El l’eva accenna’ quasi per scherz el Matteo vinti di’ fa’ en la traversata del Mulaz… ma quela del Lagorai l’era na traversada che anca el Kepo el penseva da en pez e cosi’, trova’ el gruppo (anca l’Alberto el peta li’ l’universita’ per na stimana per vegnir!) ne sem organizzai per bem e…via che gh’è da nar! Sta relaziom l’è staa scritta en dialet, ma sara’ ben fazile trovar qualche accento different tra la descriziom del prim di’ e l’itinerario (scrit dal Kepo co l’accento de Trembelem) e i ultimi do di’ (scriti dal Matteo co l’accento de Pine’). E l’Alberto?... eh…l’è zo a Padova a recuperar le relaziom dell’universita’ che no l’ha fat la stimana pasada…per far la traversada!

Itinerario

14/03/06
Se parte! Dopo tre di' de preparativi g'avem tut, i zaini i e' carghi e cosi' se se trova ale 6:05 a Roveredo el Kepo co l'Alberto e en Pine' col Matteo alle 6:45. Prima de partir, pero' ne spartim i ultimi viveri che e' resta' for dai Zaini e ne pesem.... 100, 100!! E l'Alberto 95 (ma el pesa anca 5 Kili de men). Piu' o men sem tuti li', coi zaini tra i 17 e i 22 Kili! Se parcheggia cosi' la Polo del Kepo e carghem zaini e sci en macchina del Sergio (papa' del Matteo) che per el passo del Redebus el ne da en passaggio fin al paesot sora Palu' del Fersina (Val dei Mocheni) i Tasaineri. Da qi, dopo le dovute foto de rito coi zaini stracarghi, ale 7:45 ne enviem coi sci. Ne rendem cont da quant che sem cargai perche' i sci, tracciando en la nef i se embarca dal peso! Nem su per la forestale pasando davanti a en par de masi, quindi arrivem en campo aperto: ancoi l'e' la prima vera giornada de primavera dopo 3 di' de vent fret che en quota ha fat disastri...e infatti se vede tutte le zime entorno co le greste pelae. La prima salita l'e' al Passo Palu', circa 500 metri de dislivel (da 1600 a 2070) e anca se el Kepo l trova su na pianta en balonzim de elio e l se lo taca sul zaino col pensieri de slizerirlo...el peso el se fa sentir: come saralo en discesa? En te n'ora e meza sem za' al passo: gh'e' en po' de aria residua dalla sventagliada del gieri, ma appena cava' le pel e scollinai sotto el pass, l'e' subit calma de vent e sol. Le prime tre curve la preoccupaziom l'e' sul zaino: 20Kili sula schena no l'e' n'inerzia da poc. Dal Slimber (la zima alla nosa destra) e' vegnu' zo na valanga veramente granda che ha neta' tut el pendio, e cosi' vegnim zo tra blocchi de nef slavinada e rododendri...e subit con en par de rugoloni capim quanta fadiga che l'e' rialzarse con 20 Kili de zaino sula schena. Pasada la valanga, trovem anca en bel toc de polver e arrivem en la piana alla malga Cagnon. Qi ne fermen per en bocom de meza mattina: e qi el Matteo el stupiss tutti col fuorilista che l tira for dal zaino: luganega e formai! e en cichetin de sgnapa: che lusso! Dopo dese minuti de pausa (quel che polsa no l'e' le gambe ma la schena), ricarghem i zaini e ne enviem vers na dorsale che co na serie de zete la ne porta con altri 500 metri de dislivell enzima al passo Cadin. Da qi, se vede partendo da sinistra il monte Croce (propri sora de noi), po' la Fregasoga, le Pale delle Buse e zo de zime fim a la zima Stellune davanti ,e oltre al Montalon e le Buse Todesche a destra. El prim toc de discesa dal pass l'e' parecchio en pe'...la preoccupaziom de trovar accumuli la gh'era... ma per fortuna, propri la pontera l'era tuta pelada e per i primi 30 metri s'e' podest farla caminando sull'erba...po', na volta caccia' su i sci e' vegnu' el bel: polverom! E la sciada ne la sem propri godesta a vegnir zo vers la malga Agnelessa, en do che el Kepo el s'è fat ciapar masa la man a far serpentine e l'è fini per far na rugolada-capriola sci zaino e tut! Dopo en bon bocom per disnar e quattro salti su per i coerti delle malghe del Matteo e l'Alberto, ne enviem vers el ponte delle Stue. Dopo