MANUTENZIONE SCI Rovereto del 10/01/2006

L’era en pez che ‘l disevem: dovem trovarne a tirar a um i sci, che ormai taia de pu’ i puntai dei dynafit che le nose lamine…e alora ne aprofittem per trovarne la sera dopo lavoro en oficina e stube dal Max. Per l’occasiom el Greg, preparatore ufficiale dei sci, l’eva porta’ el so banchet da laoro. E cosi’ ne sem trovai vers le 8 de sera dal Max col Marisa, el Stefano, el Matteo e ‘l Greg tuti coi sci da tirar a um. Avem taca’ subit co le lamine dei me Skitrab e ‘na volta capi’ come funziona le lime tra ‘na birra e l’altra avem fat anca abbastanza veloci: via de squadret a 89 co la lima che deve nar possibilimente senza stacar (cioe’ tut en ten colp) dala ponta ala coa. Po’, vist che i è da alpinismo anca se le lamine no la taia meio dell’affettatrice no gh’è grossi problemi. Entant che ‘l Max el ghe laoreva drio ale me lamine, el Greg e ‘l Marisa i ha taca’ a rifarghe la soletta co le candelette ai scialp del Marisa. Bevua n’altra birra è po’ vegnu’ el momento dela sciolinadura: e cosi’ via de fer da stiro e prima pasada co la sciolina grassa per netar le solette (sulle mie gh’evo ancor su le macie de colla dele me vecie pel!), quindi cavada zo’ dopo 5 minuti co la spatola de plastica, entant che ‘l Matteo e ‘l Stefano i neva en stube a preparar en bom piat de spaghi ala carbonara, è sta la volta della sciolinada: sui mei g’ho mess su la sciolina per nef da -3. Mess su…. l’è bem ‘na parola grossa vist che g’ho avu’ na man en scarsela e l’altra ocupada co la bira quasi tuta la sera: eh… g’ho pur da emparar! Vers le 10 e meza, cosi’, posta’ i sci sciolinai en pian che i se sughesa per bem sem nai en stube: altroche’ piat de pasta! È salta’ fora anca luganege, salam, sottaceti, birra e vim! E quando l’era quasi mezanot, dopo 4 boni grappini sem tornai a laorar sui sci: come finitura basteva adess cavarghe la sciolina messa su prima co la spatola de plastica e…nar a ca’: e l’era quasi le una!




Entant che ‘l Greg el fa le lamine, el Marisa co la candeletta el sistema la soletta dei so sci.


Fatte le lamine, el Max e ‘l Greg i ghe da na’ sciolinaa


E anca el Kepo el prova a sciolinar


E po’, tuti en stube del Max a magnar e bever fin mezanot.


Netada la sciolina, i sci i è pronti!!! Adess gh’è propri da nar!!! …a dormir!



Ste pagine l'e' stae cargade volte da visitatori dal 3 de agost 2005