SCIALPINISTICA Cima Lavazze' e Samerberg del 16/12/2006

L'e' na stimana che el Kepo el seta a dir che en te l'ovest del Trentim ghe n'e' de pu' che en Sudtirol e allor... gh'e' da nar! Ne trovem alle 6 a Calliam e dopo na pausa colaziom al bar delle rumene (a Dermulo) alle 7 e meza sem a Proveis: en val de Non. Prima del paess, subit dopo el bivio che porta a Matzlaun parte na strada che sale vers i masi de Thal, endo che molem zo' la macchina, pellem e nem. Tra na monada e l'altra che ne enviente vem le 8.... ma che nare! No arivo quasi a enzolarme l'arva (si', l'e' vera che probabilmente l'ho tolta en po' comoda) che i e' za drio a partir su per el pra'. Enveze che ciapar la forestale, infatti partim con en bel taiom sui prai sora i masi e na volta en tel bosc ne enfilem sulla forestale. Dopo aver cava' i sci en par de volte per passar en par de torentei, arivem finalmente en campo aperto. Ma gh'e' da nar. L'obiettivo per la prima pausa saria la malga a 1900 ma probabilmente l Mich e l'Alberto no i l'ha vista e i ha tira' dritti. Finalmente vers i 2100, quando arivem sul pianoro ne fermem a arfiar zinque minuti, ma giust zinque...e via de nof. Ancor 10 minuti tirai e ghe sem: cima Lavazze' l'e' fatta! Diaolopo' no l'e' ancor le 9 e meza! e za i 1000m de dislivel per la zima i e' fatti: no ero mi che ero lento (e fevo fadiga a starghe drio col fia').... Beh, na volta su vardandose entorno se vede che anca le zime della Val d'Ultimo le promette quattro belle sciae,e se pianifica le prossime tribolae. Dopo aver fat quattro ciacere con do scialpinisti de Trent arivai en vetta praticamente ensema a noi, dopo aver magna' e bevu' ne molem zo vers la Malga.... che sciada! Propri bela e scegliendo bem l'esposiziom se riese anca a SPOLVERAR! De lusso! Quindi arivai a en pianoro a quota 2000 ripellem e decidem de taiar a destra vers el Samerberg: altra zima li' de fianc. Sto colp le premesse della sciada no le e' bone: se sente che de nef ghe n'e' poca sotto, ma se ghe pensera' dopo. Da sta banda qi ne tocca farne traccia a noi: empontem quattro belle zete e dopo en par de pause (sto colp sentim tuti la tirada che avem fat per arrivar prima sulla Lavazze') lasem nar envanti a far traccia en putel de Taio che el neva raggiunti dopo aver fat el noss stess giro e na volta en gresta sfruttando i accumuli passem fora i tochi de pra' vegro pela' dal vent e arivem enzima. Beh 1550m. de dislivel... per esser la terza gita no me i aspetevo propri, ma che bem! Qi ne fermem na bona mezz'ora a magnar e bever quindi cavem le pel e ne molem en zo: la preoccupaziom per traversar sulla poca nef la spariss enfretta quando riusim a pasarghe fora coi sci quasi indenni. E anca qi alla fim, la sciada la merita e i sci i cavem alla macchina! De lusso! Per serar el gitom puntem cosi' al prim bar che trovem a Cles per na bona birra media (mi una e mezza...) e na bona ciopa da reintegrar le fadighe....




la malga a quota 1900m. ....ma com'hai fat a no vederla??!!!


cima Lavazze': se vede le ultime zete che porta su


el Kepo l'ariva su zima Lavazze'


la gresta sventada che porta enzima al Samerberg


Alberto, Kepo e el putel dela zona de Taio che avem encontra': qi enzima al Samerberg


Gh'e' propri quattro bei pendii da molarse zo!


...e alora: gh'e' da nar!



Ste pagine l'e' stae cargade volte da visitatori dal 3 de agost 2005