El cantier, tant per cambiar el g'ha bisogn de manodopera, e allora, el weekend gh'e' da zugarselo en casa. No se pol laorar si tant e allora, per desmentegar.... meio beverghe sora! E cosi' dopo una serata alcolica en tel capoluogo de Trembelem, e na giornada a metter su mattoni, alle 7 e 1/2 de sera, ne trovem, tuta la compagnia dele Porte al campo sportivo, e co la scusa de festeggiar el ritorno dalla Nuova Zelanda de me cosim Herman, farem su 'na festa come ai veci tempi. Per 'na volta, finalmente, anca el Kepo el g'ha la domenega libera.... vol dir che sto colp, nol scampera' alle 1 per nar en montagna, ma el la portera' for fim alla fin!Porteneri tremè! E' torna' el branco! Stanot noi no dormin, ma.... neanca voi! E così se taca de antipasti col salam fat en casa e quattro boni tochi de formai. Entant el Silva e l Nane i trà sulla piastra en polinèr de alette (diaolopo'.... ste grigliate de alette de pollo no le me diss nient.... e infatti ghe fao trar su anca quattro bone luganeghe!). Ovvio che entant che se trà zo, se deve beverghe drè....e g'ho ancor da averghe la pasta de luganega en tel piatt che za le prime tre bozete le ho fate fora... Entant che fago quatro ciacere col Tama e me accordo per revisionar la Polo col Max, ariva anca l Ferro e el Maron (fotografo ufficiale della serata: e che co le pose da paura che el ne fa far, el contribuiss no poc ai ematomi che troverem doman.... soprattutto co la sofferta foto delle faccie.... en vinti accatastai se ciapa legnae da orbi). Stasera sem propri al completo! Gh'è qi anca l Gabu e la Sonia coi fioi! Dopo n'ora che setém a trar zò brasole, puntine, polenta e luganega, el strac el se fa sentir e me encocono per na bona mezzora sora el freezer dele bibite... me tegn sveglio sol el fatto che devo setàr a levarme per farghe tor for boze ai altri. Po' vers le 10 e 1/2 salta for el Pampero Cola (nol bevo mai... no vago mat) e ghe trem zo quattro candole. Se envia la serata e tachém gasai a cantar cori de Vasco. Sarà stà l'alcol ma stasera fuma tutti! Anca quei che ha smess: me fradel, la Geo, mi, el Mazzu, el Gioppi... Voze per cantar ghe n'avem, ma ne manca i Watt de musica per scaldarne, e così el Denis el tira rento la macchina en tel campo e, via a manetta che se fa el concerto de Vasco. El Mazzu ovviamente el dirige l'orchestra! Bevi, che te bevi e se ricrea el solito gruppo a disposiziom a zercio (che ne distingue anca quando sem en volta en zità, o alle varie feste...) dove zighem e cantem. For dal zercio resta el festeggià, che el s'è ciapà via ben con l'unica putèla libera della festa e quei che no è della compagnia.... N po' alla volta taca a abbandonar le dòne (a portar for la serata en resterà sol doe! La Manu e la Paola!) coi popi ecc,ecc,ecc. Al centro del campo se se scalda sempre de pù e tra na pogada e en butom se taca a darse de brutto: el Gioppi el me spacca co na manaa el cinturim del me oroloi dele feste (per fortuna gh'è lì la Geo che la me lo porterà en gioelleria ancor luni per tirarlo a um!), po' vist che el Togni el taca a scaldarse massa, ghe pensa me fradèl a tegnirlo bom: el lo schiena 4 volte de fila! Po' toca a mi che, traversando el campo co na serie de 7 cavriole, vegno braccà dal Gioppi e l Togni che i me salta sora.... diaolopò che mal, i ho sol sentui dir: "el s'è serà!" ... sti do moneghi, i m'era saltai sora entant che ero a testa en zo e co la fronte ero arivà a tocarme el sterno.... levo stormenì e continuo a pogar. Po' l'è la volta del Marom e l Mazzu che i fa da trampolim per saltarghe oltra.... ma propri entant che ghe salta su el Gioppi el se gira e i lo fa atterrar endrio de col (ma nessuni ha capì quando l'è stà che i g'ha desfà el lavro: el se n'è ascort la matina dopo). Se continua a pogar, e ntant che l'Omar el se endromenza sul prà, la Paola e la Manu le ne stupiss dai butoni che le da. Passèm anca ai sgambetti. Enviem via de nof la piastra e trem su panini e wurstel per sugar su.... mi me contento de do zigole alla piastra.... Ormai sem restai en 15, l'Herman l'è ancor embusà drio el gabiòt del campo, el Mazzu, vist che l'è prest l'alba el vol tornar a cà, vist che alle 9 el deve nar a messa en paess per domandarghe al prèt de battezarghe el fiol... ma no! L'è bonora per nar a cà e così tirem for altre 3/4 giri de birra. L'è dì, el Togni el se mete a rimetter tutt a posto, e alle 6 e 1/2 anca l'ultima birra l'è copada! Adess lasem nar a cà anca el Mazzu, ma no.... ancor no zedém! Besoign nar a far colaziom! E alora, dopo aver envià a spinta la macchina del Denis (a scoltar musica a manetta tuta la not g'avem copà la batteria) ne trèm a Roveredo (guida me fradel, ma tra carabinieri e finanzieri en volta, en zità gh'è poc da star tranquilli!) en piazza Rosmini al prim bar che trovém davèrt. Na brioches la tolém bem, ma la mattina besoign darghe contro! E alora ciamo en giro de spritz per tutti! Adess podém propri nar. Alle 8 sem sull'us de casa... i veci no i è massa contenti, ma meio dormirghe sora! Vers le 5 dopodisnar, ne ritrovem così tuti alla ciesa per tirar a um le ultime immondizie vanzae, radunar le boze vode (e stanot avem fat fora 104 LITRI de birra!!!!) e contarne le pache ciapae for per la not. E zà circola voze che stanot en paess no s'è dormì.... Al campo sportivo i tegniva la musica alta!


Ste pagine l'e' stae cargade volte