ESCURSIONISTICA passo 12 Apostoli del 26/08/2007

Varda ti che forse anca i soci del paess i ghe ciapa gusto a nar per scrozi! E allora, quando i me propone en giro en Brenta no ghe digo zerto de no: soprattutto conosendoi, so za' che el giro se l'affrontera' col pensier fiss alla candola de vin che ne sgolem al rifugio. E infatti.... Leva' en camera d'albergo alle 6 e 40 (se no capi' sa fago en albergo, l'e' perche' no ave' ancor let della rumba del gieri!) con en zercio alla testa che basta la meta', togo su zaino e scatolom de brioches (rieso a tegnirle en tel zaino sulla schena!) e dopo aver saluda' i panetteri che ha giust fini' el turno al Grisenti, salto sulla moto. Alle 7 e 10 ne trovem a Trent a Zuffal Park (i soci i vem da Trembelem...) e som bem content de no averghe da nar drio en moto: gh'e' en posto en macchina anca per mi: da mona, al gieri, ho mess jeans, giacca e tutt ensema al costume della gara: som tutt umit!!! Diaolopo'! Per fortuna el Gioppi l'e' passa' a me ca' ieri sera a raccattarme zaino (coi cambi) e scarponi. El giro de ancoi el lo organizza l'Alberto: narem en macchina dopo Stenico, rento per la val d'Algone, fin malga Nambi (400 metri sotto malga Movlina) e da li' farem en giro ad anell, passando per el pass 12 apostoli e el rifugio. Alle 8 e 1/2 parcheggiem la macchina a malga Nambi (1400m. slm) con en bocca za' la terza brioches a testa. Trati su i scarponi (e quei del Gioppi da naiom tirai a nof.... i vegnira' prest cargai sul zaino, en cambio de n par de scarpe da ginnastica, da duri che i e') e maiette traspiranti ne enviem su per el senter 333, e po' con en bivio a destra seguim el 412b. Subit la se empenna... e tant! meio beverghe sora! E subit ghe ciavém la bozetta de sgnappa dal zaino dell'Alberto e ghe dem quattro boni ciucioni. L senter l'č sempre pu' ert.... forse pero' e' sta' le varie pause grappa che le ne feva sentir le gambe pesanti: pareva de no riusir a roter el fia'! Dopo n'ora scarsa ne lassem sulla sinistra malga Movlina e passem el bait del cazador (alla faccia del bait! Na casa en ten sass su 2 lati.... e che a rampegarlo da drio no l'era massa agevole.... o forse l'era ancor l'alcool che ghevo en corpo dal gieri, vist che l Nane l m'ha passa' via de corsa?). Encontrem el prim gruppo de tre putei che vem en zo: en su no gh'e' nessuni! Strano... ma el capirem dopo aver passa' la piana vers i 2100m! En pratica l'ultim toc l'e' tutt en gierom! Forse l'era meio farlo a vegnir en zo sto senter! E infatti encrosem altre 2/3 comitive che e' drio a nar vers val.Ormai el pensier fisso l'e' alla birra e al vim che troverem al rifugio, ma el gierom da saltar su l'e' bel pegro.... Con qualche bella tappa, finalmente, a mezdi' sem al passo 12 apostoli: Berg Heil! E ades se vede la marea de zent sdraiata entorno al rifugio a ciapar el sol. Gh'e' da nar! Ordina' subit en giro da mez litro de birra a testa, no riusim neanca a sentarne al taol con 2 putele che le scampa, diaolopo' (le g'ha da nar en val... le diss!). Ma subit dai zaini salta for de de tutt (a parte el mio...). El Nane l'ha porta' en tramezzin formai e persut per um, l'Alberto do salamelle, en formai e 6 ciope e l Gioppi 2 Tonni e 2 ciope! Ensomma l'unica preoccupaziom sara' nar a tor da bever! E infatti trem zo la birra a strangolom e ne dedichem subit alle brocche de vim da litro. L'Alberto co la scusa che el guida el se tira endrio con sol do bicieri, a mi, enveze, alla fin della seconda brocca i me tira le recie che corro massa... ghe scrocchem anca en zigheret a na siora de passaggio e saludem en par de putei de Perzen avversari en tel dragon boat (uno delle Nutrie...) e tolem la terza brocca de ross.... diaolopo'! Tre litri en trei! Pu' la birra! Alle 4 dopo na polsada sui sassi, ne enviem vers val. Per el rientro, adess se smonta vers Pinzolo per el senter e... altri gieroni! El problema l'e' che sem propri embriaghi e.... me gaso massa a sciar sui gieroni. El Gioppi ovviamente le pattinae nol le fa co le scarpe da ginnastica, e el Nane... el perde l'equilibrio en po' massa volte.... l'arrivera' zo monda'. Dopo na corsa empontando dritt el gierom, me fermo a far na zifolada convint de esser da sol... no me saria mai aspetta' de esser capita' davanti a na coppietta che... addirittura la se mete a farme foto e rider! Diaolopo', che situaziom.... ma con tutt l vim che evo bevu' no me n'ero po' rendest cont pu' de tant.... g'ha pero' pensa' i soci a farmel ricordar, tolendome en giro per el rest della camminada. Arrivai en la piana, endo che se risaliria vers i impianti de Pinzol deviem tutt a sinistra en con en bel mezzacosta ne ritrovem en l'alta val d'Algone. Propri endo che se scollina sulla val, al bivio encrosem en par de putele (massa zovene!!)... ma no dovem aver fat na bella impressiom vist che erem drio a tirarne boazze secche (e miga tant secche, vist che dopo, ghevo rispett a nar al bar...). Ancor na mezz'ora e sem alla macchina per magnar n'altra brioches, quindi, vegnindo en zo per la val, l'e' doverosa la tappa bar per n'altra birra media... diaolopo'! Che tardi! L'e' za le sette! E alle 8 som li' a piazzale Zuffo che raccatto la moto. Sto colp vago a Trembelem anca mi! ...e sara' anca ora, vist che l'e' da ieri mattina alle 7 che som en volta.... ma la zena? Eh, vist che sem de strada, na pizza al bicigrill de Nomi ne tocca propri fermarne a magnarla. Co la birra media ovviamente!




