SCIALPINISTICA Punta della Vedretta del 10/12/2006

Finalmente l'e' arivada! Avem bem dovest pasarne el pont dell'Immacolata serai su per el brutt temp, ma almen adess... gh'e' da nar! Vist che alle basse l'ha fat pu' acqua che nef decidem de partir subit en quota sfruttando i impianti della val Senales. E cosi' se pol tor dolza anca la sveglia della mattina: me trovo alle 6 a Calliam col Mich e alle 6 e 20 a Trent col Bertold (gran ritorno dopo 10 mesi de astinenza da montagna per starghe drio al pargol). Dopo na pausa colaziom al night-bar subit prima del bivio per la Val Senales, arivai a Maso Corto fem el bigliett (16,50Eur A/R.... ma ne basteva sol la A!!!) tolem subit la funivia che ne porta a 3250 metri....e QUATORDESE GRADI SOTOZERO!!! Diaolopo', che fret! Al punto che quel po' de empanadura che se fa sui ociai col fia' la me deventa subit brina e... no vedo for pu' nient! Comunque senza pel ciapem la pista e ne sbasem ai 2800 sotto el rifugio Bellavista. Da qi pellem e tachem a salir a destra per dossoni: diaolopo', sti disgraziai i ha fat n'impianto per servir anca la nosa scialpinistica, per fortuna l'e' sera'... e qi no gh'e' propri nessuni: ne toca far traccia su e su (ghe la lasem far al Mich). Quassu l'ha sventa' parecchio, al punto che la m'ha fat 4 bei soffioni, ma no esendoghem massa se neva su abbastanza tranquilli. Arivai enzima, ne fermem giust el temp per na foto e cavar le pel e ripartim. Volto l'ocio e vedo el Mich en tera che se lamenta dal mal: diaolopo', com'e' posibile, che no l'ho mai vist vist farse mal sula nef? Gh'era el trucco! I sassi scondui i g'ha encioda' i sci e... nol s'era fat mal sula nef, ma spela' sui sassi. Comunque nient de che, e salta' for el prim doss ciapem i canai bei carghi de nef che en ten bel polverom ne porta sulle piste. Propri quattro bele serpentine! Ensomma la prima scialpinistica (della stagiom) no se la scorda mai... Passem cosi' el finepista a 2700 e sci ai pei riusim a arivar a Maso Corto (2000m) sfruttando le piste non ancor daverte ma tute innevae. Gh'e' da nar! Prima al bar sotto el paess per na bona birra e ciopa de Speck, e po' vist che l'e' appena mezdi' enviarse de bala vers ca', vist che ancoi gh'e' el rientro dei turisti dal ponte dell'Immacolata. Pensevem bem de anticiparli... envenze.... da Bolzam, a far i 100Km de coda gh'erem anca noi! Diaolopo'! 
Eh... sto colp me s'e' engiaza' la fotocamera: le foto le e' tute del Bertold....
...e cosi', per no farme sentir en colpa treghe n'ocio al so sito!





Pellem e nem! Se demo' ghe la fem a scollar le pel: l'e' 8 mesi che le e' serae su!


E via a far traccia su per i dossi!


Berg Heil!


...e sto colp, gh'e' anca el grande ritorno del Bertold!


una per um no fa mal a nessun!!! Che spetacolo!


la sciada: la punta della Vedretta l'e' quella a sinistra.



Ste pagine l'e' stae cargade volte da visitatori dal 3 de agost 2005