SCIALPINISTICA traversata bocca dei Camosci del 12/02/2006
El Mich el l'ha fata al gieri...e a so dir l'e' si bela che el la ripete anca ancoi: e alora....se ciava el polverom dela gresta de confim: ancoi nem en Brenta a far la bocchetta dei Camosci. Partim cosi' ale 6 da Roveredo, 6 e 10 da Calliam, 6 e 30 da Trent e dopo na tappa colaziom a Pinzolo, propri a Pinzolo parcheggem na macchina (dopo aver porta' l'altra en font alla Val Brenta, dopo S.Antonio de MAvignola) e ne preparem per ciapar i impianti de risalita. Arivai enzima ai impianti ne calem en la val de drio e arrivai en te na piana montem le pel de foca. Za' se vede el gross del percorso de salita: gh'e' da nar su propri per en bel canalom! Pasa' fora en toc de bosc, sem propri soto el rifugio XII Apostoli e la vizina ceseta en la roccia. Par quasi che el Max e 'l Mich i voppia gareggiar, ma dopo n'attimo, sfrutto mi el vantaggio e col Mich sera' drio en coda ne aproffitto per dileguarme col Max. Ma dopo na vintina de minuti a ritmo veloce ne fermen a bever en goz e... sto colp a partir a razzo l'e' el Mich e l Max. Mi resto en pel pu' endrio co l'Alberto, ma sempre a en passo piu' che buono. Zete su zete, rampant no i metem e cosi' en ten blitz sem za' de fianc al XII Apostoli. Da qi, entem en tel vallom e dopo aver gira' a sinistra tachem a salir vers la bocchetta. Arivem su 5/10 minuti dopo el Mich e l Max...e come sempre sem el prim gruppo a arrivar enzima. Entant che ariva el Bertold (fotografo ufficiale, che anca sto colp l'ha sacrifica' i tempi de salita en favor de 4 bele foto) el Mauro e l Marco no podem no vardar la discesa che ne speta: diaolopo' i primi zinquanta metri no l'e' scialpinismo ma sciripido! Per fortuna no l'e' engiazada, ma gh'e' en bel toc de polver. E cosi' dopo n'oretta de pausa al sol de vetta (en realta' de bocchetta), ne sem lanciai... i primi 50 metri tegnindo el fia' per l'ert, ma po', dopo aver pasa' 100 metri de grosta, e' finalmente arriva' la polver! E, anca se a tochi la la era en po' pesante, sbasandose se quota la sciada la miglioreva sempre de pu', ensema alla qualita' della polver. Dopo aver ravana' na mezzora a quota 2000 per decider en che canalim trarse (pareva na serie de balze rocciose!) alla fim avem scelto quel strett: e anca se de serpentine no se n'e' fate altre, e' sta' comunque bel saltar come i cavrioi zo per el canal a forza de far inversiom! E cosi' dopo na sketinada for per la val e aver attraversa' na cascata de giaz (senza sci ne ramponi!) scominzieva na longhisssssssima piana che ne porteva alla Mondeo del Bertold: la sara' spaziosa, ma en sette, compresi zaini sci e scarponi no l'avria dita ghe stevem a bordo! E cosi' arrivai a Pinzol sem partidi ala volta del...bar! L'e' ora de na bona ciopa de pam, ma soprattutto dell'immancabile birraccia!
| Arivai enzima al dos sora Pinzolo co i impianti, ne calem en tel vallom de drio... |
|
|
e scominziem la salita al cospetto del rifugio XII Apostoli. OCIO! Sta foto ghe l'ho ciavada direttamente dal sito del Bertold: ve consiglio vivamente de darghe n'ocio ale so foto! El n'ha mese su 140!!! D'altronde la traversata del Brenta l'e' masa spettacolar per contarla con sol 9 fotografie! Quindi, na volta che ave' fini' de lezer el me sito, me raccomando deghe n'ocio a www.katambra.it |
| su per le rampe de salita el Max e l Mich i ciapa el comando... ma el Kepo, drio, l'encalza! | 
|
| arivai sul pianoro alla sinistra del rifugio, el percorso el spiana e se se addentra en te la valletta... |
| ancor do zete e se e' su ala bocchetta! | 
|
| ...i tre scialpinisti sul podio! |
| dopo la doverosa foto de gruppo l'e' za' ora de pensar a nar en zo dala rampa. | 
|
| ...e dopo quatro bele serpentine se se gode anca en tei canaloni! |
| e per passar sul font dela Val Brenta ne toca anca pasar cascate di ghiaccio! (...e qui il piu' e' fatto...) | 
|
