GARA SCIALPINISTICA Bondone del 18/02/2007
Me pareva na strozegada da foc, ma vist che le occasiom per far gare col me socio Matteo le e' sempre poche (e vendro i ne speta su per Selva Gardena, diaolopo'!).... gh'e' da nar! Ancoi sem Kepo, Matteo, Max e dopo n veloce caffe' per colaziom a Sopramonte (...no niente brioches! El Kepo stamatina l'e' leva' ale 6 per meterse su na bona pasta!) arivem per le 8 alle Viotte per l'iscriziom. Ogni tant el Kepo el se stupiss de quante che el ghen sa.... anca ancoi. Sul regolamento el certificato medico agonistico no l'era richiesto, ma se la sera prima, el Kepo, no l'avessa trat en tel zaino i certificati per tutti....ancoi no averessem gareggia'! Fata l'iscriziom trovo el me vecio presidente del dragonboat (Matteo D.) che l'e' rento en te l'organizzaziom e ne fem spiegar per bem quel che ne speta ancoi, anca perche' lu' al gieri l'ha fat el giro per nar a meter zo le bandierine. Per la poca nef el giro i l'ha cambia'. En pratica ne speta 5 cambi pel! Partendo dale Viotte doverem salir sui rostoni ( a destra dele tre zime), quindi zo le pel, tornar alle Viotte, risalir el Cornett, tornar alle Viotte, ripellar e passar el cancellet entro 2 ore e ripeter el giro con n'ultima pellada richiesta per tornar sul traguardo. Ah pero! Ne tirem a um. Metto su el cardio, preparem i nosi novi zaini da gara (con zo bail, sonda, 3 ricambi, camelback carga' de sali) e.... no!!! El me amico Matteo sto colp el me l'ha fatta grossa! En pratica' entant che som drio a meterme i scarponi, el se cava le solite braghe da alpinismo e.... el g'ha sotto la tutina! NO! No la taca na tutina da agonista coi so eroici sci da battaglia! ...e mi che ero quasi tenta' de far el sellaronda co la camisa en flanella a scacchi! Beh, vist che ancoi l'e' individuale zerchero' de serar n'ocio. De iscritti sem na novantina. Alle 9 e 15 i ne fa el controllo arva, ne preparem enfila e alla mezza, con tant de televisiom che ne riprende, se parte: e che nare! Se parte subit a manetta: no se pol far brutta figura davanti alla TV! Po' el pass, quando traversa' la piana delle piste da fondo taca la salita, el cala. Ne enfilem en tel bosc. Davanti g'ho el Max, drio el Teo. Dribblem e scavezem rami secchi a risalir el bosc per ciapar quota. Dopo neanca zento metri de dislivel encrosem, ferma, la Roberta Secco: ghe s'e' rott l'attachim: ghe offrim anca i nosi sci pur che la vaga a vinzer anca questa, ma ormai per ela, la competiziom ancoi l'e' za' finia. Arivem for dal bosc sulla dorsale quando perdo qualche metro perche' devo fermarme e cavar el sci (me s'e' gira' l'attacchim e el s'e' blocca' sulla discesa). El Max el se dilegua envanti e arivai enzima al cambio pelli el perdem de vista. La cultura che me som fat al gieri a vardarme el DVD "la tecnica dei campioni di ski-alp", no l'ha dat grandi frutti al cambio pelli: ho fat su en mez spegaz e me s'e' encolla' le pel tute malamente. La molem e en te n'atimo sem en val a ripellar. Sto colp me toca montar quelle sciancrae. Ripartim con passo costante e dopo en toc passo davanti al Matteo... che dura! Ghe dao quatro bei ciucioni al camelback, e entant se stabilizza anca el pass: fia' e ritmo costante. Al punto che gh'e' anca el fia' per dir for qualche parola. El Matteo sento che el ciama en caign sul senter e el ghe diss de farghe da levro, mi enveze ghe domando a do siore che passeggia sa che le fa senza sci... Som circa na zinquantina de metri avanti al Teo e raggiunta quasi la zima me zede le pel, diaolopo', me fermo, le cavo e continuo a pe'. Poc mal vist che tanto ormai gh'erem... Fata la zima e smonta' con en bel rugolom, taca' al cordim sul versante drio, cavo le pel e riparto de bala. A parte en par de sasoti en la parte alta, e le gambe za' dure (gonte za' i crampi?!), la discesa l'e' stada propri bela. Ariva' al cambiopel alle Viotte, manca men de dese minuti al cancelet (a 500metri da li') e cosi' ghe ritrao su en qualche modo le pel da gara (doprae per la prima salita). Som pront a nar e arriva anca el Matteo, ghe dago cosi' na man a montar la pel e riparto veloce.... pasa' el cancelet reincontro el vecio presidente del dragon e, per slizerirme, ghe trao li' el giom che evo fat su co le pel che m'eva zedest sul Cornet. Avanti! Passo el bosc, la piana, e la salita adess voi farla col me socio.... ma nol gh'e' pu'! Endo elo? Speto en par de minuti e domando anca a en par de concorrenti che me passa avanti se i l'ha vist.... niente! Probabilmente, tra le pel sbagliade che l'eva monta' sulla prima salita (quelle da turisti) e che gh'e' s'e' rott racchetta e porta-arva, na volta passa' el cancelet, el s'e' ritira'. Torno de volta anca mi e el raggiungo sulla piana. Par incredibile veder che i primi concorrenti i e' za arrivai! E infatti ne cavem anca noi na piccola soddisfaziom sul traguardo quando tra tifosi che ne incita e TV che ne riprende, el speaker l'annuncia il 4 e 5 classificato! "Ecco che arriva quarto sul traguardo Mirko G. dello Ski Team Fassa, seguito da Matteo Z. della Rujoch" ....e tutti che ne applaude! Ensomma.... grandi istess! Ne fermen cosi' a far do ciacere con la Roberta Secco, trovada li' sul traguardo, e col vincitore Mirco Mezzanotte, trova' al bar. Dopo do ore ecco che arriva anca el Max: e lu' el l'ha fatt propri tutt! Se ciava le 4:05 che l g'ha mess, ma el giro l'era propri lonc! E cosi', tirai a um no l'e' ancor le doe che ne enviem vers val.
| All'arrivo della gara.... ghe sem tutti: anca questa l'e' nada! |
|
