SCIALPINISTICA Cima Sternai del 06/04/2005
Le previsiom del temp le fa terorismo! Le ha mes brut da doman...e probabilmente ne rovinera' anca el weekend (no en tel senso che i sci i restera' a ca', ma 'n tel senso che se fa masa nef, no poderem zerto puntar a gitoni da 1600m.).
E cosi', 'l Mich 'l lancia l'idea 'Ferie', e mi no ghe penso do volte a compilar el modulo.
Le alternative le era o 'l Sasso Nero en Val Aurina (disl 1900) o Cima Sternai dalla Val d'Ultimo (disl 1560): mi, che g'ho en po' de mal schena (meritatissimo a far i esercizi sbagliai en palestra!) opto per la Sternai (quota 3443; diff BSA; disl 1560).
Partim da Calliam ale 5 e 30, e ale 7 e 30 sci sula schena da Fontana Bianca, sora S.Gertrude (val d'Ultimo). A veder le relaziom su internet pareva de partir coi sci ai pei, ma alla partenza (quota 1900) la nef la pareva propri lontana... e cosi', su a pe' per el senter estivo fim al lago artificiale (en do che ariva i impianti e gh'e' el rifugio del CAI Milano) a quota 2500! Traversa' el lago, finalmente riusim a scargarnei dalle spalle e se continua la salita pu' spediti.
Ma...che calt! e le gambe, le sentiva zerto ancor la galoppada del weekend pasa' ('sto colp anca el Mich). Comunque dopo esser risaliti da en ripido canal (che doveva eser sol de discesa) ne riciapem alla traccia giusta de salita e dopo en lonc travers vers destra, traversem na conca e salendo, scominziem 'na lunga traversata vers sinistra fim a arivar 100 metri soto la zima, dove, cava' i sci se continua a pe' per gresta fim enzima. El strac sel sentiva, ma i tempi i e' stai sempre onesti: 3 ore e 20 contro le 5 stimae.
Dopo quatro foto de vetta, ne trem soto gresta, riparai dal vent, a magnar qualcoss e... zo en tel polverom! Averem camina' tant, ma i 900 metri che n'e' resta' da sciar i ha merita' propri. Finche ' arrivai al lac a 2500, avem cava' i sci e ritaca' a caminar. El punto critico della "pericolosa" gita l'era el travers che se deve far per traversar el lac: beh, ancoi de sicur valanghe non podeva propri vegnirne zo', vist che era tut 'na pietraia! Pasada la diga, ne sem comunque trati en tei canaloni e sci ai pei, con 'na ravanada (ciamarla sciada l'e' masa...) sem arivai ala macchina.
E cosi' dopo 'na bona ciopa col speck e 'na birretta all'agritur de Fontana Bianca, ne sem enviai en zo.
Fu cascada de giaz soto el lago al 2500, da en do che se biforca le gite alle 3 cime soprastanti: Sternai,Fontana Bianca,Gioveretto. |
|
|
El Kepo el se inerpica vers la zima. |
La longa traversada vers la zima. |
|
|
e finalmente la cross de vetta! |
el Mich el se prepara ai 900m. de sciadom en polverom! |
|
|
le firme e drio...Zima Sternai. |
Ste pagine l'e' stae cargade volte da visitatori dal 3 de agost 2005