en toc de forestale ne rendem cont che en realtà sem drio a vegnir zo per la strada provinciale del Manghen... coerta con en metro de nef! Arrivai al pont dele Stue ne sentivem ormai ala malga ma... no l'era tant le gambe, ma la schena! Che mal! E così dopo na pausa strategica de rifornimento acqua (se ciava le pastiglie de argento per depurar che ha portà el Kepo: se no l'è neta qi l'acqua!) ne enviem con calma per la longa forestale che ne porta vers Malga Stue bassa. Dopo en pez, raggiungem anca la Malga Stue Alta, e qi encontrem l'unica persona della giornada: en guardiaboschi che l'era vegnù su a veder se gh'era bestie.... "massa nef" l'ha dit "i camozi i sta en val!":ma no l'era vera, e questo lu nol lo sa, vist che l'è tornà en val... L'è ormai le sei del dopodisnar quando finalmente, co le schene scavéze, arivem ala malga: no ne par vera. La porta dela malga l'è bloccada dala nef, ma sora, ghè en bivacco davert: che lusso! e così el Kepo el se enfila per na finestra en malga e el passa fora i stizi e entant che l'Alberto el mete a fonder nef per far acqua el Matteo el mete su en bon brodim da scaldarse fora. En tel bivacco l'è propri fret: e alora se ghe da dentro de stizi... pecà che el camin nol tira per nient e dal fum che empieniss la stanza ne slagrima i oci. Ma tanto el reparto notte l'è al pian de sora! Ne tirem su na bona costola quando è pronta la zena: do "bone" (se fa per dir, vist che dirghe bone alle buste liofilizzae l'è tant che dirghe béc a n'asèn...) porziom a testa de risotto ai porcini, na busta de tonno e.... beh, se ciava el peso: el Kepo el s'è cargà en tel zaino anca na boza de bon ross "nobile di Montepulciano"! E così, dopo averghe trat n'ocio a quel che ne speta doman sula cartina, co la speranza che la schena la se sia n'atimo tirada a un, e quattro ciacere e na enfumegada davanti al fogolar, sem nai a butar zo i osi al pian de sora: ancoi l'è la prova del nove per i novi sacchi a pelo da spediziom che s'è tolti el Matteo e l Kepo (i tegn -50 de extreme!)... e anca per quel dell'Alberto vist che l'è en -5 de extreme ma en te la stanza la temperatura la par quasi pù vizina ai -10!

15/03/06
Ora sveglia 6.30, ( con la suoneria del Kepo che par proprio el vers den rugant mentre i lo macella...), appena veden el cielo se capise che anca ancoi el sol el ne accompagnera' per quella che doveria esser la giornata pu tranquilla de ieri...Pronti operativi preparar la colazion, pentolin d' acqua per el caffe' solubile e el latt concentrato, biscotti oro saiwa, fette biscottate dell' Alberto, marmellata, succo de frutta che en po’ alla volta el finiva allegerendo de tre kili el zaino e nutella che ormai vist el fret l'era deventada en ciocolatin. Appena finì de magnar e rifornì le borracce, fen i zaini e alle 8.20 puntan dritti per el Lac delle Stellune. Alle 8.30 gaven gia’ el sol en faccia, e scollinà dopo Malga Stellune, a sinistra del lago 6 camosci i corre liberi fra el canalon dela Cima Stellune e quel de la forcella Val Moena, proprio en bel spettacol! Ancor en par de zento metri e sen alla Forcella val Sorda. Disente che l'andazzo promette bene visto che en de n' ora aven fat 410 mt de dislivel.Ecco che davanti a noi se daverze la visuale en modo da far el punto della situazion. Appena sotto ghè i Laghetti delle Buse Basse, a sinistra el Col dei Fiori e sul fianc el prossimo passo da affrontar quel del Cion. Via le pel e se torna a sciander, fando attenzion alle trettorie, visto che i pendii i è bei carghi e alcuni gia scaricadi. Infatti ne abbassan en po' de pu' de quota fin a 1950, rimetten le pel fermi sotto dei laresi e su fino al passo 2076. Dopo la pausa acqua, puntan alla malga Val Cion, chi veden la pu' granda slavina de tutt el percorso! Tut el lato nord del Col degli Uccelli staccà e portà a val lastroni e piante ( sol per fortuna ), di fatti el toc che aven dovu sciar per attraversarla pareva de essre su na pista da cross. Che bella nef dopo, persin polver fin quasi alla Malga Val Ciotto Alta. El sol iniziava a farse sentir così che tiran for la crema, fen pausa frutta secca e acqua, e pensan ( mal ) de no rimetter le pèl visto che sembra tut discesa, ma dopo na bella tribolada de un oretta, el Kepo el tira for el GPS e veden che sten andando fuori rotta den bel po', e cosi rimpelan e affrontan la salitona en mezz al bosc che porta fra Cima Laste' delle Sute e el Col del Latte con 100 metri en pù da far, fuori programma.Ok ora ne aspettava Malga Cupola Sopra e Cupola Sotto. Arrivadi a sta ultima aven ciapà la stradina a sinistra e dopo en po' de temp aven capi' subito che doveven metterne el cor en paze, visto che adess ne toccava nar dentro per la val fin quasi al Lago Nero , che l'e' forma dai vari rivi che scendono dal passo Litegosa e quel del Sàdole,e daverzendose la visuale vedeven la Laghetti sul versante opposto e in fondo all' orizzonte la lontanissima Fossernica, meta della giornata! Buta che te buta attraversan la valeta formada da un fiume e sbucan sulla forestale che porta zo alla penultina malga.Si en zo perche' ne sen dovudi alzar de zento 30 metri per poder taiar, ma in compenso trovan en foro nella nef dove aprofittan per far el pieno de acqua a tut...La mattina appena partidi , sull’onda dell’entusiasmo aven dit : " a mezdì fen pranzo alla laghetti..."; ore 16.00 sen arrivadi alla Laghetti!!!. Ok adess la nossa meta' l' è malga Fossernica, dove passar la notte. Per fortuna aven scelto de partir nei giorni de luna piena cosi' gaven anca pu' temp per varie ed eventuali… Ripartiti dopo la ri-sosta, proseguin fin all’incrocio dove a destra se arriva al Refavaie, e allor ne tegnin sulla sinistra. Qua nen en dentro per alcuni kilometri e vedendo che la strada la ne portava fuori rotta e troppo alti deciden ,dopo le dovude valutazion, de taiar zo per el bosc seguendo le tracce dei caprioi, che en toc en zo iaven visti , scoprendo che i è pure furbi perchè i sceglie le rotte non massa ensgrebenade. Ne sbasan da 1700 circa fin a 1480 trovando così n' altra strada forestale quella che na' porta alla Malga Coldosè di sotto.Proseguendo en zo arrivan al bivio con la segnaletica della Fossernica, da chi ne aspettava i ultimi 300mt, ma mai cantar vittoria en montagna fin che no se è a cà... E cosi' l' è sta' visto che dopo en bel po' de temp che saliven la strada la neva fuori rotta e ormai con la luna che doveva ancor crescer e el sol che l’era za na en del let, metten le frontali e seguin delle tracce che neva su en del bosc gavendo conferma dal GPS che la meta l' era a 500 mt in linea d' aria sora de noi. E difatti ne sen trovadi sotto i pradi dei pascoli, dove dal confin del bosc vedeven na linea dritta en cima al doss che podeva esser el quert: ( per en attimo el Matteo el pensava che fussa en miraggio ). Do-tre taiade e sen su sol cor en man, visto che la dat en par de soffioni i accumoli, ma ecco arrivadi! La sorpresa pu' granda la gaven avuda quando davert la porta ne sen trovadi el caminetto, la fornasela, el lavandin, piastrelle per tera, banche , taoloni de legn e per finir i materassi! Ensomma dopo dodese ore de buta, spenzi, scia e vedi posti favolosi le nosse schene le ringrazia la comunita' della Val Fossernica per sta malga a 5 stelle. Na tocca' sol tor for la pala e farghe spazio per daverzer la porta della legnaia, stizzi bei secchi e ensin el manarot per baterli su e cosi en den n'attimo eren davanti al caminett col camin che tirava, con la pasta e fasoi en del piat e la bozza del bon marzemin d' Isera etichetta verde saltada for per magia dal zaino del Kepo. For el tacava za a snuvolarse e dopo aver puntà la sveglia alle 6.30, polsan! “NA VERA MAGIA”

