SCIALPINISTICA Kreuzjochl (A) del 29/01/2006

Va ben la nef…. ma quando l'e' masa no podem miga restar en ca' tut el weekend a spetar che la se assesta! E cosi' vist che en Trentim el rischio valanghe l'e' forte grado 4 e el temp i lo da' brut…. per rifarne del gieri (a casa) dovem trovar nef sicura e temp bel: nem en Austria! Partim cosi' da Caliam ale 6 (mi ale 5 e 20 da casa: perche' na volta a Roveredo podo smontar le cadene, vist che le strade a nar en zo le fa ancor schifo) e per le 7 e 40 sem za' drio a lasarne alle spalle le ultime nuvole al Brennero. Continuem cosi' per statale fim quasi Matrei e poc prima ciapem en bivio a destra che ne porta en la Navistal. Le macchine le lasem a Navis (1340m. slm) e da qi scominzia…. la sfilata dei sci novi. Ancoi el Gheda l'e' vegnu' coi so novi K2 shuskan (i pesa ben en kilo e mez l'uno, ma da larghi che i e' la sciada la deve zerto guadagnarghe), ma l'attenziom la va soprattutto ai nuovissimi sci del Mich: i novi Sintesi DOPPIAPUNTA della Skitrab. Da en mez al paess ciapem na forestale coi segnavia per la nosa zima....e partim subit de bona lena. Arivai en ten praon, enveze che seguir la forestale taiem su per en ripido bosc a sinistra... e sta manovra qua (by Kepo), anca se la ne fa tribolar en poc tra zete e nef con su brina che fa slitar i sci (e a colpi polverosa che fa zeder la traccia), la ne porta driti a na malga soto el costolom che ne porta ala zima. Ala malga ne fermen n'atim a bever en goz: diaolopo' 700m. en te n'ora.... me par masa! Sem vegnui su continui, ma no ne sem zerto tirai el col: probabilmente e' sta' la scelta del ripido bosc che n'ha buta' su el dislivel. A darghe n'ociada ala relaziom no torneva nient: ne' la foto, ne' l'esposiziom, ne' la partenza dela gita. Beh... entant nem envanti...e pestola pestola, me rendo cont che ormai son resta' quel del gruppo coi sci pu' veci! Da no creder! G'ho da trovar na scusa per aggiornarme! Beh, dai, almen anca quei del Max, anca se i g'ha 2 mesi de men dei mei, no i e' ala prima stagiom: ma quei dell'Alberto (con 5/6 uscite), quei del Luca (7/8 uscite) e quei del Mich e del Gheda (ala prima assoluta) i spuza ancor da fabbrica! Na volta en gresta se leva l'aria. E cosi' en te n'atimo sem su....e subit sottovent a ripararne dal fret. Anca se dela relaziom del Gionco no ne torneva nient, na volta enzima, g'avem avest la certezza de aver embrocca' la zima giusta (l'error l'evem fat ala partenza: dovevem parcheggiar le macchine ben oltre el paess, e enveze, avendole lasae en paess avem dovest farne 100m. en pu' de dislivel: meio! se fa gambe!). Solito brule' de vetta, do foto, via le pel, e zo! La curiosita' de sentir i commenti dei 2 skitester l'e' tanta! Dopo aver pasa' el toc de gresta con nef dura, la discesa vers la malga l'e' sta' la parte pu' difizile: a tochi, quando men se se l'aspetteva salteva for la grosta e.... zo col mus entera (parlo per mi...)! Ma na volta pasada la malga vegniva el bel: polver! E qua se la moleva! Col Gheda che el la mola zo drita tra le piante, el Mich che tra na curva e l'altra el riese a testar la soletta anca sul fil spina' (20% di galleggiamento in piu'... i diss!) e el Luca che nol perde na curva (anca i so Freerando i e' speciali a magnar grosta e polver) arivem ala forestale. Taiem cosi' en par de curve zo per el bosc e en te n'atimo sem ala macchina, pronti per nar a magnar na bona ciopa de speck con drio na bona birraccia en quel de Sterzing.




Alla fine della forestale si entra nel bosco...


Quattro belle ripide zete e sem za' for dal bosc....


...se prosegue cosi' en direziom de na baita...


Ala baita ne fermen, pu' che per ciapar fia', per discuter dela nosa salita confrontada con la relaziom del Gionco: no torna nient!


..ne enviem cosi' vers el costolom per guadagnar quota vers la zima....


Vista della Navistal da sora el bosc.


traversem cosi' sulla gresta en direziom della cross....


e ghe sem. Sula cross el gh'e' scritt:" KreuzJochl": l'e' quela giusta!


Eh si'. Avem deciso proprio el posto giusto! Zo en Italia el temp no l'e' miga bel: varde' l'effetto di sbarramento fatto dalla cresta di confine!


Foto di vetta dei 6 scialpinisti (Mich,Alberto,Kepo,Max,Luca,Gheda). Adess sem pronti per la discesa!



Ste pagine l'e' stae cargade volte da visitatori dal 3 de agost 2005