SCIALPINISTICA Rovereto del 27/01/2006
Beh, na fiocada cosi' a ca' no l'evo mai vista. E cosi' torna' da laorar, me som dat a spalar nef. Spalando, e' pasa' zo da casa me zio e 'l m'ha dit che per 4 valanghe vegnue zo en Vallarsa la strada l'e' restada serada. ….e infatti el meson, me sa tant che l'e' resta' al de la' dele slavine: en tel giro de n'ora sula strada ghe n'era za' 20 schei col fondo giaza'…. e infatti dal paess e pasa' zo per la provinciale do snowboarder sbarai vers Roveredo. Ancor pu' bel e' sta' veder vegnir en su 2 motoslitte lanciae vers la Vallarsa…. gh'e' da nar!
E cosi' dopo en par de ore coi cosini en caneva a bever bianchetti, vist che nessuni gh'eva voia de provar la discesa coi bob, me som deciso e mese le pel de foca en tel zaino me som lancia' coi sci vers Roveredo. Beh, zo per la provinciale se neva bem, ma la meza cavolada l'ho fata quando ho prova' a ciapar la deviaziom sotto el paess en via dela Pinera: ghe n'era 70schei de fresca…. no se scieva! E cosi' arriva' ai prai del Malfer, enveze che proseguir vers la Madonna del Monte, ho ciapa' en scotol bel en pe' che porta alle 4 strade per delle ripide scalette…. anca li' comunque gh'era quasi pu' da butar che da sciar…. masa nef. Arriva' alle quatro strade ho fat n'altra cavolada. Enveze de riciapar la provinciale som na' drit per la stradina che va zo ale due Spine: Diaolopo'! M'e' vegnu' en ment dopo che li' ghe' en portico! Vabbe' pasa' via el toc senza nef, na volta en S.Maria (Roveredo 200m. slm) som na' a skating fim all'oratorio e li' me som ferma' per montar le pel de foca e tornar vers ca': sto colp pero' per la provinciale! E de machine a nar en su no ne ho encontrae…. el cartel l'era chiaro: strada chiusa per slavine. E cosi' en te na vintina de minuti ero za torna' en te la me caneva (360m. slm) de Trembelem...per n'altro giro de bianchi.
El Kepo a Roveredo, davanti all'oratori de S.Maria: l'e' ora de rimenter su le pel per tornar a ca'! |
|
|
El cartel, che l'ho fotografa a Roveredo all'imbocco della strada vers casa, el parla chiaro! E anca la strada: l'e' 'na pista! |
Torna' en caneva riprendo de bianchi coi cosini |
|
|
La matina dopo som na for per la Vallarsa a veder el mesom che el riproveva a daverzer la strada dale slavine: qi sem tra Matilori e le Aste. Quanta nef! Al passo Campogrosso i da' en totale de 2metri e 80! |
Ste pagine l'e' stae cargade volte da visitatori dal 3 de agost 2005