SCIALPINISTICA Ziolera del 28/12/2006

Dopo averghe avest la soffiada giusta, al gieri al laoro en ditta, che vers la Ziolera gh'e' polver de qualita', ne organizzem col Max, el Matteo e l Davide (en socio del Teo, da Baselga) per partir alle 7 e mezza da Pine'. Alle 8 e 40 sem za' li' che partim da Ponte le Stue (sulla strada del Passo Manghen).... El passo l'e' sera' e cosi' lasae le macchine a quota 1240 (ponte alle Stue) propri endo che no i ha pu' neta' la strada, pellem e ne enviem coi sci su per la provinciale. Tra na ciacera e l'altra col Davide che l'e' elicotterista ne organizzem anca per n'uscita en Heliski.... Dopo 5 Kilometri abbondanti de provinciale finalmente se arriva al limite del bosc e podem taiar en par de tornanti che ne porta praticamente al passo del Manghen. A salir dalla val de Fiemme, la Ziolera, la resta a destra del pass e cosi' entrem en te la valletta che ne porta vers la forcella. Arivem al lac dele Buse: pausa. Na bona fetta de pizza a testa preparada dal Matteo al sera e via che se riparte per l'attacco de zete che porta alla Forcella (dritt davanti a noi). Zeta su zeta, le tutine che le ne anticipeva le e' a portata de man e el Matteo che ancoi el g'ha l'arzent el te le gambe nol se perde l'occasiom de accelerar e raggiungerle prima de spetarne enzima alla forcella. Qi se cava i sci (la saria anca sciabile, ma l'e' pu' na ravanada che altro...) e ne enviem a pe' per i ultimi 100 metri che ne porta alla cross de vetta. E qi l'e' el Max che el taca a pestarme i talloni perche' vao massa piam: el me tira el col: alla faccia che el pareva tutt acciacca' de raffredor! Berg Heil! Temp de salita: 2 ore e 50! Considerando i 6 Km de forestale e che el buon vecchio Navarini el la da' a 6 ore: buono! Ghe dem el nome ale zime entorno (co la cartina), magnem altre do bone fette de pizza a testa e ne enviem a raccattar i sci per la discesa. Per smontar dalla forcella no se fa la stessa de salita, ma se sfrutta en canal pu' a destra (vardando la zima dal pass). El prim toc qualche raspada sui sassi se la da' bem, ma po' l'e' ora de spolverar! E pu' en bass se riesse a far anca quattro bei salti. man man che ne sbasem vers el passo la nef la ven coerta dai cristalli de brina e se riese a darghe anca quatro bele spazzolae. Riciapada la forestale po', basta molarla e, a parte mi che no rieso a schivar l'unico toc de asfalto che era resta' fora (e... boom... zo col muss!) en te n'atimo sem ale macchine. Ma prima de ripartir na birretta alla locanda subit prima della tonda del Manghen l'e' d'obbligo! No l'e' ancor le tree dopodisnar che som za' li' che riparto da Pine'... gh'e' da nar: a laorar!




Dopo la longa provinciale, arivai coi sci al pass se vede davanti la Ziolera e a sinistra la forcella.


Se passa la piana davanti al Lago delle Buse...


..e ne dirigem vers la forcella: la via de salita l'e' a sinistra, el canal de discesa a destra


Dalla forcella cavem i sci e fem zima a pe': el Max drio en scia l'e' pronto per el scatto finale: el ne ciava tutti e l'ariva prim.


E po', dopo na spolverada en tel canal...


...ne fiondem velocissimi en val a... bever na biretta.



Ste pagine l'e' stae cargade volte da visitatori dal 3 de agost 2005