GARA SCIALPINISTICA Sgabanada (Vermiglio) del 28/01/2007

921m de dislivel en gara no i avem mai fati, e soprattutto na gara co le tutine (FISI) neanca.... se ciava, gh'e' da nar! El Kepo sto colp el s'e' tegnu' come en gardelim (poc alcol el sabo **SA VOLERA' DIR "POC" PER EL KEPO???**, e na bona magnada de tortel de patate da zena), el Teo envenze l'ha dormi' sol 3 ore (e no penso neanca che l'abia zena'). El Max da alena' che l'e' nol g'ha bisogn de presentaziom e el Claudio (socio del Max) l'e' ala so prima scialpinistica dela stagiom e subit l'entra en te l'arena dei agonisti! Me trovo col Teo ale 6 al piazale Zuffo e ne trovem col Max e el Claudio (ancoi tuti e doi en versiom tutina) a far colaziom al solito bar dela val de Sol. Per le 7 e meza sem za su per Vermiglio a ritirar i pettorali. Ne dem na bela scaldada de corsa e entant encroso anca i me veci istrutori dela SAT de Roveredo: anca lori ancoi qua per la gara, anca se pero' i fa quella non agonistica (noi fem la VERTICAL RACE). La partenza dela nosa gara l'e' alle 8 e 30 dal pra' sora la cesa: al prim rintocco de campana.... Ale 8 e 20, passa' el cancelet de controllo ARVA entrem en te l'arena: no sem tantissimi... Pronti...via! Sto colp, vista la pontera prevista la fem tuti co l'alzatac. Dopo eser arivai enzima al pra (bel ert) se entra en tel bosc per en senter e se blocca su tutt: en pratica l'e' tutt n'ingorgo e se e' pu' fermi che andanti... po', quando el senter el se impenna se ciapa en bom pass. Rieso anca a pasar qualcheduni sfruttando la doppiatraccia che gh'e' su per el senter. Dopo 250m de dislivel g'ho ancor drio el Claudio e l Max (ma propri col fia' sul col) e el Teo davanti a en colp de sciop (20 metri), ma quando el senter el se empenna ancor de pu' e el deventa en tof me zede la pel, e casco sull'ert. Diaolopo' no som pu' bom de rialzarme sull'ert, ravano mez minut e po' quei drio, tuti encazai per la colonna che ho fat i me rimete en pe' a butoni. Diaolopo'! Dopo altri 10 minuti de agonia passo anca uno che domanda se perpiazer g'avem drio pel de foca vist che la sua la g'ha zedest: per mi el pol nar a farse ciavar! Diaolopo', no l'e' per cativeria, ma per el regolamento en tel zaino l'era obligatorio averghe drio i ricambi, le pel, el bail, la sonda.... e lu' sicur l'eva fat el furbo, ensomma molto diplomaticamente g'ho dit "me spiass ma la g'ho enfont al zaino", anca se a pensarghe sora adess podevo anca sparmiar el fia' per nar en po' de pu'.... la spiana. Qi a sentir parlar i altri agonisti se saria podest cavar l'alzatac fin ala pontera dopo la malga, ma l'avem tegnu' su tuti. Arivai ala malga gh'e' da far do zete sul pra e me ascorzo che el Max el m'e' passa' davnti de mez minut e el Teo l'e' za enzima al pra 4 zete sora, diaolopo! Avanti! Fate le zete, se prosegue per forestale e... dopo n'ultim tochet sem za' al traguardo! En pratica la gara i l'eva scortada dell'ultima pontera per riscio valanghe: peca', vist che averesem podest migliorar tuti se l'avesem saest e avesem cava' l'azatac. El Max l'e' za sul traguardo che el me fa la foto. Ghe som. Me trago en pel sottocosta en disparte a pensar ala scusa da dirghe ai me soci per la me scarsa prestaziom: le gambe strache dai 1300m del di' prima? el zaino masa cargo (vist che evo desmentaga' rento 2 pel e en steccom de cioccobalocco...oltre ai rampant, bail,sonda, giacca, calzemaglia)??? Se ciava, e' sta comunque na bela gara, la nosa prima vera agonistica, e po' som content che alla fim l'avem portada for tutti abbastanza bem...sopratutto per el Teo che el n'ha stupi' alla grande: l'e' riusi' a starme 2:20 davanti (en minut e mez al Max) e con sol 3 ore de som! Fem cosi' na pausa the alla malga sotto el traguardo, endo che ne fermen a far do ciacere col Thomas (el putel dela val de Non, che ancoi e' ariva' adiritura settimo): ne aprofitem per sentir la diferenza tra i nosi e i so sci de carbonio dela Merelli. Se i nosi i pesa 1200g a asot i soi i e' sui 600! Impressionante! Ne molem zo en tel polverom fim ala forestale e po' en velocita' scivolem a Vermiglio a ritirar el gadget (en pile dela Bailo propri bel) e ne trem al ristorante a Velon per l'aperitivo e el disnar al ristorante (e che disnar!). Vers mezdi' e mez avem bel che magna' e cosi' se pol tornar en zo: gh'e' i soci de Trembelem che me speta per la rumba dela domenega. E anca ancoi dalle 3 e meza alle 1 de not e' sta na battaglia....




El fascino dell'agonista: subit le do putele del posto le ha fat a gara per averghe na foto con noi!


El Kepo sul traguardo! ...dai dai, che qualcheduni l'e' riusi' a lasar endre' anca sto colp! (se vede drio la fila de coridori che e' drio a arivar)


El Teo, prova' dala gara... ancoi l'e' lu' el campiom! ...e coi so veci asoti! (ma mi ghe l'ho sempre dita che i so sci i va propri bem !!!)


Kepo, Matteo e Claudio i torna a Vermiglio a ritirar i gadget e per magnar e bever.


Ma po', en zita' coi soci de Trembelem (Togni al centro e Gioppi a destra), tant per cambiar la fem propri secca! E con tutte le birre e superalcolici che trem zo, anca i duri alenamenti infrasettimanali i va a farse ciavar!



Ste pagine l'e' stae cargade volte da visitatori dal 3 de agost 2005