SCIALPINISTICA Piccolo Colbricon del 27/01/2007
L'e' sta en parto difizile, ma finalmente la polver l'e' arivada! E se ciava se per ancoi i ha mess vent forte, prima che el faga massa danni besogn nar a zercar qualcoss de bel da masnar. L'e' vera, el rischio tre no se pol no ciaparo en consideraziom e cosi' la scelta la casca sul piccol Colbricon. Dopo la colaziom al Backerei de Zian de Fiemme, alle 8 sem za coi sci ai pei 5 Km prima del passo Rolle, che entrem en la forestale de destra (indicaziom per malga Colbriccon). Ancoi el Kepo el prova le so nove pel da gara: al gieri l'ha fat le 11 en officina a trapolarghe drio e adattarle en qualche modo ai so doppiapunta. Davanti a noi gh'e' sol en gruppet giust parti'... entrem en la foresta de Panevegio e risalim en bel toc de forestale quasi piana: le pel blu da gara (Trabb larghe 6cm longhe 150cm) le par scivolar propri bem, anca se g'ho paura a pensar ala salita.... no le me da masa fiducia sulla tenuta. E infatti, sara' anca sta qualche tochetim sfiga', ma qualche bela ravanada en pu' rispet ai altri me la som fatta! Arivai en la piana dela malga girem a destra su per en bosc. Le zime le e' tute meze ofuscae dal ventaz che tira sora, ma almen fin qui no se move paia. Ciapem quota su per el versante puntando alla destra della zimotta che se vede dala malga. Se leva l'aria e che aria! Me toca cacciar su el passamontagna, l'e' propri fret (ala machina l'era 11 sotozero, ma senza vent, en confront, par ista'!)... El canalim che porta sulla gresta de vetta l'e' bel cargo (misurem 135cm de fresca) e la traccia co na picola deviaziom a destra la ne porta sula gresta. Ancor 5/10 minuti e ghe sem. Gh'e' su anca el gruppo de altoatesini che n'ha anticipa' e i ne diss che sula gresta finale i era passai massa en gresta e.... ghe s'era svoda' en canalom laterale da soto i pei! De pausa non fem tanta... gh'e' da nar. Dopo aver battaglia' tutti coi diaolini, finalmente tornem sotto gresta e... polverom! Propri bel. Se ciapa confidenza e tra na pianta e en scroz se riese a far propri salti da mat. Arivai ala malga l'e' impronobile tornar a val e cosi' ripellem! Ne basta tornar sotto gresta a ripeter la spazzolada en tel polverom: l'e' propri bel, no se pol farse mal, par de saltar sul materass! Entant che el Gianni,ala prima scialpinistica dell'am el preferise spetarne ala malga, en te na mezoreta risalim i 370metri de dislivel e sto colp, enveze de saltar zo entra le rame ciapem el bosc pu' a sinistra (vardando vers val): che figada! Ne basta poi molarne per la forestale e no l'e' ancor le 1 che sem za en macchina: direziom Zian: ala capannina i fa bruschette e ciopete tirolesi propri bone. Per no parlar dele birre....
Risalendo la forestale: quanta nef! |
|
|
La piana dela malga Colbricon |
La salita dalla malga vers la gresta: varde' che polverom da foc! |
|
|
Ma s'hai vist 'sti doi, la Madonna? No, pero' i s'e' giust rendui cont del sciadom che i li speta! |
E anca saltar zo dai scrozi l'e' en piazer! |
|
Ste pagine l'e' stae cargade volte da visitatori dal 3 de agost 2005