SCIALPINISTICA Cima Vallaccia del 20/12/2005
Dopo la giornada full immersion del gieri con 4 ore non stop de sci la matina col Max e 4 non stop de snow col Branca, ero vermanente convint de polsar ma... som en ferie, gh'è da nar! E così ne sem trovai a Perzem col Gheda ale 7 e meza (che ancoi gheva drio anca el caign!!!) e sem pasai a tor el Marco a casa sua a Segonzam e via vers la Val di Fassa, ma dove? All'inizio pensevem ala zima de Larsec, ma vist che la strada che va su al Gardeccia l'è serada dal divieto e senza nef ne sem girai e avem deciso per la Vallaccia en val dei Monzoni. Sem così arivai a Pozza e parcheggià la macchina (e l'era ormai le 10) all'arrivo del collegamento della Val Jumela avem tacà a risalir le piste. Pasà la ciesa, se continua su pista per en toc e pò su forestale batua dala motoslitta che sale a en rifugio sora... Dopo en bel pèz, arivem finalmente a sto rifugio e le traccie le se inerpica su per el bosc. E finalmente saltai for tra i alberi la visuale la se daverze fora e la va dal Sella al Gran Vernel, alla MArmolada al rifugio sora passo S.Pellegrino! Se continua così salendo i vari dossi mai masa erti e dopo en par de ore de sgambada ne fermen al rifugio Vallaccia a magnar e bever qualcos. Ma l'è tardi, e così ripartim subit. Ne resta l'incognita dele condiziom de salita del canalom che sale la Vallaccia, e infatti... salendo el canal ne trovem a salir tra i lastroni e quando ne vedem incastrai... tirem el fià e en velocità traversem fora su en toc sventà con poca nef. Da qi, el canal el se fa sempre pù ert e ala fim cavem i sci e continuem a pè. Arivai ormai enzima, gh'è da traversar vers l'uscita en toc giazà en do che no se pianta quasi i scarponi... e mi da mona propri ancoi ho lasà a casa la picca... no me la sento e a malincuore laso far zima al Gheda e al Marco. Mi i speto lì assedià dai corvi che me gira, e me canta entorno (e le è propri dele brute bestie: sol da bruti presagi). Anca se no gh'è vent me toca star fermo enzima al canal na bona mezora a spetarli, e l'è -10!!! Quando i corvi ormai i spereva de aver trovà el disnar (non sia mai!), ecco tornar el Gheda e 'l MArco e così dopo averghe cavà le rosette ai bastoncini podem tornar en zò vers val. Ah, nota di merito de sicur la ghe al caign del Gheda, Nessy che l'ha fat zima senza tante piccoze, sol co le onge!!! La discesa no l'è che la sia en gran che, gh'è tochi de grosta che se alterna a polver, ma vegnim en zo. Ovviamente na volta ciapà la pista l'è na figada e, roba da no creder el caign el ne stà drio!!!! Saltem così en machina che l'è le 3, e dopo na pausa birra ala cooperativa de Segonzam, e na visita al "bivacco invernale" del Marco ne enviem zo vers Perzem. Quindi de corsa a... Trent! G'ho da nar a comprarme i ciodi da giaz! ...e far el zaino! Doman se prova le cascate!
| Se sale lungo la strada battua dala motoslitta |
|
| uscendo dal bosco, davanti se vede la zima Vallaccia |
| ancora en par de dossi in campo aperto e... | 
|
| sem zà al rifugio Vallaccia. |
| ma l'ultim toc che l'è giazà mi me fermo e laso nar su i altri. | 
|
| la zima... tuta pelada! |
