ESCURSIONISTICA Monte Zugna del 26/12/2007
La mattina co n'aperitivo al bar col Gioppi, de bianchetti en va zo assà: gh'è da riacquistar lucidità.... e allora quando salta for l'idea de dò passoti en Zuna no digo zerto de no! I sci da alpinismo, g'ho ancor da cavarli for dalla macchina dal gieri, se gh'è nef, no ghe penso do volte a trarli sotto i pei! Nem così a cà a magnar en boccom e bever do limoncini e alle 2 ne trovèm tutti alla ciesa pronti per el girèt. A parte la Ceska che l'è preoccupada de endo che la portém, e el Silva che per schivar la camminada el torna a cà a spettar el nos rientro, fèm do macchine e su de balla! Arrivèm al rifugio che no gh'è zo en fil de nef.... o meio.... en dé, che no se sa se l'è bruma o nef. Sci e ciaspole i resta ben en macchina! E anca i Nepal Extreme i è quasi esagerai da trar su. La Ceska adiritura la vem su co le scarpe da ginnastica! Partìm a razzo per la mulattiera che la porta su ai veci ospedai austriaci a quota 1820, quindi, (no capisso propri sa che i g'ha da correr ancoi ... gh'è vegnù entorno el morbim!) ancor pù veloci vers la cross de vetta. E qi en po' de nef e giazz enterra i gh'è ben... e infatti quel mona de Gioppi nol ghe pensa do volte a keppottarme muss enterra cavandome i pei da terra. El Togni e l'Albert entant i accellera ancor de pù el pass: no so se l'è per arrivar su primi o perchè i g'ha paura de ciaparse qualche bala de nef zo per el col. El Nane el ghe trà n'ocio alla Ceska, che, anca se sem drio a vegnir su come i balini, la risponde bem alla marcia! 30 minuti e... Berg Heil! Diaolopo', de za? E adess endo nente? A passo Buole? ...eh, ho zà capì.... devo passar a cà a tor en par de boze de bianc.... e ensomma se va de rumba... ma de balla! Infatti ne fiondèm zo dal Zuna mi e l'Alberto quasi en gara tra le do Polo: al Togni (en macchina con mi) ghe fao veder i sorci verdi! ..e infatti arrivo en paess almen 2 minui de anticipo! E così, raccattae le bozze, e fat do tiri a frisbi alla cèsa spettando i altri paesani con altre bozze, ne fiondérem dall'Alberto a magnar e bever a so cà.... ma quando se beve a Trembelem, sel sa... la va sempre fim notte fonda... e se finiss sempre per farla secca! Nessuna Ecceziom!...e secca, secca!!!!
| Berg Heil!...ma el pensier l'è zà en val! |
|
| Gh'è da nar.... a carburar! |
