PALIO DEI DRAGHI Caldonazzo del 23/08/2008

Se fim all'ultim se era en tel dubbio se farla, finalmente, a conti fatti, ghe sem... gh'e' da nar! Ne da' na man a far numer en par de pagaiatori della Remenga, che ne presta anca la tamburina, vist che la Elena (nosa tamburina per la dragononesa) la tegnim a pagaiar. El ritrovo l'e' alle 9 al Ciolda e cosi' dopo na brioches en autogrill spacco el minut.... El Claudio l'e' al campo gara (al Lido de Caldonazz) a montar gazebi co l'organizaziom dale 7 la matina, ma noi, sem qi per portar via la' la barca! Arriva' la Daria co le brioches per tuta la squadra, vago a racatar en auto le pagaie (che el gheva drio el Claudio a Caldonazz), quindi torna' al Ciolda, co la barca appena sciolinada, sem pronti per far la traversata del lac vers el campo gara... ma.... diaolopo'... manca el Fabrizio e l'Ermanno! En realta', entant che ero via a tor le pagaie, i s'era rendesti cont de aver desmentega' a ca' tambur, testa e coa del drago e i era volai en macchina a raccattarle... sto li' na mezzora a spetarli, ma po' la barca tra giuboti, piedestai portabarca e le pagaie per i altri, l'e' bela che piena, e quindi enveze de farme la traversada a remi, la fago en macchina. Piazza' al campo gara, i ne diss che la partenza (noi sem l'ultima batteria) i l'ha anticipada de mezora... diaolopo'... considerando che alle 10 la barca l'era ancor al Ciolda, e la nossa manche l'era per le 11... gh'era poc da star tranquilli! Per fortuna alle 10 e 30 arriva el nos dragon... lighem su tambur e ne fem dar le disposiziom en barca (sto colp som en quinta fila) e nem for a scaldarne... La tamburina dela remenga, l'e' la prima volta che la vem con noi, ma la tira for subit la tempra e... la ne fa rigar dritti. Do sprint en mez al lac e sem za' pronti a allinearne en partenza. Acqua a 7 con na batteria da 3 barche, dato che bardolin e flamingo i ha dat forfait. Allineamento, tensiom da foc, all'attaccooooo...GOOO!!!! Tre pagaiae longhe lente, po' en accelerziom altre vinti e quindi stacco e passo! Tutt bem en partenza, ma al passo, eh eh, che passo erelo? Massa veloce! Ensomma na tirada de col da foc, e alla fim no se capiss se el sprint l'era sta' o no ciama', arrivem al traguardo secondi ma ne rendem bem cont che qualcos no e' na' per el verso giust. El Gianni el se alza subit a zigarne per el ritmo da schifo che avem tegnu' che l n'ha compromess la gara: zobia en allenamento l'evem fata en 2:14, ancoi en gara en 2:15:38.... na vergogna! Nem for delusi a cambiarne e vardem i tempi... beh, dai, su 17 equipaggi, sem decimi, quindi, se nella seconda manche no migliora nessuni sem pronti per la finalissima delle 5! Entant arriva anca el Flamingo (no i s'era ritirai, ma i gh'eva sol el camion en ritardo), e ne preoccupem bem che se el ne para en 11a posiziom, sem for dalla finalissima! Po', co la seconda manche, migliora ben o mal parecchier squadre, e allor, saem bem che de scuse no ghe n'avem! G'avem da far bem! Per mezdi' e 40 tornem en acqua a zugarne el tutt per tutt. Sto colp l'allineamento l'e' lonc eterno... pronti.... GO!!! Partenza buona! Stacco!!! e passo! E sto colp no accellerem.... tegnim en bom pass costante e.... 2 minuti e 13 secondi e arrivem secondi (su quattro) de batteria! Bene, bene! Questa ne la sem propri meritada, e cosi' co na corsa ai tabelloni nem a controllar come sem messi a fine qualificaziom: noni! Sem en la finalissima a 10 delle 5 dopodisnar! Se demo' el temp el tegn! Fem na staolada de squadra al ristorante drio el campo gara a magnar na pasta e bever na birretta e quando sem al caffe'.... arriva el temporal... e che temporal! El ne encartoza su i gazebi (beh, dai, l'e' la volta bona che dovem cambiarli) e addirittura, le onde le ne porta al largo el drago, che el Fabri, co l'aiuto de n par della Ca' Rossa ghe toca nar a raccattar en la tompesta. Vist che ormai l'e' le tree e l temporal nol zede, per le quatro i convoca la riuniom dei capitani per decider sa far... mmm... la butta mal... e cosi' n'altra biretta la va zo.... alle 4, ancor sotto l'acqua va for el nos presidente (za' lancia' per el no) alla riuniom dei capitani e.... diaolopo'.... 5 contro 5! Sa far? Se el disesa de si', saresem matematicamente 6, vist che i altri quattro sicuramente no i parteciperia neanca alla finale! Ma alla fim se resta sul no e come tempi vem tegnui quelli della mattina.... comunque noni con en temp de tutt rispett! E alle 5, propri quando ghe dovria esser sta' la finale, vem for el sol! E allor tolem su el drago e l riportem alla nosa spiaggia de Valcanover.... ma non prima de aver fatt la mega sfida al largo 5 contro 5 con 5 pagaiatori che tira da na banda e i altri 5 de schena che tira dall'altra.... en bom modo anca per ciaparse na bela sciaquada! Parcheggia' el drago, tolem su le macchine e tornem al Lido per la premiaziom e bever le birre fornie dal nos nof sponsor (la Forst de Meran!!!! Che lusso!!!! En sponsor che propri ne se addice). Alle 7 l'e' za' ora de zena e la festa la se envia via enfretta con musica dal vivo... ma mi devo scampar a Trembelem.... eh eh... la cognada coi soi, l'ha prepara' tagliata, salumi e dei meio vini.... eh eh.... per na volta, podo anca rinunciar ala zena del pagaiator! o no?




Kepoooo!!!!! Sa fat en quinta fila??!!!! Diaolopo', te set fat ciavar el posto de Kepovoga???!!


El temp nol promette nient de bom... ma.... gh'e' da nar!


En gara.... dai putči che se davanti!! Tiré, tiré!!!! (o come i diss a Trčnt: tirŕ, tirŕ!!!)


...secondi... ma non ultimi!



Ste pagine l'e' stae cargade volte da visitatori dal 3 de agost 2005