SCIALPINISTICA Polsa del 02/03/2008

Con i venti de uragano previsti en quota anca ancoi (al gieri, entant che mi laorevo en cantier, Mich e Albert su cima d'Asta da nord i s'è ciapai na bella petenada) decidem de star tuti a cà: che monada che avém fat! Dopo la messa en paess, così, vago en zità con me fradèl per n bianchèt prima de disnar e tra n goz e l'altro me ciama el Tama:"Kepo! Sa fat a cà? Noi sem giust rivai qi en Polsa per la festa e sem qi en maneghe corte senza en fil de aria!". Diaolopò! Dopodsnar me tocca nar! Ancoi en Polsa i fa el torneo de salt en la pozza coi sci... ormai no arrivo a iscriverme, ma na giornada sulla nef con ste condiziom nol me la cava nessuni! E quindi cargà i asotti, magnà en boccom e n digestivo alle 1 salto en macchina ancor empanà dai aperitivi dela matina. Arrivo alla partenza dei impianti che gh'è propri en caldo bestia, e trate su le maneghe corte e le pèl soto i assotti, e saludà i soci del paess & C. (che i è tutti all'apresski de fondo pista con Dj, birra e musica), prima de riprender de birra, vardo ben de far na risalita della pista Montagnola! Fago na tirada unica sui 3 salti de pista fin enzima al skilift... 310metri de dislivel... i ho magnai! Bene,bene, adess na biretta me la merito propri! Vist che el rifugio enzima alla pista ancoi l'è serà, me fiondo aala pista-disco de fondopista a tormen una... entant è arrivà anca i altri del paess..sem al completo. Ne passém 10 minuti boni a vardar e sghignazar per la zent che sfonda en ten bus pien de acqua scavà en la nef che i ha fat davanti al banco bar (e al prim colp el m'ha ciavà anca mi! Per fortuna che gh'evo i scarponi!), po' ne aprofitto de farghe provar i skialp alla Vale de Terragnol, quindi n'altra birra e... l'è ora dei numeri coi sci sulla pozza de acqua! Diaolopo' che salti che i fa! Con 100metri de rincorsa i riesse a saltar for na pozza de almen 20 metri, planandoghe sora coi sci, la taola e (diaolopo' se nol vedevo no ghe credevo!) en motoslitta!! Se è zà lì che se pensa de tornar vers val, quando el dj el diss de torsela comoda vist che a Brentonèc gh'è zò i sciacalli col soffiom... diaolopo'! L'è vera che ho bevèst sol do birre, ma l'è sempre meio no risciarla e allor... pel e via! Entant che sèra i impianti, me rifago la risalita della pista, e sto colp, passo oltre la pista, fim enzim al Doss (endo ch gh'è en vecio gabiòt che credo sia el confin co l'Italia): 340m. E quindi, entant che va zo el sol, cavo le pèl e me fiondo alla macchina per nar vers val: gh'è zo a Mori i soci che me speta al bar. Ma de passar per la roulette russa del soffiom no ghe penso propri (anca perchè se i me vede i antineve slick che g'ho su, i trova el modo de ciavarme istess!), e allor con en largo giro da Saccom/Chizzola vago al bar a... far ramadam! Diaolopo', l'è meio che la peta lì de bever, che fra 4 dì, al Sellaronda g'ho da dar el sangue!





Ste pagine l'e' stae cargade volte da visitatori dal 3 de agost 2005