SCIALPINISTICA Cima d'Asta del 22/01/2005
El ritrovo l'era per le 6 e 30 al lago de Caldonaz... per po' poder nar a tor el Gheda a Tenna e quindi via vers Castel Tesin....
Come da programma ne sem trovai mi, l'Alberto (el putel che ha fat el corso de scialp con mi), el Mic, el Bertold e 'l Mauro.
Po', a Tenna, ne sem trovai anca col Gheda, el Mamo e 'l Luigi (che dopo il Monte Rosa, provava Cima d'Asta in invernale con le ciaspole!).
El Gheda, na volta partidi, el s'e' ricorda' de no averghe drio le ciaspole per el Luigi e cosi' col Mamo e 'l Luigi i e' tornai endrio a torle...
Noi altri enveze sem partidi da Malga Sorgazza alle 8 e 5. De nef no en manca... e comunque de fresca no ghe n'e' pu' de 5 schei, quindi nonostante i canaloni laterali che scaricheria valanghe en te la val, la gita l'e' fattibilissima. E cosi', dopo esser entrai en tel vallon se taca a salir tegnindose a sinistra, col dubbio de riusir a farla la zima, vist che a ocio, sule greste tireva en vent che basteva la meta'. A circa 2000m. de quota, se fa quindi en lonc travers vers el centro del vallom che scende dal Brentari e qi, mentre el Mic (sempre en testa) el s'e' enfila' en ten canal che el l'ha porta' comodamente al rifugio, tuti i altri, seguendo le tracce vecie (mi per prim...) sem nai a 'nfognarne su en pendio giaza' che 'na fat meter i rampant (l'Alberto el l'ha pasa' for senza, ma no perche' no i servissa, sol per no perder temp a tirarli fora!). Soto el rifugio som sta' raggiunto e pasa' anca dal Stefano Andreis (amico de famiglia che encroso sempre e sol en montagna: e se 'l va!!!) e po' anca dal Gheda che pero', col Mamo l'ha dovest subit girarse e tornar de volta, vist che 'l Luigi nol podeva zerto pasar co le ciaspole el toc giaza' (e esposto)...
Dopo 'na bona mezz'ora de pausa al Rifugio e sciolt el dubbio se narghe al vers dal canalom alla sinistra del lac o dalla Forzeleta a destra (scelt questa), avem prosegui' e alla Forzeletta, cava' i sci. El Mic el s'e' trat zo' sol coi bastoncini, mi e l'Alberto co la picca e el Bertold e 'l Mauro no avendoghe la picca i ha trova' la genialada de doprar el bail da valanghe piega' a 90 gradi come fussa 'na picca (e g'ho idea che co la nef mola che gh'era la neva anca meio!). La salita ala zima se dovria farla al de la' dela valletta sottostante, ma...mi l'ho ciapada drita: tut for che sicura... En vetta ho encrosa' anca el Mauro istruttor del corso de scialp (sali' da Canal S.Bovo) e anca 'l Zenatti (quel che gestiss el sito mountain-one: miniera de informaziom per le nose scialp).
El vent no l'envoglieva zerto a star li' a polsar (per fortuna el rest della salita l'era ripara') e cosi' zo de bala, e su per el canalim (sto colp ho dopra' anca i me adorai ramponi), quindi en bom giro de brule' !
El rest dela discesa l'avem fat su nef sventada, en zerca de canai senza tante groste... e tegnindose al centro i avem trovai (oltre anca a en saltim de roccia...)
Ale 4, con tuta calma erem ala macchina: anca se la nef no l'era dele pu' bele che gitom da foc!
El gruppo de alpinisti ala partenza... L'Alberto el controlla le pel, el Mic el tira fora i guanti, el Mauro el se cava la giacca e 'l Bertold el prepara la digitale per el so reportage fotografico. |
|
|
El percorso de salita: qi visibile fim al pianoro del rifugio: se salta su a sx, po' saltai sulla balconata rocciosa, se fa en lonc travers vers el centro del valom e su! |
El Mic dalla Forzeleta el studia el miglior percorso de salita ala zima. |
|
|
El Bertold e el Mauro all'imbocco del canal che scende dala Forzeleta. El Bertold el s'e' za' arma' de bail a forma de picca!İMIC |
Do grandi alpinisti en vettaİBERTOLD |
|
|
El Kepo allucina' che torna su per el canal che riporta ala Forzeleta: ghe piass masa pica e ramponi!İMIC |
No ste a vardar el Kepo, che gh'e' bem poc da emparar a vederlo sciar, ma l'ambiente entorno: spettacolare!İMIC |
|
Ste pagine l'e' stae cargade volte da visitatori dal 3 de agost 2005