ESCURSIONISTICA traversata 7Selle-Erdemolo del 01-02/06/2006

Sto colp l'e' la volta bona che provem na fazile via de roccia: nem sul Sasso Rotto seguendo la via Giuliani (nient de difizile.... fin al III-....ma l'e' oro per tacar a ciapar confidenza co le roste). E cosi' per partir bonora la mattina, vago su ancor la sera prima a dormir en Pine' dal Matteo... giust ancoi i enaugureva (co le zozze...) en nof locale a Miola: sa vot, no nar? E cosi' vers le 22, anca co la Bea, sem nai a bever na biretta a La Talpa. Dopo na mezz'ora ne sem quindi spostai al Chalet a veder com'erela la situazion, e anca qi gh'e' parti' n'altro par de birette. A sto punto, saluda' la Bea (e anca i soci che era vegnu' ala ciaspolada en genar) avem continua' col giro dei locali dell'altipian e sem nai al Spiaggia, dove encontra' n'altra compagnia dela zona, i n'ha empienu' el bancom de bire! Diaolopo'! Ho pers el cont... E cosi' dopo n'altra biretta e na ciopa per sugar su all'Imbarcadero, l'era propri ora (le 2 e meza pasae) de nar a polsar, che tra qualche ora... gh'e' da nar! La sveglia precisa ale 7 e per le 8 erem za' a Palu' del Fersina a cargar corda e zaino sulla schena: ma...ha fioca'! E de nef, za' en paes el ghe n'ha cacciada zo do' dei...beh, partim istess! Arivem cosi' en circa n'ora al rifugio Sette Selle: e' tut bianc... e a veder el libro del bivacco l'e' za el secont di' de fila che l ghe caccia la fiocada: beh, dopo na ciacerada con do avventori (che i ne tegn li' na bona mezzora) che era drio a tornar a val, e vist che con tuta la nef che gh'era resta ben poc da rampegar, decidem de far la traversata alta vers el lago de Erdemolo, passandoghe sotto la zima Sette Selle, el Sasso Rosso e l Sasso Rotto e passando anca per l'attacco della via Giuliani. A parte el fatto del mazel de camminar sui sassoni scoerti de nef, anca i canai pieni de nef vecia engiazada gh'e' da trarghe n'ocio a pasarli fora...e arivem sotto el Sasso Rotto: diaolopo'! l'e' za le 11 e 1/4 e sentua l'Elvira a casa, el Matteo el g'ha da tornar per laorar per mezdi' e mez: dir che sem fuori tempo l'e' dir poc: tacheghe n'ora e 40 che da' el segnavia per arivar al lago e n'altra bona mezora per tornar ala macchina e... me sa tant che no arivem. Ma...mai zeder! e cosi' raggiunta la quota 2296 e vist che el Pizzo Alto (de strada per el lago Erdemolo) l'e' ancor do zime en la', dopo aver scarta' n'ert senter che se caleva en val ne calem zo per el canalom sotto la forcella dele Cave: che lusso! Pien de nef dura sotto e sventada sora e en te n'atimo sem zo sul senter bass che colega el 7Selle all'Erdemol. E qi l Matteo el sceglie i mughi: taiem zo dritti tra mughi, frasche, rododedri e...rugoloni e, diaolopo' al Matteo gh'e' salta' for el cellulare da scarsela... no sel trova. E qi el Kepo, el g'ha el lampo de genio: vist che l cell del Kepo nol segneva nessuna copertura per ciamarlo (e se era ormai rassegnai, vista l'ora a lasarlo li') , el tenta la chiamata de emergenza: el ciapa! Alora, qualche compagnia la g'ha pur da eserghe! E cosi' tira' for la SIMM de scorta (el Kepo el g'ha le SIMM de tute le compagnie) el riprova...el sona! Trovato! Via, che no gh'e' temp! e de corsa! A mezdi' e en quart sem za ala macchina (no so neanca mi come che avem fat a eser si veloci!) e per arivar en temp el Kepo l'ariva a brusarghe i freni dela Polo a vegnir zo dal pass del Redebus! Ma ai 35 sem arivai! E cosi' entant che speto, li' en pizzeria, le do e meza dopodisnar (gh'e' la squadra de Dragon Boat che me speta sul lac de Caldonazz per l'allenamento), i me prepara na bona magnada de cotoletta, formai, patate, salam.... ensomma sto pomeriggio, con tut quel che ho magna', all'allenamento de dragon boat, g'ho da far i busi en te l'acqua!




Le prime baite sora Frotten.... che fiocada!


La fontana del rifugio Sette Selle.... altroche' giugno! Par novembre!


El Matteo l'e' vegnu' su co le scarpe da trekking.... ma tanta nef chi e' che podeva spetarsela?


Visiom d'insieme del giro: sem vegnui su en la val drio la dorsale innevata a destra e smontai a val oltre quella innevada a sinistra.


...e qi sem drio a valutar el canalom de discesa.... altrimenti el senter el proseguiria avanti per le greste (che se vede) su zima Cave, Monte del Lago, quindi Pizzo Alto per poi finalmente iniziare la discesa verso el lac de Erdemol.


en blu se vede el giro che avem fat.... en senso orario.



Ste pagine l'e' stae cargade volte da visitatori dal 3 de agost 2005