Colaziom abbondante co le brioches che ha porta' el Kepo!


e subit se se inerpica su per el senter 333/412bis


....ma l'e' propri ert!!!


cammina cammina, lasem en lontananza en val la malga Movlina (che se vede zo... e l'e' a 1800.... noi sem partidi a 1400!). Di fronte el Care' Alto col ghiacciaio dell'Adamello.


Ma ne speta ancor i geroni!


...e i e' propri longhi!!! (Qi erem al pass)


i 12 Apostoli.


Dal passo, se scollina en tel vallom che porta zo vers Pinzol.


Eccolo! Il rifugio 12 apostoli, con entrorno tutta la marmaglia de zent! Ma da endo ela saltada fora? Fim adess no evem quasi encrosa' en caign!


La taola l'e' prest pareciada... adess basta magnar e..... bever!


....ma bevem propri tant!!! Sem propri a passi!


Se fa tardi.... meio enviarse en zo.


Adess dovem smontar dal vallom zo per i geroni fin sotto el doss (che se vede drio) da endo che arriva i impianti de Pinzol.


...e dei rugoloni del Nane a vegnir zo "sciando" perdem el cont...


Ma sel sa che a perder quota, torna su el grado alcolico en tel sangue...


con en lonc mezzacosta, ancora annebiai, ne enviem a sinistra vers la val d'Algone


Beh, el lancio delle boazze podevem propri sparmiarnelo. Per ancoi n'avem fatte propri assa'! BASTA! GH'E' DA NAR!!!!!



Ste pagine l'e' stae cargade volte da visitatori dal 3 de agost 2005