem prest el temp che i me trà el microfono en man per la canzom... veci... che agitaziòm! Po', alla fim, fatta!!! Benom! Na volta che i ghe canta anca la canzom fata dai soci del paess, se va envanti de karaoke e birra (ma mi fao el bravo! Cola o Fanta!). Ale 11, quando l'Andrea el me domanda per che ora nem a cà, som bem sicur de averghe ormai 0,0 de alcol en tel sangue, ma no voi risciar neanca en pel: no podo permetterme che i me ritira la patente... la me serve per nar a firmar! E allor, tant per star tranquillo al 1000%, ghe domando 10 minuti e me fiondo a far na corsa entorno al paess... altroche' 10 minuti! Alla fim, con tre giri del paess de corsa, ho corest mezz'ora, ma adess som propri en te na bot de fer.... l'unico inconveniente l'è che a corer mezora co le scarpe da nozze, m'è vegnù na vesiga su ogni polpastrèl dei déi dei pei. Me trao su na maieta suta e per mezanot e n quart saludà i sposi (che doman i parte per Zanzibar en viaz de noze) e amizi, ne trèm vers cà.
Fat el brindisi a ca' del Davide, ecco el spos pront a nar sull'altar tira' a nozze! ...mmm... la sposa enveze la par en po'... averala dormi' mal? |
|
|
No, no, eccola qi la sposa, bela come el sol, e za' emozionada al momento de saltar sul'altar! |
Viva i sposi!!! ...e ocio al riso! che ariva la tompesta! |
|
|
I soci del paes del Davide i g'ha prepara', entant che l'era en ciesa, el percorso da far coi sci per arivar alla boza de spumante davanti ala macchina, ancor da scartar... |
...ma en doi, sui stessi sci l'e' en mazel caminar! Besogn alzar i pei contemporanemante!!! E i tacchi della sposa, no l'e' ski-stopper! |
|
|
Eh, eh... anca el Kepo (diaolopo', varde' che tira' che l'e' ancoi!!! altroke' windstopper e passamontagna!!!!) el g'ha l'onor de na foto co la Laura.... |
L'ultima sega, la ghe fa sudar sete camise ai sposi... e taia' el zoc... l'e' subit ora de nar al banchet!!! |
|
|
...nür Deutsche Sprache an der Tisch! so wir können ganzer Tag zusammen reden, und überall... Feiern!!!
PS:...el so, el so... g'avro' caccia' rento almen en par de erori en la frase sora....se ciava! basta capir, no? |
Ste pagine l'e' stae cargade volte da visitatori dal 3 de agost 2005