16/03/06
Ore 6.30, quel brao putel del kepo el se offre de alzarse e nar de fora a vedere la situazione tempo: tut negativo visto che la visibilita’ non è neanche 20 mt. Allora deciden de dormir,che bel, ancora en ora .7.30 sto giro la visibilità lei uguale ma en pù el fiochesina. Va beh la situazion lè de quele che bisogna decidere cosa far. Come alternativa ghe quela da star ancora en po’ en del sacco a pelo sui comodi materassi, subit accolta e veder el temp che evoluzion el fa. Mandan en sms al meteo trentino e capin che la nuvolosita’ diminuisce nel pomeriggio, ma non soddisfatti trovan en punto dove ciapa pu ben el cellulare e ghe telefonan, solita solfa. En tant allora ne alzan, come dei veri montanari batten su en po’ de legna piccola anca per la fornasela e envian su tut. Ormai sen i paroni della malga. La soluzion podeva esser quella de far en toc de tragitto fin a Malga Miesnotta, fermarse lì la not e ripartir per far tut l rest fin al rolle. Visto che tutti e tre podeven star via en di’ de pu’e che i viveri i podeva deventar abbastanza grazie al mez kilo de pasta che ghera li’ al rifugio , e che coseven per comodita’ sulla fornasela e ne serviva sol per la sera de quel dì. Però el problema l’era sol el temp visto che i metteva incerto anca el di’ dopo. Va ben allora tramite en po’ de telefonade recuperan el numer de Trentino trasporti. N’ impresa a ciapar la linea , vist la copertura de rete. La signorina la ne dis che la corriera che da Caoria porta en Valsugana lei partida alle 6.30, en alternativa ghe ne ben poche se non ciaparne una alle 14 che porta fin a Feltre, cambiar e torne en altra fin a na frazion che no me ricordo pu, ricambiar fin a borgo e alle 18.30 tor el treno fin a Pergine...e dopo recuperar la macchina a Predaz ...Ma subit dopo da en bigliettin che medigo la gaveva scont salta for che alle 14.15 parte na coriera da Caoria fin a Fiera che pero’ non riusciven a ciapar la coincidenza che portava a S.Martin e po’ sul Rolle. Vista l’ ora e vist le condizion e le prevision del temp, aven fat i zaini e deciso de nar zo a Caoria e tor quela che va fin a Fiera e da li, che l’e’ el centro principale trovar qualche soluzion. Metten i sci e studian la rotta da star for el pu’ possibil dai cumui dei pradi sotto, e costeggian na dorsale de destra che porta fin al bosc e da chi ne molan zo fin a trovar la strada forestale. Beccada dopo en par de rudoloni e na desmisiada ad en Gal zedron che nol saveva pu’ en de nar, zo tutta fin al bivio, e po’ zo fin a dei masetti dove encontran doi con la motoslitta. Ne tocca cavar i sci dosento metri per po nar zo fin al Refavaie. Ades taca l’ asfalto , veden al rifugio che ghe en cagnot sulla porta ma ‘è tut serà e allor con calma ne dirigen en zo. L’ Alberto el se ferma a far do foto e en quela capita el gestor che el ghe fa en par de domande e el se offre de portarne en zo fin a Caoria vist che ghe mancava 4 km. Tornà de volta el Kepo e el Matteo contenti, cargan tut sull’ audi famigliare , sci e zaini, tant che el cagnot no el ghe steva e lè dovu star li. Sto brao sior che non saven neanca el nome alla fin la tira’ drit fin a Fiera descargandone alla stazion delle corrire all’una. Aven podu’ far i biglietti diretti fin a Bellamonte dove ghera parcheggia la punto del Matteo, che el l aveva slongada dentro el lunì. La corriera giusta la partiva alle 14.07 per S.Martin dove ghera le coincidenza alle 14.45 per Predazzo. Gavendo en ora d’ attesa, coi scarponi ancora en doss, aven trova en bar davert e magna 3 boni panini con 3 birrette... è na tut en del sangue. Mentre saliven sul passo Rolle fiocava sempre de pu’ confermando la nossa scelta de non tentar l’ ultim tragitto. Alle 15.50 eren alla macchina pronti en viazo con stappà le bozze delle weizen che le ne aspettava en dela punto!