13 cime del 2004-08-28

ALPINISTICA 13 cime del 28-29/08/2004

Eh si'... con Paola ci eravamo salutati (dalla scorsa uscita del Dom de Michabel) ripromettendoci di fare il mitico giro delle 13 cime del Cevedale: ovviamente non in 3 giorni, ma in 2.... e cosi' e' stato.... ma che dura! Il terzo giorno lo avremmo usato per salire il Gran Zebru (quest'ultimo non fatto GRAZIE(!!!) alle infauste previsioni meteo per il lunedi'). Allora, ci siamo trovati a S.Caterina Valfurva il venerdi' sera dopo lavoro: mi col me socio de Folgaria Michele, e Paola con Filippo (n'aiuto istruttore della SEM, e che de esperienza el ghe n'ha da vender). Dopo aver lasa' la me macchina da 'n do che scende la strada che va al rifugio Casati, sem nai con quela de Filippo a dormir al rifugio Berni al passo Gavia. Dopo la colaziom fata ale 4 e meza, sem partidi de bala vers la prima Zima: el Tresero... e subit (almen fin al Bivacco Seveso che l'e' poc soto) avem scominzia' a guadagnar temp sulla tabella de marcia. En realta' l'ultim toc de salita per el Tresero n'ha fat tribolar le roccette e cosi' en po' de temp l'avem pers pareggiando i conti... Vabbe'... ale 7 e mez partivem za' per la Pedranzini... tolta en te n'atimo e subit vers el Dosegu'... do roccette anca qi e via! Montadi i ramponi, finalmente saltadi su ghiacciaio vers le 10 e meza erem a Punta S.Matteo. E qua...se no fusa per la paze che gh'e' pareria ancor de eser en guerra con tut el fil spina' (e non solo...) che salta for dal giaz: residui della prima guerra mondiale... Ma no gh'e' temp da perder... via quindi per la zima Giumela, raggiunta en progressiom de misto, e quindi zo vers el bivac Meneghello, en do che ne sem fermai a magnar en bocom. Per far la zima Cadini avem rimess i ramponi e sem salidi su per en canalim laterale (a tochi de misto...). Qi avem trova' do' putei che era parti' la matina dal Casati per far el giro en giornada! 'Sti do' mati, i era drio a vegnir zo da 'sta zima senza ramponi! Vabbe'... avanti! E cosi' vegniva el moment dela temua Rocca S.Caterina: passaggio di quarto con catena... e comunque l'era tut 'na serie de passaggini esposti (a dir poc)... Davanti Filippo capocordata (con Paola) che se destreggieva a trovar i passaggi fra le roste e drio 'l Michele (capocordata) con mi al seguito. Prima della rocca, tant per gradir avem anca fat en tiro de corda... po' el passaggino de Quarto... per fortuna gh'e' el cadenaz da tirarse su... senno', mi... non so sa che fevo coi scarponi da giaz...(Dulfer coi Nepal Extreme??No, dai! Diaolo po'!) El temp el paseva e tolta senza tanti problemi la zima de Peio e' vegnu' la part pu' temua: la discesa dalla Taviela! Avem pers almen n'ora a zercar na via per smontar zo' da quela zima, po' dopo aver scarta' en canalin che no ne convinzeva masa (e per fortuna... senno' saresem ancor su), e aver trova' i resti de en bivac de fortuna (brutto segno!!) avem telefona' al Vioz a dirghe che saresem arivai en po' en ritardo... enfati l'era za' le 7... Vabbe'... rocce, roccette, misto, po' mentre Paola e Filippo i s'e' enviai zo en mez ala nebbia, mi e el Michele avem fat 'na calada da 30 e po' zo ancora... ormai l'era not e ne sem trovai su en marz de roccia che en confront i vermi del strachim i e' pu' freschi del lat apena monzu' (...che poeta che l'e' 'sto Kepo a scriver ste robe!) e li' en qualche modo, tra 'l buio e el nebiom avem caccia' su i ramponi e ne se trati en te'n canalim de giaz (e sul giaz ero mi da capocordata a far sicura). Entant Paola e Filippo, stufi de spetar i s'era dileguai en te la nebia... Sem arivadi en font ale 9 e en quart... ho ciama' el Vioz a dirghe de no preocuparse che per le ondese saresem stai li'...e via! Avem subit reincontra' Paola e Filippo che torneva a zercarne, visto che 'l Vioz en te la nebbia no se'l vedeva propri e cossi'... me som trat davanti mi a saltar fra i crepi e alle 11 e 15 (con uno del soccorso che ne ciameva dalla zima e el rifugista con la pila che el ne indicheva la via: anca se mi no ghe n'evo bisogn!) avem raggiunto el Vioz, quindi, zo' al rifugio a magnar na bona minetra calda e a dormir en sala da pranzo... alle 5 gh'era la sveglia, vist che la zent la leveva per la colaziom.... ne spetavem de trovar anca el Bertold e el Laion (che i gheva entenziom de far la traversada Vioz-Cevedale), ma avem saest dopo che i era partidi ale 4 e meza de matina! Tanto ormai erem en pe' e cosi' avem fat colaziom e con molta calma ale 7 ne sem rimessi en marcia per el Palon de la Mare (en zima fiocheva...), el Rosole (roccette, ancora roccete, noooo! ) e per finir en mez al nebion el pu' alt... el Cevedale. Sem arivadi enzima vers mezdi', e dopo le foto de rito e aver magna' en bocom, ne sem enviadi vers el rifugio Casati e quindi fondoval... Sem arivadi ala macchina vers le 2 e 30, quindi dopo una bona birra media a S.Caterina Valfurva, ne sem saludai al Gavia e via vers casa!

Ecco el Kepo che el sfila la corda per tacar el ghiacciaio e salir Punta S.Matteo. ŠMIC

Ecco, vista dal Vioz, la gran parte di traversata fatta il primo giorno: a destra il Pizzo Tresero, e a sinistra l'infida discesa dalla Taviela

El gruppo de alpinisti sulla TREDICESIMA zima! El Cevedale... no se vedeva nient per el nebiom, ma che soddisfaziom!

Ste pagine l'e' stae cargade volte da visitatori dal 3 de agost 2005