SCIALPINISTICA Hochspitze e Ratchings Kreuz del 13/01/2007
Vist che en gresta de confim i ha mess riscio 3 per na fiocadela de 5/10 schei, salta l'idea dell'Alta de Montecroce dalla val Passiria e fem en dritt a Vipiteno, quindi 1 Km prima de Masseria, enfont alla val Ridanna, molem zo le macchine e ne enfilem a sinistra en la val de Vallicola. Nem a zercar polver sull'Hoch Spitze.
Dopo aver tira' for dalla nef la Mondeo del Bertold: en 6 a butar e spalar vist che la s'era enfossada fianco strada, ne enviem su per el bosc dal parcheggio (penso privato) e dopo 100metri de dislivel saltem su na strada che dovria esser bianca (de nef), ma l'e' nera (de asfalto) e raggiungem en parcheggio pien de macchine. Eh beh.... zo per i prai dopo salterem zo agevolmente! E su per la val, alora. Seguim la forestale fin alla malga a quota 1900: passem na comitiva de trenta austriaci endo che gh'e' anca i vecioti 70enni che i fa la forestale coi rampant! El passo ancoi l'e' propri da relax, en po' perche' la gita l'e' corta, en po' perche' se i corridori i fa a gara anca ancoi, g'ho dit, che no i togo pu' drio. Fat en giro en senso antiorario drio el doss sora alla malga, se punta dritti alla zima e no l'e' neanca le 11 1/2 che sem su. Pausa, e tornem sotto en tel vallom 200metri sotto endo che ripellem e decidem de far anca la salita alla cross de Racines. Zero termico a 3800m: sara' na vergogna ste temperature ma n'ora de sol enzima se la apprezza. Dopo do ciacere con do putele tirolesi (el Kepo el se fa spiegar del pu' e del men endo nar a zercar polver: no en Austria!) l'e' ora de molarla. La discesa l'e' mista tra trasformada e polver pesante, ensomma no l'e' el top, ma tra la giornada splendida e che anca grazie alla parte finale su forestale che l'e' na pista e no se toca mai en sass, la scelta l'e' stada azzecada: sol che el polver che i ha dit che e' vegnu' do' di' prima, el Kepo l'e' ancor drio a zercarlo.... Tornai al parcheggio alt taiem a sinistra e scendendo su en bel praom riusim a cavar i sci alla macchina. Gh'e' da nar: en font alla val, gh'e' en bel locale endo magnar ciope col speck e bever....2 birre medie.
Rsalendo la Valtigtal |
|
|
Ala seconda malga: la pu' alta. Varde' che bela la slavina a sinistra! |
La punta Alta vista dalla croce di Racines: l'e' quella en primo piano. |
|
|
Berg Heil! |
Tornem en la conca sotto e ripellem... |
|
|
...per risalir vers la Ratchings Kreuz |
E dopo na bona pausa.... se se mola zo per tuta la lungheza dela val |
|
Ste pagine l'e' stae cargade volte da visitatori dal 3 de agost 2005